ମୁମ୍ବାଇ: କ୍ୟୁଟ ଆଲିୟା ଭଟ୍ଟ, ରଣବୀର କପୁର ରିଲେସନସିପକୁ ନେଇ ସବୁବେଳେ ଚର୍ଚ୍ଚାରେ ରୁହନ୍ତି । ପ୍ରାୟତଃ ଦୁଇଜଣଙ୍କ ବିବାହ ଖବର ମଧ୍ୟ ଚର୍ଚ୍ଚାର ବିଷୟ ପାଲଟିଥାଏ । ହେଲେ ଏଯାବତ ଦୁଇଜଣଙ୍କ ମଧ୍ୟରୁ କେହି ମଧ୍ୟ ନିଜ ରିଲେସନସିପକୁ ନେଇ କିଛି କନଫର୍ମ କରିନାହାଁନ୍ତି। ଇତିମଧ୍ୟରେ ଆଲିୟା ପୁଣି ସମସ୍ତଙ୍କ ନଜରରେ ଆସିଛନ୍ତି । ଯାହାକୁ ନେଇ ବଲିଉଡ ଗ୍ୟାଲେରିରେ ଚର୍ଚ୍ଚା ଜୋର ଧରିଛି। ତେବେ ଆସନ୍ତୁ ଜାଣିବ ପୁରା କଥାଟି...
ପ୍ରକାଶ ଥାଉକି ନିକଟରେ ଆଲିୟା ନିଜ ବନ୍ଧୁ ଆକାଂକ୍ଷା ରଞ୍ଜନ କପୁରଙ୍କ ଆଗାମୀ ଫିଲ୍ମ ଗିଲ୍ଟିର ସ୍ପେଶାଲ ସ୍କ୍ରିନିଂରେ ସାମିଲ ହୋଇଥିଲେ । ଏହି ଇଭେଣ୍ଟରେ ଆଲିୟାଙ୍କ ମୋବାଇଲ କଭରରେ ରଣବୀରଙ୍କ ଫଟୋ ଦେଖିବାକୁ ମିଳିଥିଲା। ସେ ନିଜ ଫୋନ ସ୍କ୍ରିନରେ ରଣବୀରଙ୍କ ସହ ନିଜ ଫଟୋ ରଖିଛନ୍ତି। ଫଟୋଟି ରଣବୀରଙ୍କ କଜନ ଅରମାନ ଜୈନଙ୍କ ବିବାହ ସମୟର। ଫଟୋରେ ରଣବୀର ବ୍ଲୁ କଲର ସର୍ଟ ପିନ୍ଧିଥିବା ବେଳେ ଆଲିୟା ଲାଇଟ କଲରର ଆଉଟଫିଟ୍ ପିନ୍ଧିଥିବାର ଦେଖାଯାଉଛନ୍ତି । ଖାଲି ଏତିକି ନୁହେଁ ଫଟୋରେ ଦୁଇଜଣ ପରସ୍ପରକୁ କିସ୍ କରୁଥିବାର ଦେଖାଯାଉଛନ୍ତି।
ବର୍ତ୍ତମାନ ସୋସିଆଲ ମିଡିଆରେ ଆଲିୟାଙ୍କ ଫୋନ ଫଟୋ ଭାଇରାଲ ହେବାରେ ଲାଗିଛି। ଯାହା ଉପରେ ଫ୍ୟାନ୍ସଙ୍କ ମଜାଦାର କମେଣ୍ଟ ଦେଖିବାକୁ ମିଳୁଛି। ଫ୍ୟାନ୍ସ ଆଲିୟା ଓ ରଣବୀରଙ୍କ ନାମ ଯୋଡି ହ୍ୟାଶଟ୍ୟାଗ ‘ରଣଲିୟା’ ରଖିଛନ୍ତି। ଜଣେ ୟୁଜର ଲେଖିଛନ୍ତି, ଲଭ ଲଭ, ଲଭ।
ଖୁବଶୀଘ୍ର ଏହି ଯୋଡି ଆୟୁନ ମୁଖାର୍ଜୀ ମଲ୍ଟିଷ୍ଟାରର ଫିଲ୍ମ ‘ବ୍ରହ୍ମାସ୍ତ୍ର’ରେ ନଜର ଆସିବେ । ଫିଲ୍ମଟି ଚଳିତବର୍ଷ ଡିସେମ୍ବରରେ ରିଲିଜ ହେବ । ଫିଲ୍ମରେ ରଣବୀର, ଆଲିୟାଙ୍କ ବ୍ୟତୀତ ଅମିତାଭ ବଚ୍ଚନ, ମୌନୀ ରାୟ ଓ ନାଗାର୍ଜୁନ ମଧ୍ୟ ମୁଖ୍ୟ ଭୂମିକାରେ ଦେଖାଯିବେ।
