ମୁମ୍ବାଇ: କ୍ୟୁଟ ଅଭିନେତା ଶାହିଦ କପୁର ଓ କିୟାରା ଆଡଭାନୀଙ୍କ ଆଗାମୀ ଫିଲ୍ମ 'କବୀର ସିଂହ' ବର୍ତ୍ତମାନ ଖୁବ୍ ଚର୍ଚ୍ଚାରେ । ଫିଲ୍ମକୁ ନେଇ ଏବେ ଠାରୁ ଦର୍ଶକଙ୍କ ମଧ୍ୟରେ ଖୁବ୍ ଉତ୍ସାହିତ ଦେଖିବାକୁ ମିଳୁଛି । ଫିଲ୍ମଟି ଜୁନ 21ରେ ପରଦାରେ ରିଲିଜ ହେବାକୁ ଯାଉଛି । କିନ୍ତୁ ଦର୍ଶକ ଫିଲ୍ମକୁ ଦେଖିବାକୁ ବ୍ୟାକୁଳ ହେଲେଣି । ଇତିମଧ୍ୟରେ ଫିଲ୍ମ ମେକର୍ସ ଦର୍ଶକଙ୍କ ଏକ୍ସାଇଟମେଣ୍ଟ ବଢାଇବା ପାଇଁ ଫିଲ୍ମର ଏକ ନୂଆ ପୋଷ୍ଟର ଜାରି କରିଛନ୍ତି ।
ଯାହାର ସୂଚନା ଫିଲ୍ମ କ୍ରିଟିକ ତରଣ ଆଦର୍ଶ ନିଜ ଟ୍ବିଟର ଜରିଆରେ ଫ୍ୟାନ୍ସଙ୍କୁ ଦେଇଛନ୍ତି । ସେ ଫିଲ୍ମର ନୂଆ ପୋଷ୍ଟର ସେୟାର କରି ଲେଖିଛନ୍ତି, "ସାମ୍ନାକୁ ଆସିଲା କବୀର ସିଂହର ନୂଆ ପୋଷ୍ଟର, ଅଭିନେତା ଶାହିଦ କପୁର ଓ କିୟାରା ଆଡୱାନୀ ଅଭିନୀତ ଏହି ଫିଲ୍ମର ନିର୍ଦ୍ଦେଶନା କରିଛନ୍ତି ସନ୍ଦୀପ ରେଡ୍ଡୀ ।"
ଯଦି ପୋଷ୍ଟର ବିଷୟରେ କଥା ହେବା ତେବେ ପୋଷ୍ଟରରେ ଶାହିଦ ଓ କିୟାରାଙ୍କ ରୋମାଣ୍ଟିକ ଅନ୍ଦାଜ ଦେଖିବାକୁ ମିଳିଛି । ଦୁଇଜଣ ପୋଷ୍ଟରରେ ଲିପଲକ କରୁଥିବାର ଦେଖାଯାଇଛନ୍ତି । ଫ୍ୟାନ୍ସଙ୍କୁ ମଧ୍ୟ ଦୁଇଜଣଙ୍କ ଏହି କେମେଷ୍ଟ୍ରି ଖୁବ୍ ପସନ୍ଦ ଆସିଛି ।
ପ୍ରକାଶ ଥାଉକି 'କବୀର ସିଂହ' ତେଲୁଗୁ ବ୍ଲକବଷ୍ଟର ଫିଲ୍ମ 'ଅର୍ଜୁନ ରେଡ୍ଡୀ'ର ହିନ୍ଦୀ ରିମେକ ଫିଲ୍ମ । 'ଅର୍ଜୁନ ରେଡ୍ଡୀ'ରେ ମୁଖ୍ୟ ଭୂମିକାରେ ନଜର ଆସିଥିଲେ ବିଜୟ ଦେବରକୋଣ୍ଡା ଓ ସାଲିନୀ ପାଣ୍ଡେ । ଫିଲ୍ମଟି ଶାନଦାର କଲେକ୍ସନ କରି ବ୍ଲକବଷ୍ଟର ଫିଲ୍ମର ସାମିଲ ହୋଇଥିଲେ । ଅନ୍ୟପଟେ 'କବୀର ସିଂହ'ଙ୍କୁ ନେଇ ମେକର୍ସ ମଧ୍ୟ ଠିକ୍ ଏହିପରି ଆଶା କରିଛନ୍ତି ।
