ହାଇଦ୍ରାବାଦ: ଏକ ନୂଆ ପ୍ରୋଜେକ୍ଟର ଯୋଜନା କରୁଛନ୍ତି ମିଷ୍ଟର ଇଣ୍ଡିଆର ଯୋଡି ଅନିଲ କପୁର ଓ ଶେଖର କପୁର । ତେବେ କଣ ଏହା ମିଷ୍ଟର ଇଣ୍ଡିଆର ସ୍ବିକେଲ! 1987ରେ ରିଲିଜ ହୋଇଥିଲା ଆଇକୋନିକ ଫିଲ୍ମ ମିଷ୍ଟର ଇଣ୍ଡିଆ । ଏହାର ନିର୍ଦ୍ଦେଶକ ଥିଲେ ଶେଖର କପୁର ।
ତେବେ ଶେଖର ଟ୍ବିଟ କରି ନୂଆ ପ୍ରୋଜେକ୍ଟର ସୂଚନା ଦେଇଛନ୍ତି । ଏହା ମିଷ୍ଟର ଇଣ୍ଡିଆର ସ୍ବିକେଲ ହୋଇପାରେ କିମ୍ବା ଅନ୍ୟ କୌଣସି ଫିଲ୍ମ । ତେବେ ଏକାଠି ପୁଣି କାମ କରିବେ ଏହି ଯୋଡି ।
ଅନ୍ୟପକ୍ଷେ ଅନିଲ କପୁର ମଧ୍ୟ ରି-ଟ୍ବିଟ କରି ନିଜର ଉତ୍ସାହ ଜାହିର କରିଛନ୍ତି । ଏହାସହ ଦୁହିଁଙ୍କ ଏକ ଫଟୋ ମଧ୍ୟ ପୋଷ୍ଟ ହୋଇଛି । ଏଥିରେ ଶେଖର ଅନିଲଙ୍କ ଟୋପି ସଜାଡୁଥିବାର ଦେଖିବାକୁ ମିଳିଛି ।
ତେବେ 90ଦଶକର ଫିଲ୍ମ ମିଷ୍ଟର ଇଣ୍ଡିଆ ଜଣେ ଗରିବ ଲୋକର କାହାଣୀ ଯିଏ କି କେତେକ ଅନାଥ ଛୁଆଙ୍କୁ ଆଶ୍ରା ଦେଇଥିବ । ଏଥିରେ ଶ୍ରୀଦେବୀଙ୍କୁ ମଧ୍ୟ ଦେଖିବାକୁ ମିଳିଥିଲା ଓ ଆଇକୋନିକ ନେଗେଟିଭ ଚରିତ୍ର ମୁଗାମ୍ବୋରେ ଅଭିନୟ କରିଥିଲେ ଅମରିସ ପୁରୀ । ଏଥିରେ ଥିବା ସମସ୍ତ ଗୀତ ଏବେ ବି ଲୋକଙ୍କ ମନରେ ତାଜା ଅଛି । ଫିଲ୍ମରେ ଥିବା 'ହୱାହୱାଇ' ଗୀତ ପରେ ଶ୍ରୀଦେବୀଙ୍କୁ 'ହୱାହୱାଇ' କୁହାଯାଉଥିଲା ।
