ମୁମ୍ବାଇ: ବଲିଉଡ ଅଭିନେତା ଆୟୁଷ୍ମାନ ଖୁରାନା ତାଙ୍କ ଆଗାମୀ ଚଳଚ୍ଚିତ୍ରରେ ଜଣେ ଆଥଲେଟ୍ ଭୂମିକାରେ ନଜର ଆସିବେ, ଯେଉଁ କାରଣରୁ ଅଭିନେତା କଠିନ ପରିଶ୍ରମ କରୁଛନ୍ତି ।
ଅଭିନେତା ଗତ ଦିନ ନିଜ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଥିଲେ, ଯେଉଁଥିରେ ସେ ଜିମରେ ବ୍ୟାୟାମ କରୁଥିବାର ଦେଖିବାକୁ ମିଳିଥିଲା ।
ଫଟୋର କ୍ୟାପସନରେ ଆୟୁଷ୍ମାନ ଲେଖିଛନ୍ତି, ଏକ ଭିନ୍ନ ଚଳଚ୍ଚିତ୍ର ପାଇଁ ଭିନ୍ନ ପରିବର୍ତ୍ତନ ।
ଆୟୁଷ୍ମାନଙ୍କ ଆଗାମୀ ଚଳଚ୍ଚିତ୍ରର ଟାଇଟେଲ୍ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ, କିନ୍ତୁ ଅଭିନେତା ଏଥିପାଇଁ କଠିନ ପରିଶ୍ରମ କରୁଛନ୍ତି । ଏହି ଚଳଚ୍ଚିତ୍ରର ସୁଟିଂ ଚଳିତ ମାସରୁ ଆରମ୍ଭ ହେବ । ଏହି ଫିଲ୍ମ ଆସନ୍ତା ବର୍ଷ ପ୍ରେକ୍ଷାଳୟରେ ମୁକ୍ତିଲାଭ କରିବ ।
ଅଭିଷେକ କପୁର ଏହି ଫିଲ୍ମର ନିର୍ଦ୍ଦେଶନା ଦେବାକୁ ଯାଉଛନ୍ତି ।
ଫିଲ୍ମ ବିଷୟରେ ଆୟୁଷ୍ମାନ କହିଛନ୍ତି, 'ଅଭିଷେକଙ୍କ ସହିତ ଏକାଠି କାମ କରିବାର ସୁଯୋଗ ପାଇ ମୁଁ ବହୁତ ଖୁସି । ଏହି ପ୍ରୋଜେକ୍ଟ ମୋର ହୃଦୟର ଅତି ନିକଟତର । ଏହି ଫିଲ୍ମର ସୁନ୍ଦର ପ୍ରେମ କାହାଣୀ ଦର୍ଶକମାନଙ୍କୁ ବହୁତ ପସନ୍ଦ ଆସିବ ।
ଚଳଚ୍ଚିତ୍ର ନିର୍ମାତା କହିଛନ୍ତି, 'ଏହି ଚଳଚ୍ଚିତ୍ରରେ ଆୟୁଷ୍ମାନ ତାଙ୍କ ଭୂମିକା ପାଇଁ ଫିଜିକାଲ ଟ୍ରାନ୍ସଫରମେସନ କରୁଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
