ହାଇଦ୍ରାବାଦ: ସୋସିଆଲ ମିଡିଆରେ ବିନା କାରଣରେ ଟ୍ରୋଲର ଶିକାର ହୋଇଛନ୍ତି ଖିଲାଡି କୁମାର । କାନାଡା ବାସିନ୍ଦାଙ୍କ ସହ ଇଣ୍ଡଷ୍ଟ୍ରିର ବିଭିନ୍ନ ହିରୋଇନଙ୍କୁ ସେ ହଇରାଣ କରିଥିବାର ମଧ୍ୟ ଅଭିଯୋଗ ହୋଇଛି । ପ୍ରଥମେ ଜଣେ ୟୁଜର୍ସ କେତେକ ହିରୋଇନଙ୍କ ଲିଷ୍ଟ କରି ସେମାନଙ୍କୁ ହଇରାଣ କରିଥିବା ଅଭିଯୋଗ ଆଣିଥିଲେ ଓ ପରେ ‘ହୱସ କେ ଦେବତା ଅକ୍ଷୟ’ ଟ୍ରେଣ୍ଡ ଦେଖିବାକୁ ମିଳିଥିଲା ।
ଏହାପରେ ଅନେକ ଯୁଜର୍ସ ଅକ୍ଷୟଙ୍କୁ ଟ୍ରୋଲ କରିଥିଲେ । ତେବେ ଅକ୍ଷୟଙ୍କ ସପକ୍ଷରେ ବାହାରିଛନ୍ତି ଚଳଚ୍ଚିତ୍ର ସମୀକ୍ଷକ କମଲ୍ ଆର୍ ଖାନ । ଟ୍ବିଟ କରି ଏହାକୁ ବିରୋଧ କରିଛନ୍ତି କମଲ୍ ।
ତେବେ ଆଗକୁ ଅକ୍ଷୟ ‘ହାଉସଫୁଲ-4’, ‘ଗୁଡନ୍ୟୁଜ’, ‘ଲକ୍ଷ୍ମୀବମ୍’, ‘ପୃଥ୍ବୀରାଜ’, ‘ବଚ୍ଚନ ପାଣ୍ଡେ’ ନେଇ ପରଦାକୁ ଆସିବେ । ଅନ୍ୟପକ୍ଷେ କପ୍ ସିରିଜ ‘ସୂର୍ଯ୍ୟବଂଶୀ’ ମଧ୍ୟ 2020ରେ ରିଲିଜ ହେବାର ସୂଚନା ରହିଛି ।