ନୂଆଦିଲ୍ଲୀ: ଖୁବ୍ ଶୀଘ୍ର ହ୍ୟାଣ୍ଡସମ ଅଭିନେତା ଅର୍ଜୁନ କପୁର ଏକ ରିୟଲ କାହାଣୀ ଉପରେ ଆଧାରିତ ଫିଲ୍ମ 'ଇଣ୍ଡିଆଜ ମୋଷ୍ଟ ୱାଣ୍ଟେଡ' ନେଇ ପରଦାକୁ ଫେରିବାକୁ ଯାଉଛନ୍ତି । ଇତିମଧ୍ୟରେ ସେ ନିଜ ଫ୍ୟାନ୍ସଙ୍କ ପାଇଁ ସୋସିଆଲ ମିଡିଆରେ ଫିଲ୍ମର ଦ୍ବିତୀୟ ମୋଶନ ପୋଷ୍ଟର ସେୟାର କରିଛନ୍ତି ।
ଶୁକ୍ରବାର ସେ ଟ୍ବିଟର ଆକାଉଣ୍ଟରେ ମୋଶନ ପୋଷ୍ଟ ସେୟାର କରି କ୍ୟାପସନରେ ଲେଖିଛନ୍ତି, "Terror was his middle name. Experience a one of it's kind manhunt of #IndiasMostWanted in cinemas on 24th May."
ଏହି 16 ସେକେଣ୍ଡର ମୋଶନ ପୋଷ୍ଟରରେ ପ୍ରଥମେ ଏକ ବିସ୍ପୋରଣ ଦେଖିବାକୁ ମିଳୁଛି । ଏହାପରେ ଅର୍ଜୁନଙ୍କ ଦମଦାର ଲୁକ ଦେଖାଯାଇଛି ।
ପ୍ରକାଶ ଥାଉକି 'ଇଣ୍ଡିଆଜ ମୋଷ୍ଟ ୱାଣ୍ଟେଡ' ଫିଲ୍ମଟି ଏକ ସତ୍ୟ କାହାଣୀ ଉପରେ ଆଧାରିତ । ଯେଉଁଥିରେ 5ଜଣ ବନ୍ଧୁ ଏକାଠି ମିଶି ବିନା ଅସ୍ତ୍ରଶସ୍ତ୍ରରେ ଦେଶର ମୋଷ୍ଟ ୱାଣ୍ଟେଡ ଆତଙ୍କବାଦୀଙ୍କୁ ଧରିବାକୁ ବାହାରୁଛନ୍ତି । ଫିଲ୍ମର ନିର୍ଦ୍ଦେଶକନା ଦାୟିତ୍ବ ରାଜକୁମାର ଗୁପ୍ତା ତୁଲାଇଥିବା ସହ ପ୍ରଯୋଜନା କାର୍ଯ୍ୟ ମାୟରା କର୍ଣ୍ଣ ଏବଂ ଫକ୍ସ ଷ୍ଟୁଡିଓ ସହ ମିଶି କରିଛନ୍ତି ।
ଫିଲ୍ମଟି ଏମାସ 24ରେ ରିଲିଜ ହେବାକୁ ଯାଉଛି ।
