ମୁମ୍ବାଇ: ଅଭିନେତ୍ରୀ କ୍ରିତି ଖରବନ୍ଦା କେବଳ ପରଦାରେ ଆକ୍ସନ୍ ସ୍ବିକ୍ବେନ୍ସ ଦେଖିବାକୁ ପସନ୍ଦ କରନ୍ତି ନାହିଁ, ବରଂ ଏଥିରେ ଭାଗ ନେବାକୁ ମଧ୍ୟ ପସନ୍ଦ କରନ୍ତି । ସେ କହିଛନ୍ତି ଯେ, ସେ ଆଗାମୀ ସମୟରେ ଏକ ମହିଳା କେନ୍ଦ୍ରିକ ଆକ୍ସନ୍ ଫିଲ୍ମରେ କାମ କରିବାକୁ ଚାହୁଁଛନ୍ତି ।
ଏକ ସାକ୍ଷାତକାରରେ କ୍ରିତି କହିଛନ୍ତି, "ମୁଁ ଏକ ଫିମେଲ ଆକ୍ସନ୍ ଫିଲ୍ମରେ କାମ କରିବାକୁ ପସନ୍ଦ କରିବି । ମୁଁ କେବଳ ଆକ୍ସନ୍ ସ୍ବିକ୍ବେନ୍ସ ଦେଖିବାକୁ ଭଲପାଏ ନାହିଁ, ବରଂ ମୁଁ ମଧ୍ୟ ଏଥିରେ ଭାଗ ନେବାକୁ ପସନ୍ଦ କରେ । ମୁଁ ଅନେକ କ୍ରୀଡ଼ାରେ ମଧ୍ୟ ଅଂଶ ଗ୍ରହଣ କରିଛି । ମୁଁ ଟେନିସ୍, ବାସ୍କେଟବଲ୍ ଖେଳେ । ମୁଁ ସ୍କୁଲରେ ଖୋ-ଖୋ ମଧ୍ୟ ଖେଳିଛି " ।
ତେବେ କ୍ରିତି ତାଙ୍କ ଆଗାମୀ ଚଳଚ୍ଚିତ୍ର ତୈଶରେ ନିଜର ଇଚ୍ଛା ପୂରଣ କରିବାର ସୁଯୋଗ ପାଇଛନ୍ତି । ଏହି ଚଳଚ୍ଚିତ୍ରରେ ପୁଲକିତ, ଜିମ, ହର୍ଷବର୍ଦ୍ଧନ ରାଣେ ଏବଂ ସଞ୍ଜୀଦା ଶେଖଙ୍କ ଭଳି କଳାକାରମାନେ ମଧ୍ୟ ଅଛନ୍ତି ।
ପ୍ରକାଶ ଥାଉ ଯେ, ଆଗାମୀ ସମୟରେ କ୍ରିତି ବିକ୍ରାନ୍ତଙ୍କ ଆଗାମୀ ଚଳଚ୍ଚିତ୍ର '14 ଫେରେ'ରେ ନଜର ଆସିବେ । ଫିଲ୍ମର ସୁଟିଂ ନଭେମ୍ବର 2020 ରେ ଆରମ୍ଭ ହେବ ଏବଂ ଫିଲ୍ମ ଜୁଲାଇ 9, 2021 ରେ ମୁକ୍ତିଲାଭ କରିବ ।
