ହାଇଦ୍ରାବାଦ: ବଲିଉଡର ପଙ୍ଗା କୁଇନ କଙ୍ଗନା ରଣାଓ୍ବତଙ୍କର ଆଜି ଜନ୍ମଦିନ। ସେ ଆଜି ତାଙ୍କର 35ତମ ଜନ୍ମଦିନ ପାଳନ କରୁଛନ୍ତି । ସେ ହିମାଚଳ ପ୍ରଦେଶର ମଣ୍ଡି ଜିଲ୍ଲାରେ ଜନ୍ମଗ୍ରହଣ କରିଥିଲେ। କଙ୍ଗନାଙ୍କ ମାଆ ଜଣେ ସ୍କୁଲ ଶିକ୍ଷଯିତ୍ରୀ ଏବଂ ପିତା ଜଣେ ବ୍ୟବସାୟୀ ଥିଲେ। କଙ୍ଗନା ରଣାୱତ ଅଭିନେତ୍ରୀ ନୁହଁନ୍ତି ବରଂ ଡାକ୍ତର ହେବାକୁ ଚାହୁଁଥିଲେ । ମାତ୍ର କଙ୍ଗନା ଦ୍ୱାଦଶ ଶ୍ରେଣୀରେ ଫେଲ ହୋଇଯାଇଥିଲେ । କଙ୍ଗନା ତାଙ୍କ କ୍ୟାରିୟର ଆରମ୍ଭରେ ବହୁତ ସଂଘର୍ଷ କରିଥିଲେ । ସଂଘର୍ଷ ସମୟରେ ସେ କେବେ ବି ହାର ମାନିନଥିଲେ ଏବଂ ବର୍ତ୍ତମାନ ସେ ଏହି ସ୍ଥିତିରେ ପହଞ୍ଚିଛନ୍ତି ।
ସେ 2006 ମସିହାରେ ଗ୍ୟାଙ୍ଗଷ୍ଟର ଚଳଚ୍ଚିତ୍ର ସହିତ ନିଜର କ୍ୟାରିଅର୍ ଆରମ୍ଭ କରିଥିଲେ । ଏହା ପରେ ସେ କେବେ ପଛକୁ ବୁଲି ଚାହିଁନାହାନ୍ତି, ଗୋଟିଏ ପରେ ଗୋଟିଏ ହିଟ ଫିଲ୍ମ ଦେଇଚାଲିଛନ୍ତି । ତେବେ ବିବାଦୀୟ ବୟାନ କଥା ଉଠିଲେ ପ୍ରଥମେ କଙ୍ଗନାଙ୍କ ନାଁ ଆସେ । କେବଳ ବିବାଦୀୟ ବୟାନ ପାଇଁ ବଲିଉଡର ସବୁଠାରୁ ଧନୀ ଅଭିନେତ୍ରୀଙ୍କ ମଧ୍ୟରେ କଙ୍ଗନାଙ୍କ ନାଁ ରହିଛି । କଠିନ ପରିଶ୍ରମ କରି କଙ୍ଗନା କୋଟି କୋଟି ଟଙ୍କାର ସମ୍ପତ୍ତିର ମାଲିକାଣୀ ହୋଇପାରିଛନ୍ତି । କଙ୍ଗନା ରଣାଓ୍ବତଙ୍କ ସମ୍ପତ୍ତି ବିଷୟରେ କହିବାକୁ ଗଲେ ତାଙ୍କର ତିନୋଟି ଘର ଅଛି । କଙ୍ଗନା ମୁମ୍ବାଇର ଖାର୍ ୱେଷ୍ଟ ସ୍ଥିତ ଅର୍କିଡ୍ ବ୍ରେଜ୍ ର 16 ନମ୍ବର ରୋଡ୍ ଉପରେ ପାଞ୍ଚ ମହଲାରେ ରୁହନ୍ତି । ଏହି ଫ୍ଲୋରରେ କଙ୍ଗାନାର ମୋଟ ତିନୋଟି ଫ୍ଲାଟ ଅଛି .
