ହାଇଦ୍ରାବାଦ: ବଲିଉଡର ଟପ୍ ଲଭବାର୍ଡ ରଣବୀର କପୁର ଏବଂ ଆଲିଆ ଭଟ୍ଟଙ୍କ ମଧ୍ୟରେ ଥିବା ଭଲପାଇବା କାହାକୁ ବା ନ ଜଣା । ଆଲିଆ ଏବଂ ରଣବୀର ମଧ୍ୟ ବର୍ତ୍ତମାନ ସେମାନଙ୍କ ପ୍ରେମକୁ ସ୍ବୀକାର କରିସାରିଛନ୍ତି । ଏହି ଲଭବାର୍ଡ ବାରମ୍ବାର ମଧ୍ୟାହ୍ନ ଭୋଜନ, ରାତ୍ରୀ ଭୋଜନ ଏବଂ ଛୁଟିଦିନରେ ନଜର ଆସିଥାନ୍ତି । ଲଭବାର୍ଡଙ୍କ ପ୍ରଶଂସକମାନେ ଅପେକ୍ଷା କରିଛନ୍ତି ତ କେବଳ ସେମାନଙ୍କ ବିବାହକୁ । ତେବେ ଏବେ ପୁଣି କପଲଙ୍କ ପ୍ରଶଂସକଙ୍କ ପାଇଁ ଏକ ବଡ଼ ଖବର ଅଛି ।
ହଁ, ରଣବୀର-ଆଲିଆ ଏହି ବର୍ଷ ନିଶ୍ଚିନ୍ତ ନିଜର ଏକ ଛୋଟ ଘର ଗଢିବାକୁ ଯାଉଛନ୍ତି। କାରଣ ଯଦି ଗଣମାଧ୍ୟମକୁ ବିଶ୍ୱାସ କରାଯାଏ, ତେବେ ଏହି ବର୍ଷ ଲଭବାର୍ଡ ରଣବୀର ଏବଂ ଆଲିଆ କେମିତି ସେମିତି ବି ହେଉ ବିବାହ କରିବେ ? ଚଳିତ ବର୍ଷ ଅକ୍ଟୋବର ମାସରେ ଏହି କପଲଙ୍କ ବିବାହ ତାରିଖ ବାହାରିଛି । ଏହାପୂର୍ବରୁ କୁହାଯାଉଥିଲା ଯେ ଏହି କପଲ ଆସନ୍ତା ମାସ ତଥା ଏପ୍ରିଲରେ ସାତ ଫେରେ ନେଇପାରନ୍ତି। ଏବେ ବିଶ୍ୱାସ କରାଯାଉଛି ଯେ ରଣବୀର-ଆଲିଆଙ୍କ ପରିବାର ଅକ୍ଟୋବର ମାସରେ ବିବାହ କରିବାକୁ ନିଷ୍ପତ୍ତି ନେଇଛନ୍ତି। କହିବାକୁ ଗଲେ ମୁମ୍ବାଇର ପାଲିରେ କପୁର ପରିବାର ବଙ୍ଗଳାର ନବୀକରଣ କାର୍ଯ୍ୟ ଚାଲିଛି । ଏହାର କାର୍ଯ୍ୟ ଶେଷ ହେହାକୁ 18 ମାସ ସମୟ ଲାଗିବ । ଖବର ଅନୁଯାୟୀ ରଣବୀର ଏବଂ ଆଲିଆ ବିବାହ ପରେ ଏହି ବଙ୍ଗଳାରେ ରହିବେ।
ଏହା ବି ପଢନ୍ତୁ: Alia on marriage with Ranbir: ବିବାହ ଚର୍ଚ୍ଚାକୁ ନେଇ ଚିଡିଗଲେଣି ଆଲିଆ, ଦେଲେ ଏମିତି ଜବାବ
ସୂଚନାଯୋଗ୍ୟ ଯେ, ବିବାହ ପୂର୍ବରୁ ଆଲିଆ ଏବଂ ରଣବୀର ବ୍ରହ୍ମାସ୍ତ୍ର ଚଳଚ୍ଚିତ୍ରରେ ନଜର ଆସିବେ। ଏହି ଚଳଚ୍ଚିତ୍ର ସେପ୍ଟେମ୍ବରରେ ରିଲିଜ ହେବାକୁ ଯାଉଛି। ଏହା ପ୍ରଥମ ଥର ହେବ ଯେ ଆଲିଆ ଏବଂ ରଣବୀରଙ୍କୁ ଏକ ଫିଲ୍ମରେ ଏକାଠି ଦେଖିବାକୁ ମିଳିବ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଅୟାନ ମୁଖାର୍ଜୀ। ରଣବୀର-ଆଲିଆଙ୍କ ବ୍ୟତୀତ ଅମିତାଭ ବଚ୍ଚନ, ମୋନି ରୟ ଏବଂ ସାଉଥ ସୁପରଷ୍ଟାର ନାଗାର୍ଜୁନ ମଧ୍ୟ ଏହି ଚଳଚ୍ଚିତ୍ରରେ ପ୍ରମୁଖ ଭୂମିକାରେ ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
