ମୁମ୍ବାଇ: ଲକଡାଉନରେ ନିଜ ଫ୍ୟାନ୍ସଙ୍କ ସହ ସବୁବେଳେ ଯୋଡି ରହିଛନ୍ତି ଧର୍ମେନ୍ଦ୍ର । ପ୍ରତିଦିନ ନୂଆ ଓ ପ୍ରେରଣାଦାୟୀ ପୋଷ୍ଟ ସେୟାର କରି ଫ୍ୟାନ୍ସଙ୍କୁ ଉତ୍ସାହିତ କରୁଛନ୍ତି । ଏହି ଅବସରରେ ସୋମବାର ସେ ଏକ ବାଛୁରୀ ସହ ଫଟୋ ସେୟାର କରିଛନ୍ତି ।
ଫଟୋରେ ସେ ବାଛୁରୀକୁ ପୁରା ଆଲିଙ୍ଗନ କରି ଧରିଥିବାର ଦେଖାଯାଇଛି । ଏହାସହ ସେ କ୍ୟାପସନର ଲେଖିଛନ୍ତି ଆମେ ମଣିଷ ପଢାଲେଖା କରି ବି ଏମାନଙ୍କ ଭଳି ହୋଇପାରିବା ନାହିଁ । ଏହି ଫଟୋଟି ତାଙ୍କ ଫାର୍ମ ହାଉସରେ ଉଠାଯାଇଛି । ଫଟୋ ପୋଷ୍ଟ ହେବାର 28 ମିନିଟ ଭିତରେ ଏହାକୁ ହଜାରରୁ ଅଧିକ ଲାଇକ ମିଳିସାରିଲାଣି ।
ପ୍ରକାଶ ଥାଉ କି ବର୍ତ୍ତମାନ ବଲିଉଡର ହିମ୍ୟାନ ନିଜ ଫାର୍ମ ହାଉସରେ ଅଛନ୍ତି । ଲକଡାଉନରେ ସେ ସେଠାରେ ଫସି ରହିଛନ୍ତି । ସେ ପ୍ରତିଦିନ ନିଜ ଫ୍ୟାନ୍ସଙ୍କୁ ପ୍ରକୃତିର ମଜା ନେଉଥିବାର ବିଭିନ୍ନ ଫଟୋ ଓ ଭିଡିଓ ସେୟାର କରି ଦେଖାଉଛନ୍ତି । ନିକଟରେ ସେ ଏକ ଫୁଲ ମୁନ ଓ ଗଛରେ ପାଣି ଦେଉଥିବାର ଭିଡିଓ ସେୟାର କରିଥିଲେ ।