- " class="align-text-top noRightClick twitterSection" data="
">
କଙ୍ଗନାଙ୍କ ସମ୍ପତ୍ତି
କଙ୍ଗାନାଙ୍କ ଗୋଟିଏ ଫ୍ଲାଟ 797 ବର୍ଗଫୁଟ, ଦ୍ୱିତୀୟ ଫ୍ଲାଟ 711 ବର୍ଗଫୁଟ ଏବଂ ତୃତୀୟ ଫ୍ଲାଟ 459 ବର୍ଗଫୁଟ । ରିପୋର୍ଟ ଅନୁଯାୟୀ, ଏହି ତିନୋଟି ଫ୍ଲାଟର ମୂଲ୍ୟ 5.50 କୋଟି, 5.25 କୋଟି ଏବଂ 3.25 କୋଟି ଟଙ୍କା ରହିଛି। ଅର୍ଥାତ୍ କଙ୍ଗନାଙ୍କ ତିନି ଫ୍ଲାଟର ମୋଟ ମୂଲ୍ୟ 14 କୋଟି ଟଙ୍କା ।
ବିଏମସି ଦ୍ୱାରା କାର୍ଯ୍ୟାଳୟ ଭାଙ୍ଗିବା ପରେ କଙ୍ଗନା ଏହାର ମୂଲ୍ୟ 48 କୋଟି ଟଙ୍କା ବୋଲି କହିଥିଲେ। କଙ୍ଗନା ଏହି କାର୍ଯ୍ୟାଳୟକୁ 2017 ମସିହାରେ ପାଲି ହିଲ୍ସରେ ଅବସ୍ଥିତ କୋଠାର ତୃତୀୟ ମହଲାରେ କିଣିଥିଲେ । ଏହାର ମୂଲ୍ୟ 20 କୋଟି ଟଙ୍କା ଥିଲା। କଙ୍ଗନା ଏହାର ଇଣ୍ଟେରିୟରରେ ବହୁତ ଟଙ୍କା ଖର୍ଚ୍ଚ କରିଛନ୍ତି ।
ମନାଲିରେ ଘର ଏବଂ କାର୍
ମୁମ୍ବାଇ ବ୍ୟତୀତ କଙ୍ଗନାଙ୍କ ହୋମ ଟାଉନ ମନାଲିରେ ଏକ ବଙ୍ଗଳା ଅଛି . ଏହାର ମୂଲ୍ୟ ପ୍ରାୟ 30 କୋଟି ଅଟେ । ଏହି ଆଠ କୋଠରୀ ବିଶିଷ୍ଟ ବଙ୍ଗଳାକୁ କଙ୍ଗନା 10 କୋଟି ଟଙ୍କାରେ କିଣିଛନ୍ତି। ଏହା ସହିତ ଏହାର ଇଣ୍ଟେରିୟରରେ 20 କୋଟି ଟଙ୍କା ଖର୍ଚ୍ଚ ହୋଇଛି | କଙ୍ଗନା 21 ବର୍ଷ ବୟସରେ ତାଙ୍କର ପ୍ରଥମ କାର୍ BMW 7 ସିରିଜ୍ କିଣିଥିଲେ । ଏହା ବ୍ୟତୀତ ସେ ଏକ ମର୍ସିଡିଜ୍-ବେଞ୍ଜ୍ ଜିଏଲ୍ଇ-କ୍ଲାସ୍ ଏସୟୁଭି ମଧ୍ୟ କିଣିଥିଲେ ।
- " class="align-text-top noRightClick twitterSection" data="
">
କଙ୍ଗନାଙ୍କ ସମତ୍ତି
Caknowledge.com ର ରିପୋର୍ଟ ଅନୁଯାୟୀ, କଙ୍ଗନା ରଣାଓ୍ବତ ପ୍ରାୟ 94 କୋଟି ମୂଲ୍ୟର ସମ୍ପତ୍ତିର ମାଲିକାଣୀ ଅଟନ୍ତି । ତାଙ୍କର ଅଧିକାଂଶ ରୋଜଗାର ବ୍ରାଣ୍ଡ ଏଣ୍ଡୋର୍ସମେଣ୍ଟ ଏବଂ ଚଳଚ୍ଚିତ୍ରରେ ଅଭିନୟ ହେତୁ ହୋଇଛି । ସେ ଗୋଟିଏ ବର୍ଷରେ ପ୍ରାୟ 15 କୋଟି ଟଙ୍କା ରୋଜଗାର କରନ୍ତି । ସେ ଏକ ବ୍ରାଣ୍ଡକୁ ସମର୍ଥନ କରିବା ପାଇଁ 3-3.5 କୋଟି ଟଙ୍କା ଆଦାୟ କରନ୍ତି |
