ମୁମ୍ବାଇ: ଅଭିନେତା ଅନୁପମ ଖେର ପ୍ରାୟତଃ ସୋସିଆଲ ମିଡିଆରେ ନିଜର ଭିଡିଓ, ଫଟୋ ସେୟାର କରି ଫ୍ୟାନ୍ସଙ୍କୁ ମନୋରଞ୍ଜନ କରୁଥିବାର ନଜର ଆସନ୍ତି । ଏଥର ମଧ୍ୟ ସମାନ କାମ କରିଛନ୍ତି ସେ । କାରଣ ସେ ସେୟାର କରିଛନ୍ତି ଥ୍ରୋବ୍ୟାକ ଫଟୋ । ଯାହା ବର୍ତ୍ତମାନ ଖୁବ୍ ଭାଇରାଲ ହେଉଛି । ମୁଖ୍ୟ କଥା ହେଲା ଯେ ଏହି ଫଟୋରେ ତାଙ୍କ ସହ ନଜର ଆସୁଛନ୍ତି କିଙ୍ଗ ଖାନ ଶାହରୁଖ ଓ ଜ୍ୟାକି ଶ୍ରଫ ।
ଭାଇରାଲ ହେଉଥିବା ଏହି ଫଟୋ କୌଣସି ଏକ ଇଭେଣ୍ଟର ଜଣାପଡୁଛି । ମଝିରେ ଅନୁପମ ଠିଆ ହୋଇଥିବା ବଳେ ତାଙ୍କ ଦୁଇ ସାଇଟ୍ରେ ଶାହରୁଖ ଓ ଜ୍ୟାକ ଠିଆ ହୋଇଛନ୍ତି । ସେହିପରି ଜ୍ୟାକି ନିଜର ରଫ ଆଣ୍ଡ ଟଫ୍ ଲୁକରେ ନଜର ଆସୁଛନ୍ତି । ଆଉ ଶାହରୁଖ ହାତରେ ଖାଇବା ଥାଳି ଧରିଥିବାର ଦେଖାଯାଉଛନ୍ତି ।
- " class="align-text-top noRightClick twitterSection" data="
">
ଫଟୋ ପୋଷ୍ଟ କରି ଅନୁପମ କ୍ୟାପସନରେ ଲେଖିଛନ୍ତି, ‘ଯେତେବେଳେ କ୍ୟାମେରାକୁ ଶାନ୍ତ ରୂପେ ଦେଖିବା ଏକ ଷ୍ଟାଇଲ ଷ୍ଟେଟମେଣ୍ଟ ଥିଲା । ଯେପର୍ଯ୍ୟନ୍ତ ଆପଣ ଜ୍ୟାକି ଶ୍ରଫ ନୁହଁନ୍ତି। ଯେତେବେଳେ ହାତରେ ଖାଦ୍ୟର ଏକ ଥାଳି ରହିବା ସ୍ବାଭାବିକ ଥିଲା । ଯେତେବେଳେ ଏକ ସାଦା କୁର୍ତ୍ତା ପାଇଜାମା ପାର୍ଟି ପୋଷାକ ଥିଲା । ଜ୍ୟାକି ଶ୍ରଫ୍ ଏବଂ ଶାହରୁଖଙ୍କ ସହ । ମୋର ସ୍ମୃତିର ଆଲବମରୁ।’
