ମୁମ୍ବାଇ: ଗୋଲ୍ଡେନ ଏରାର ବଲିଉଡ ଗୀତର ଦିୱାନାଙ୍କ ପାଇଁ ଏବେ ବଡ ଖୁସି ଖବର ସାମ୍ନାକୁ ଆସିଛି । ବଲିଉଡ ଗୀତରେ ନୂଆ ନୂଆ ଟ୍ବିଷ୍ଟ ଭରୁଥିବା ମହାନ ଗାୟକ କିଶୋର କୁମାରଙ୍କ ଜୀବନୀକୁ ଖୁବ୍ ଶୀଘ୍ର ପରଦାରେ ଦେଖିବାକୁ ମିଳିବ । ଏହି ଖବର ଦୀର୍ଘ ସମୟରୁ ଶୁଣିବାକୁ ମିଳିଆସୁଛି କିନ୍ତୁ ଏବେ ଫିଲ୍ମକୁ ନେଇ କାମ ଆରମ୍ଭ ହୋଇଯାଇଛି । ଏହି ଫିଲ୍ମରେ ମୁଖ୍ୟ ଭୂମିକାରେ ଯିଏ ନଜର ଆସିବାକୁ ଯାଉଛନ୍ତି, ତାଙ୍କ କଥା ଶୁଣି ଫ୍ୟାନ୍ସ ନିହାତି ଖୁସି ହୋଇଯିବେ ।
ଆପଣଙ୍କୁ ଏହା ଜାଣି ଆଶ୍ଚର୍ଯ୍ୟ ଲାଗିବ କି କିଶୋର ଦାଙ୍କ ରୋଲ ପାଇଁ କୌଣସି ଅଭିନେତା ନୁହେଁ ବରଂ ଗାୟକଙ୍କୁ ଅପ୍ରୋଚ କରାଯାଇଛି । ଆଜ୍ଞା ହଁ, ଗାୟକ କମ୍ପୋଜର ଅଦନାନ ସାମୀଙ୍କୁ ଫିଲ୍ମ ପାଇଁ ମେକର୍ସ ଅପ୍ରୋଚ କରିଛନ୍ତି । ମେକର୍ସ ଚାହୁଁଛନ୍ତି କି ଅଦନାନ ବଡ ପରଦାରେ କିଶୋରଙ୍କ ଚରିତ୍ରରେ ଅଭିନୟ କରନ୍ତୁ ବୋଲି ।
କିଶୋରଙ୍କ ଭୂମିକା ପାଇଁ କେବଳ ଅଦନାନ ପର୍ଫେକ୍ଟ ବୋଲି ନିର୍ମାତାଙ୍କୁ ଲାଗୁଛି । କାରଣ ଅଦନାନ ଜଣେ ଗାୟକ ହେବା ସହ କମ୍ପୋଜର ଏବଂ ଅଭିନେତା ମଧ୍ୟ । ଏହି ଗୁଣ କିଶୋରଙ୍କ ପାଖରେ ମଧ୍ୟ ଥିଲା । ତେଣୁ ଏଥିପାଇଁ ଏତେ ସିମିଲାର କଳାକାର କେହି ଅନ୍ୟ ହୋଇପାରିବେ ନାହିଁ ବୋଲି କହିଛନ୍ତି ନିର୍ମାତା ।
