ମୁମ୍ବାଇ: ବହୁମୁଖୀ ପ୍ରତିଭାଶାଳୀ ଅଭିନେତା କୁନାଲ ଖେମୁଙ୍କୁ ତାଙ୍କ ଅଭିନୟ ପାଇଁ ପ୍ରଶଂସା ମିଳିଆସୁଛି । ନିକଟରେ ରିଲିଜ ହୋଇଥିବା ମୋହିତ ସୁରୀଙ୍କ ମଲ୍ଟି ଷ୍ଟାର ଫିଲ୍ମ ‘ମଲଙ୍ଗ’ରେ ତାଙ୍କ ଦମଦାର ଖଳନାୟକ ଅବତାର ଦର୍ଶକଙ୍କ ମନ କିଣିଥିଲା । ଆଉ ଏବେ ସେ ନିଜ ଡିଜିଟାଲ ସିରିଜ ଅଭୟକୁ ନେଇ ଚର୍ଚ୍ଚାରେ । ଯାହା ପାଇଁ ତାଙ୍କ ଅଭିନୟର ପ୍ରଶଂସା କରିବାରେ ବ୍ୟସ୍ତ ଦର୍ଶକ । ନିକଟରେ ଏହି ସିରିଜକୁ ଜି5ର ସବୁଠାରୁ ଅଧିକ ଦେଖାଯାଇଥିବା ଶୋ ଘୋଷିତ କରାଯାଇଥିଲା ।
ବଡ ସଫଳତା ପରେ କୁନାଲ କହିଥିଲେ ଯେ ‘ଅଭୟ’ ତାଙ୍କୁ ଯେଉଁ ସମ୍ମାନ ଦେଇଛି । ତାହା ତାଙ୍କୁ ବିଭିନ୍ନ କ୍ଷେତ୍ରରେ ଭଲ କାମ କରିବାକୁ ପ୍ରେରଣା ଯୋଗାଉଛି । ଏହାର ସଫଳତା ଏହି କଥାର ସାକ୍ଷୀ ଯେ ଦର୍ଶକଙ୍କୁ କ୍ରାଇମ, ଥ୍ରିଲର କଣ୍ଟେଣ୍ଟ ଖୁବ୍ ପସନ୍ଦ ଆସିବାରେ ଲାଗିଲାଣି । ସେ ଉତ୍ସାହିତ ଅଛନ୍ତି । ଆଉ ଯେତେବେଳେ ପରିସ୍ଥିତି ନର୍ମାଲ ହୋଇଯିବ ତେବେ ପୁରା ଟିମ ‘ଅଭୟ 2’ର ସୁଟିଂ ଆରମ୍ଭ କରିଦେବେ ।
ପ୍ରକାଶ ଥାଉକି ସିରିଜରେ କୁନାଲ ଜଣେ ପୋଲିସ ଅଫିସର ଭୂମିକାରେ ଅଭିନୟ କରିଛନ୍ତି। ଅଭୟ 2କୁ ନେଇ ଦୀର୍ଘ ସମୟରୁ ଉତ୍ସାହିତ ଫ୍ୟାନ୍ସ । ଯାହାର ଟିଜର ଗତ ମାସ 15 ତାରିଖରେ ରିଲିଜ ହୋଇଥିଲା । ହେଲେ ଲକଡାଉନ ପାଇଁ ଏବେ ସିରିଜର ସୁଟିଂ ବନ୍ଦ ପଡିଛି ।
