ହାଇଦ୍ରାବାଦ: ସୁଟିଂ ସେଟରେ ଆହତ ହୋଇଛନ୍ତି ବଲିଉଡ ଷ୍ଟାର ଜନ ଆବ୍ରାହମ । ‘ପାଗଲପନ୍ତି’ ଫିଲ୍ମର ସୁଟିଂ ସମୟରେ ବାମପଟ ହାତର ମାଂସପେଶୀରେ ଆଘାତ ଲାଗିଥିବା ସୂଚନା ମିଳିଛି । ଏହି କାରଣରୁ ସୁଟିଂରୁ ବିରତି ନେଇଛନ୍ତି ଜନ୍ ।
ତେବେ ଫିଲ୍ମର ପ୍ରଯୋଜକ କୁମାର ମଂଗତ ଏହାକୁ ସ୍ପଷ୍ଟ କରିଛନ୍ତି । ଫିଲ୍ମର ସୁଟିଂ ସମୟରେ ଭୁଲ ଟାଇମିଂ କାରଣରୁ ଆଘାତ ଲାଗିଛି ତେଣୁ ଡାକ୍ତର ତାଙ୍କୁ 20 ଦିନ ବିଶ୍ରାମ ନେବା ପାଇଁ କହିଛନ୍ତି ବୋଲି କହିଥିଲେ ପ୍ରଯୋଜକ ।
ପ୍ରଯୋଜକଙ୍କ କହିବା କଥା ସପ୍ତାହେ ପରେ ସେ ଏନେଇ ଜନଙ୍କ ସହ କଥା ହେବେ । ତେବେ ସୁଟିଂ ସମୟରେ ଅନୀଲ କପୁର, ଅର୍ଶଦ ୱାର୍ସି, ପୁଲକିତ ସମ୍ରାଟ, ଇଲିଆନା ଡି-କ୍ରୁଜ ଉପସ୍ଥିତ ଥିଲେ । ଫିଲ୍ମର ଅଧିକାଂଶ ସୁଟିଂ ଲଣ୍ଡନରେ କରାଯାଇଥିବା ବେଳେ ସୁଟିଂର କିଛି ଅଂଶ ମୁମ୍ବାଇରେ ସୁଟିଂ ହେବ । ତେବେ ଫିଲ୍ମଟି 22 ନଭେମ୍ବରରେ ରିଲିଜ ହେବ ବୋଲି ଜଣାପଡ଼ିଛି ।
