ନୂଆଦିଲ୍ଲୀ: ଦୀପିକା ପାଦୁକୋନ ବଲିଉଡର ଅନ୍ୟତମ ଦକ୍ଷ ଅଭିନେତ୍ରୀ । ଯିଏକି ବଲିଉଡରୁ ଫିଲ୍ମରୁ ଆରମ୍ଭ କରି ହଲିଉଡ ଫିଲ୍ମ ପର୍ଯ୍ୟନ୍ତ ନିଜର ଚତ୍ମକାର ଅଭିନୟ ଦ୍ବାରା ଦର୍ଶକମାନଙ୍କ ହୃଦୟ ଜିତିଛନ୍ତି ।
ବର୍ତ୍ତମାନ ଦୀପିକା ସ୍ୱାମୀ ତଥା ଅଭିନେତା ରଣଭୀର ସିଂଙ୍କ ସହ ହୋମ-କ୍ବାରେଣ୍ଟାଇନରେ ଅଛନ୍ତି ।
କିନ୍ତୁ 'ପଦ୍ମାବତ' ଅଭିନେତ୍ରୀ ସୋସିଆଲ ମିଡିଆରେ ବେଶ୍ ଆକ୍ଟିଭ ଅଛନ୍ତି ।
ଶୁକ୍ରବାର ଦିନ, ଦୀପିକା ତାଙ୍କ ଫ୍ୟାନ୍ସଙ୍କ ଦ୍ବାରା ନିର୍ମିତ ଏକ ଆର୍ଟକୁ ଇନଷ୍ଟାଗ୍ରାମରେ ସେୟାର କରିଛନ୍ତି ।
ଏହି ଫଟୋର କ୍ୟାପସନରେ ଦୀପିକା ଲେଖିଛନ୍ତି, # 'ଫ୍ୟାନ୍ ଆର୍ଟ ଫ୍ରାଇଡେ' । ଦୀପିକାଙ୍କ ଏହି ଫଟୋ ପୋଷ୍ଟ ହେବା ମାତ୍ରେ ଭାଇରାଲ ହେବାରେ ଲାଗିଛି । ପୋଷ୍ଟକୁ ଦେଖନ୍ତୁ-
ଦୀପିକାଙ୍କୁ ଶେଷ ଥର ପାଇଁ ଫିଲ୍ମ 'ଛପାକ୍'ରେ ଦେଖିବାକୁ ମିଳିଥିଲା ।
ପରବର୍ତ୍ତୀ ସମୟରେ, ଦୀପିକା ରଣଭୀର ସିଂଙ୍କ ସହ ଫିଲ୍ମ '83' ରେ ନଜର ଆସିବେ । ଏହି ଫିଲ୍ମ1983 ରେ କ୍ରିକେଟ୍ ବିଶ୍ୱକପରେ ଭାରତର ବିଜୟର କାହାଣୀ ଅଟେ ।
ଏହା ବ୍ୟତୀତ କିଛି ଦିନ ପୂର୍ବରୁ ଦୀପିକା ସାଉଥ ସୁପରଷ୍ଟାର ପ୍ରଭାସଙ୍କ ସହ ଏକ ଫିଲ୍ମ ଘୋଷଣା କରିଥିଲେ । ଏହି ଚଳଚ୍ଚିତ୍ରର କୌଣସି ଟାଇଟେଲ ଏପର୍ଯ୍ୟନ୍ତ ଦିଆଯାଇ ନାହିଁ । ଏହା ଏକ ବଡ ବଜେଟ୍ ଚଳଚ୍ଚିତ୍ର ହେବ ଏବଂ ଅନେକ ଭାଷାରେ ମୁକ୍ତିଲାଭ କରିବ ।
