ମୁମ୍ବାଇ: ନିଜର ଅପକମିଂ ଫିଲ୍ମ ‘ତୁଫାନ’ ସୁଟିଂରେ ଖୁବ୍ ବ୍ୟସ୍ତ ବି-ଟାଉନର ମଲ୍ଟି ଟ୍ୟାଲେଣ୍ଟେଡ ଆକ୍ଟର ଫରହାନ ଅଖତର । ଫିଲ୍ମରେ ସେ ଜଣେ ବକ୍ସର ଭୂମିକାରେ ନଜର ଆସିବେ । ଫିଲ୍ମ ସେଟରୁ ଅନେକ ଫଟୋ ଦେଖିବାକୁ ମିଳିସାରିଛି । ହେଲେ ଇତିମଧ୍ୟରେ ତାଙ୍କ ଫିଲ୍ମଠୁ ଅଧିକା ତାଙ୍କ ବିବାହକୁ ନେଇ ଚର୍ଚ୍ଚା ଚାଲିଛି । ଶୁଣିବାକୁ ମିଳୁଛି ଯେ ଦୀର୍ଘ ସମୟରୁ ଡେଟ କରିଆସୁଥିବା ଗାର୍ଲଫ୍ରେଣ୍ଡ ଶିବାନୀ ଦାଣ୍ଡେକରଙ୍କୁ ସାତଜନ୍ମର ସାଥୀ କରିବାକୁ ଯାଉଛନ୍ତି ।
ଏହି ଲଭବାର୍ଡ ଖୁବଶୀଘ୍ର ବିବାହ ବନ୍ଧନରେ ଆବଦ୍ଧ ହେବେ । ଫରହାନ ନିଜ ଆଗାମୀ ଫିଲ୍ମ ‘ତୁଫାନ’ ରିଲିଜ ପରେ ଶିବାନୀଙ୍କୁ ବିବାହ କରିପାରନ୍ତି । ଏପରି ଚର୍ଚ୍ଚା ବର୍ତ୍ତମାନ ଜୋର ଧରିଛି । ବିବାହ ତାରିଖ ଏଯାବତ ଘୋଷଣା ହୋଇନାହିଁ ସତ ହେଲେ ଏହି ଯୋଡି ବିବାହ ପ୍ରସ୍ତୁତି ଆରମ୍ଭ କରିଦେଇଛନ୍ତି ।
ପ୍ରକାଶ ଥାଉକି, ଗତ 9 ତାରିଖରେ ଫରହାନଙ୍କ 46ତମ ଜନ୍ମଦିନ ଥିଲା । ଏହାବ୍ୟତିତ ସେ ଦେଶରେ ଚାଲିଥିବା ସିଏଏ ଓ ଏନଆରସି ବିରୋଧ ପ୍ରଦର୍ଶନରେ ଯୋଗ ଦେଇ ମଧ୍ୟ ଖୁବ୍ ଚର୍ଚ୍ଚାକୁ ଆସିଥିଲେ ।
