ମୁମ୍ବାଇ: ଅଜୟ ଦେବଗନଙ୍କ ଚର୍ଚ୍ଚିତ ଫିଲ୍ମ ‘ତାନାଜୀ: ଦ ଅନସଙ୍ଗ ୱାରିୟର’ ଗତ ଶୁକ୍ରବାର ରିଲିଜ ହୋଇଥିଲା । ଫିଲ୍ମ ବକ୍ସ ଅଫିସରେ ଶାନଦାର ପ୍ରଦର୍ଶନ କରିବାରେ ଲାଗିଛି । ଫିଲ୍ମ ମାତ୍ର 3 ଦିନରେ 50 କୋଟି କ୍ଲବରେ ସାମିଲ ହେବାରେ ସଫଳ ହୋଇଛି । ଇତିମଧ୍ୟରେ ଫିଲ୍ମ ମେକର୍ସଙ୍କୁ ମିଳିଛି ଗୁଡନ୍ୟୁଜ । ଯାହାକୁ ନେଇ ଖୁସି ପୁରା ଷ୍ଟାରକାଷ୍ଟ । ‘ତାନାଜୀ’ ଫିଲ୍ମକୁ ଉତ୍ତରପ୍ରଦେଶରେ ଟ୍ୟାକ୍ସ ଫ୍ରି କରିଦିଆଯାଇଛି । ୟୁପି ସରକାର ଫିଲ୍ମ ୟୁପିରେ ଟ୍ୟାକ୍ସ ଫ୍ରି ହେବାର ଘୋଷଣା କରିଛନ୍ତି ।
ଏହାର ସୂଚନା ନ୍ୟୁଜ ଏଜେନ୍ସି ଏଏନଆଇ ଟ୍ବିଟରେ ଦିଆଯାଇଛି । ଫିଲ୍ମ ପୋଷ୍ଟର ସେୟାର କରି ଉତ୍ତର ପ୍ରଦେଶରେ ଏହାକୁ ଟ୍ୟାକ୍ସ ଫ୍ରି କରାଯାଇଛି ବୋଲି ପୋଷ୍ଟରେ ଲେଖାଯାଇଛି । ସେହି ଅଜୟ ମଧ୍ୟ ଟ୍ବିଟ କରି ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଧନ୍ୟବାଦ ଜଣାଇଛନ୍ତି । ଏହାସହ ସେ କ୍ୟାପସନରେ ଲେଖିଛନ୍ତି, ‘ଯଦି ଆପଣ ଆମ ଫିଲ୍ମ ଦେଖିବେ ତେବେ ମୁଁ ଆହୁରି ଖୁସି ହେବି ।’
ପ୍ରକାଶ ଥାଉକି ରିଲିଜର ଚତୁର୍ଥ ଦିନରେ ଫିଲ୍ମ ପାଖାପାଖି 13 କୋଟି ବିଜନେସ କରିଛି । ଫିଲ୍ମର ସମୁଦାୟ କଲେକ୍ସନ 74 କୋଟି ପାଖାପାଖି । ଅଜୟଙ୍କ ସହ ଏହି ଫିଲ୍ମରେ ସୈଫ ଅଲ୍ଲୀ ଖାନଙ୍କ ଦମଦାର ଅଭିନୟ ଦେଖିବାକୁ ମିଳୁଛି । ‘ତାନାଜୀ’ରେ ଭିଲେନ ଭୂମିକାରେ ଅଭିନୟ କରୁଛନ୍ତି ସୈଫ । ସେହିପରି ଅଜୟଙ୍କ ପତ୍ନୀ ଭୂମିକାରେ ତାଙ୍କ ପତ୍ନୀ କାଜୋଲ ନଜର ଆସୁଛନ୍ତି । ଦୀର୍ଘ ସମୟ ପରେ ଏହି ଫେମସ ଯୋଡିକୁ ଏକାଠି ଦେଖି ଖୁସି ହୋଇଯାଇଛନ୍ତି ଦର୍ଶକ ।
