ମୁମ୍ବାଇ: ବଲିଉଡର ଅନେକ ଷ୍ଟାର ବଡ ପରଦାରେ କମାଲ ଦେଖାଇବା ପରେ ଏବେ OTT ପ୍ଲାଟଫର୍ମରେ ନିଜର ଜଲଓ୍ବା ଦେଖାଉଛନ୍ତି । ଅଜୟ ଦେବଗେନଙ୍କଠୁ ନେଇ ଅନେକ ଷ୍ଟାର ଚଳିତ ବର୍ଷ OTT ପ୍ଲାଟଫର୍ମରେ ଡେବ୍ୟୁ କରିସାରିଛନ୍ତି । ଏହି ଧାରାରେ ବର୍ତ୍ତମାନ ଅଭିନେତ୍ରୀ କରୀନା କପୁର ଖାନଙ୍କ ନାମ ମଧ୍ୟ ସାମିଲ ହୋଇଛି। କରୀନା ଖୁବ୍ ଶୀଘ୍ର OTT ପ୍ଲାଟଫର୍ମରେ ଡେବ୍ୟୁ କରିବାକୁ ଯାଉଛନ୍ତି । କରୀନାଙ୍କ ପୂର୍ବରୁ ମଧ୍ୟ ଅନେକ ବଲିଉଡ ତାରକା OTT ପ୍ଲାଟଫର୍ମରେ ନିଜର ଜଲଓ୍ବା ଦେଖାଇସାରିଛନ୍ତି । ନିକଟରେ ଅଜୟ ଦେବଗନଙ୍କ ୱେବସିରିଜ - Rudra: The Edge of Darknessକୁ ଲୋକମାନେ ବହିତ ପସନ୍ଦ କରିଥିଲେ ।
ଚଳଚ୍ଚିତ୍ରଟି କାହା ଉପରେ ଆଧାରିତ
ଅଭିନେତ୍ରୀ କରୀନା କପୁର ଖାନ ନେଟଫ୍ଲିକ୍ସରେ ଡେବ୍ୟୁ କରିବେ। ଏହି ଚଳଚ୍ଚିତ୍ରର କାହାଣୀ ଜାପାନୀ ଲେଖକ କିଗୋ ହିଗାଶିନୋଙ୍କ ପୁସ୍ତକ ଉପରେ ଆଧାରିତ ଫିଲ୍ମ The Devotion of Suspect X ଉପରେ ଆଧାରିତ ହେବ। କରୀନାଙ୍କ ସହ ଅଭିନେତା ଜୟଦୀପ ଅହଲାୱତ ଏବଂ ବିଜୟ ବର୍ମା ମଧ୍ୟ ଏହି ଫିଲ୍ମରେ ନଜର ଆସିବେ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ସୁଜୟ ଘୋଷ। କରୀନା କପୁର ଖାନ ନିଜ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରି ଏହି ସୂଚନା ଦେଇଛନ୍ତି। ଏହି ଭିଡିଓ ସେୟାର କରି କରୀନା ଏକ କ୍ୟାପସନ ମଧ୍ୟ ଲେଖିଛନ୍ତି।
- " class="align-text-top noRightClick twitterSection" data="
">
କେବେ ଏବଂ କେଉଁଠାରେ ରିଲିଜ ହେବ
କରୀନା କପୁର ଖୁବ୍ ଶୀଘ୍ର OTT ପ୍ଲାଟଫର୍ମରେ ନଜର ଆସିବେ। ଏହି ଫିଲ୍ମ ନେଟଫ୍ଲିକ୍ସରେ ରିଲିଜ ହେବ, ଯାହାର ସୁଟିଂ ଖୁବ୍ ଶୀଘ୍ର ଆରମ୍ଭ ହେବାକୁ ଯାଉଛି। ଏହାର ରିଲିଜ ଡେଟକୁ ନେଇ କୌଣସି ଖବର ସାମ୍ନାକୁ ଆସିନାହିଁ। ତେବେ କରୀନା କହିଛନ୍ତି କି, ଏହି ଫିଲ୍ମରେ କାମ ଆରମ୍ଭ କରିବା ପାଇଁ ସେ ବହୁତ ଏକ୍ସାଇଟେଡ ଅଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
