ମୁମ୍ବାଇ: ଫିଲ୍ମ ଇଣ୍ଡଷ୍ଟ୍ରିକୁ ପୁଣି ଫେରିଲା କରୋନା । ନିକଟରେ କରୀନା କପୁର ଖାନ ଏବଂ ଅମୃତା ଅରୋରା କୋରୋନାରୁ ସୁସ୍ଥ ହୋଇଛନ୍ତି। ବର୍ତ୍ତମାନ ଇଣ୍ଡଷ୍ଟ୍ରିର ଦ୍ବିତୀୟ କପୁର ପରିବାର କୋଭିଡ -19ର ଅଧୀନକୁ ଆସିଛି । ଖବର ଅନୁଯାୟୀ ଅର୍ଜୁନ କପୁର, ଅଂଶୁଲା କପୁର, ରିୟା କପୁର ଏବଂ କରଣ ବୁଲାନି କୋରୋନା ସଂକ୍ରମିତ ହୋଇଛନ୍ତି । ସେମାନଙ୍କର କୋରୋନା ରିପୋର୍ଟ ପଜିଟିଭ ଆସିଛି ଏବଂ ବର୍ତ୍ତମାନ ଏମାନେ ସମସ୍ତେ ଏବେ ହୋମ କ୍ବାରେଣ୍ଟାଇନରେ ଅଛନ୍ତି ।
ନିର୍ମାତା ବୋନି କପୁର ମଧ୍ୟ ଅସୁସ୍ଥ ଅନୁଭବ କରୁଥିଲେ । ଯାହା ପରେ ସେ କୋରୋନା ପରୀକ୍ଷା କରାଇଥିଲେ, ମାତ୍ର ତାଙ୍କ ରିପୋର୍ଟ ନେଗେଟିଭ ଆସିଛି । ରଣବୀର ଶୌରୀ ଗୋଟିଏ ଦିନ ପୂର୍ବରୁ ପ୍ରକାଶ କରିଥିଲେ ଯେ ଗୋଆରୁ ଘରକୁ ଫେରିବା ପରେ ତାଙ୍କର କୋରୋନା ପରୀକ୍ଷା କରାଯାଇଥିଲା, ଯାହାର ରିପୋର୍ଟ ପଜିଟିଭ ଆସିଥିଲା। ଅର୍ଥାତ ରଣବୀର ଶୌରୀ ମଧ୍ୟ କରୋନା ସଂକ୍ରମିତ ଏବଂ ସେ କ୍ବାରେଣ୍ଟାଇନରେ ଅଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
