ମୁମ୍ବାଇ: ବି-ଟାଉନର ମିଷ୍ଟର ପରଫେକ୍ସନିଷ୍ଟ ଆମୀର ଖାନଙ୍କ ବ୍ଲକବଷ୍ଟର ଫିଲ୍ମ ‘ଲଗାନ’ ରିଲିଜକୁ 20 ବର୍ଷ ପୂରଣ ହୋଇଛି । 2001 ଜୁନ 15ରେ ରିଲିଜ ହୋଇଥିଲା ଏହି ଫିଲ୍ମ । ଏହି ଅବସରରେ ପୁରୁଣା ଦିନଗୁଡ଼ିକୁ ମନେ ପକାଇ ଆମୀର ତାଙ୍କର ପୂର୍ବତନ ପତ୍ନୀ ରୀନା ଦତ୍ତାଙ୍କ ପ୍ରଶଂସା କରିଛନ୍ତି । ଏହାସହ ରୀନାଙ୍କ କିପରି ପ୍ରଥମଥର ପ୍ରଯୋଜିକା ରୂପେ ପରିଚାଳନା କରିଥିଲେ ତାହା ଜଣାଇଛନ୍ତି ।
ଏକ ସାକ୍ଷାତକାରରେ ଆମୀର କହିଛନ୍ତି,‘ଗୋଟିଏ କଥା ହେଉଛି ମୋର ପୂର୍ବତନ ପତ୍ନୀ ରୀନା ଏହି ଫିଲ୍ମକୁ କିପରି ପରିଚାଳନା କରିଥିଲେ । ସେ ଲଗାନର ନିର୍ମାତା ରୂପେ ପ୍ରଥମଥର କାମ କରିଥିଲେ । ହେଲେ ସେ ଏହା ପୂର୍ବରୁ ସିନେମା ବିଷୟରେ କୌଣସି କଥା ଜାଣିନଥିଲା । ସେ ଅନେକ ବର୍ଷ ଧରି ମୋ ସହିତ ଥିଲେ, ହେଲେ ଫିଲ୍ମ ପ୍ରତି ତାଙ୍କର ଆଗ୍ରହ ନଥିଲା | ସେ ଫିଲ୍ମ ନିର୍ମାଣ ବିଷୟରେ କିଛି ଜାଣି ନଥିଲେ ।’
