ମୁଜାଫରପୁର: ଚଳଚ୍ଚିତ୍ର ନିର୍ମାତା ନିର୍ଦ୍ଦେଶକ ମହେଶ ଭଟ୍ଟ, ମୁକେଶ ଭଟ୍ଟ ଏବଂ ଅଭିନେତ୍ରୀ ଆଲିଆ ଭଟ୍ଟ ଧାର୍ମିକ ଭାବନାକୁ ଆଘାତ ଦେଇଥିବା ଅଭିଯୋଗ ହୋଇଛି । ମୁଜାଫରପୁରର ଓକିଲ ସୋନୁ କୁମାର ଏହି ଅଭିଯୋଗକୁ ସିଜେଏମ୍ କୋର୍ଟରେ ଦାଖଲ କରିଛନ୍ତି ।
- " class="align-text-top noRightClick twitterSection" data="
">
ଏହି ତିନି ଜଣ ଧାର୍ମିକ ଭାବନାକୁ ଆଘାତ ଦେଇଥିବା ଅଭିଯୋଗ କରିଛନ୍ତି ଆଇନଜୀବୀ ସୋନୁ । ଜୁଲାଇ 8 ରେ ଏହି ମାମଲାର ଶୁଣାଣି ହେବ ।
ମହେଶ, ମୁକେଶ ଏବଂ ଆଲିଆ ଏହି ତିନି ଜଣ ତାଙ୍କ ଫିଲ୍ମ ସଡକ-୨ର ପୋଷ୍ଟରରେ କୈଳାଶ ପର୍ବତର ଉପର ଭାଗକୁ ଦର୍ଶାଇଛନ୍ତି । ପୋଷ୍ଟରରେ କୈଳାଶ ପର୍ବତର ଫଟୋ ରହିଛି ଏବଂ ଶିଖରରେ ସଡକ-୨ ବୋଲ୍ଡ ଅକ୍ଷରରେ ଲେଖାଯାଇଛି । ତାଙ୍କର ଅନ୍ୟ ଫଟୋଗୁଡିକରେ ମଧ୍ୟ ଅଭିଯୁକ୍ତମାନେ କୈଳାଶ ପର୍ବତ ସହିତ ସେମାନଙ୍କର ଫଟୋ ମଧ୍ୟ ଉଠାଇଛନ୍ତି ।
ହିନ୍ଦୁ ଧର୍ମ ସହ ଜଡିତ ଶାସ୍ତ୍ର ଏବଂ ପୁରାଣରେ କୈଳାଶ ପର୍ବତର ମହତ୍ବ ବହୁ ଅଧିକ ଅଟେ । ଧର୍ମ ଅନୁଯାୟୀ ଭଗବାନ ଶିବ ଏବଂ ମାତା ପାର୍ବତୀ କୈଳାଶ ପର୍ବତରେ ରୁହନ୍ତି । ଏହା ହିନ୍ଦୁ ଧର୍ମରେ ବିଶ୍ୱାସ କରୁଥିବା ଲୋକଙ୍କ ଧାର୍ମିକ ଭାବନାକୁ ଆଘାତ ଦେଇଥିବା ସେ ଅଭିଯୋଗରେ ଦର୍ଶାଇଛନ୍ତି ।
