ମୁମ୍ବାଇ: ଫେମସ ଅଭିନେତା ଆର ମାଧବନ ଖୁବଶୀଘ୍ର ନିର୍ଦ୍ଦେଶନା ଦୁନିଆରେ ଡେବ୍ୟୁ କରିବାକୁ ଯାଉଛନ୍ତି । ସେ ନିଜର ପ୍ରଥମ ଫିଲ୍ମ 'ରକେଟ୍ରୀ ଦ ନମ୍ବି ଇଫେକ୍ଟ' ଜରିଆରେ ଦର୍ଶକଙ୍କୁ ନିଜ ନିର୍ଦ୍ଦେଶନାର ଯାଦୁ ଦେଖାଇବେ । ସେ ନିକଟରେ ଫିଲ୍ମର ସୁଟିଂ ଶେଷ କରି ମୁମ୍ବାଇ ଫେରିଥିଲେ । ଆଉ ସୋସିଆଲ ମିଡିଆରେ ଫିଲ୍ମ ସୁଟିଂ ଶେଷ କରିବା ସୂଚନା ଦେବା ମାତ୍ରେ ତାଙ୍କୁ ଜବରଦସ୍ତ ସପ୍ରାଇଜିଂ ମୁମେଣ୍ଟର ସାମ୍ନା କରିବାକୁ ପଡିଥିଲା । ଏହି ସରପ୍ରାଇଜ କଥା ଶୁଣି ତାଙ୍କ ଫ୍ୟାନ୍ସ ମଧ୍ୟ ଆଶ୍ଚର୍ଯ୍ୟ ।
କାରଣ 49 ବର୍ଷ ମାଧବନଙ୍କୁ ଜଣେ 18 ବର୍ଷୀୟ ଝିଅ ସୋସିଆଲ ମିଡିଆରେ ବିବାହ ପାଇଁ ପ୍ରସ୍ତାବ ଦେଇଛନ୍ତି । ଏବେ ସେହି ଝିଅଙ୍କ ପୋଷ୍ଟ ଉପରେ ବଲିଉଡରୁ ସାଉଥ ଇଣ୍ଡଷ୍ଟ୍ରିରେ ମଧ୍ୟ ଚର୍ଚ୍ଚା ଚାଲିଛି । କାରଣ ଫିଲ୍ମ ଷ୍ଟାର୍ସଙ୍କୁ ଏମିତି ପ୍ରପୋଜଲ ପ୍ରାୟତଃ ମିଳିଥାଏ । କିନ୍ତୁ ମାଧବଙ୍କୁ ଜଣେ ଟିନଏଜର ଫ୍ୟାନ ଏପରି ବିବାହ ପ୍ରପୋଜଲ ଦେବା ବାସ୍ତବରେ ଆଶ୍ଚର୍ଯ୍ୟକର ।
ସେହି ଫ୍ୟାନ ଜଣଙ୍କ ମାଧବନଙ୍କ ପୋଷ୍ଟରେ ଲେଖିଛନ୍ତି ଯେ ଏହା କଣ ଭୁଲ କି ମୁଁ 18 ବର୍ଷର ଆଉ ଆପଣଙ୍କୁ ବିବାହ କରିବାକୁ ଚାହୁଁଛି । ଏହି କମେଣ୍ଟର କିଛି ସମୟ ବ୍ୟବଧାନରେ ମାଧବନ ଏକ ସ୍ନେହଭରା ଜବାବ ଦେଇଥିଲେ । ସେ ଜବାବରେ ଲେଖିଥିଲେ, "ଗଡ ବ୍ଲେସ ୟୁ...ତୁମକୁ ବହୁତ ଭଲ ବ୍ୟକ୍ତି ମିଳିବେ । "
ପ୍ରକାଶ ଥାଉକି ମାଧବାନଙ୍କ ଫିଲ୍ମ 'ରକେଟ୍ରୀ ଦ ନମ୍ବି ଇଫେକ୍ଟ' ଏବେ ଚର୍ଚ୍ଚାରେ । କାରଣ ଏହି ଫିଲ୍ମରେ ହିନ୍ଦୀ, ତାମିଲ ସିନେମାରୁ ନେଇ ହଲିଉଡ ପର୍ଯ୍ୟନ୍ତ ଅନେକ ଫେମସ କଳାକାର ଅଭିନୟ କରୁଥିବାର ଦେଖାଯିବେ । ଏହି ଫିଲ୍ମଟି ବୈଜ୍ଞାନିକ ନମ୍ବି ନାରାୟାଣନଙ୍କ ବାୟୋପିକ ଫିଲ୍ମ । ଫିଲ୍ମ 'ରକେଟ୍ରୀ ଦ ନମ୍ବି ଇଫେକ୍ଟ' ପାଇଁ ମାଧବନ ଅନ୍ତରୀକ୍ଷ ଏଜେନ୍ସି ନାସାର ମଧ୍ୟ ସାହାଯ୍ୟ ନେଇଛନ୍ତି ।
