ମୁମ୍ବାଇ: ଅଭିନେତା ଓ ପ୍ରଯୋଜକ କମାଲ ଆର ଖାନ ପୁଣିଥରେ ନିଜ ଟ୍ବିଟକୁ ନେଇ ଚର୍ଚ୍ଚାରେ । ସବୁବେଳେ ନିଜ ବିବାଦୀୟ ବୟାନ ପାଇଁ ଚର୍ଚ୍ଚିତ କମାଲ ଏଥର ନବାଗତ ଅଭିନେତା କରନ ଦେଓଲଙ୍କ ଡେବ୍ୟୁ ଫିଲ୍ମ ‘ପଲ ପଲ ଦିଲ କେ ପାସ’ ଉପରେ ଟ୍ବିଟ କରିଛନ୍ତି । କେଆରକେଙ୍କ ଏହି ଟ୍ବିଟ ବର୍ତ୍ତମାନ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।
ସେ ଫିଲ୍ମର ଆୟ ଏବଂ ନିର୍ଦ୍ଦେଶକ ଇନ୍ଦର କୁମାରଙ୍କୁ ଉପରେ ଟ୍ବିଟ କରି ଲେଖିଛନ୍ତି, ‘ପଲ ପଲ ଦିଲ କେ ପାସ ପ୍ରଥମ ସପ୍ତାହର କଲେକ୍ସନ 6 କୋଟି ଟଙ୍କା । ଫିଲ୍ମର ବଜେଟକୁ ଦେଖି କୁହାଯାଇପାରିବ ଯେ ଫିଲ୍ମଟି ପୁରା ଡିଜାଷ୍ଟର ସାବ୍ୟସ୍ତ ହେବ।’ ତାଙ୍କର ଏହି ଟ୍ବିଟ ଉପରେ ୟୁଜର୍ସଙ୍କ ମଧ୍ୟ ପ୍ରତିକ୍ରିୟା ସାମ୍ନାକୁ ଆସିବାରେ ଲାଗିଛି ।
ପ୍ରକାଶ ଥାଉକି ସନ୍ନି ଦେଓଲଙ୍କ ଲାଡଲା କରନ ଏହି ଫିଲ୍ମ ଜରିଆରେ ବଲିଉଡରେ ପଦାର୍ପଣ କରିସାରିଛନ୍ତି । ‘ପଲ ପଲ ଦିଲ କେ ପାସ’ ଫିଲ୍ମକୁ ଦର୍ଶକ ଓ କ୍ରିଟିକ୍ସଙ୍କ ମିଶ୍ରିତ ପ୍ରତିକ୍ରିୟା ମିଳିଛି । ଆଉ ଯଦି କମାଲଙ୍କ ବିଷୟରେ କଥା ହେବା ତେବେ ସେ ‘ଦେଶଦ୍ରୋହୀ’ ଫିଲ୍ମରେ ଡେବ୍ୟୁ କରିଥିଲେ । ସେ ପୂର୍ବରୁ ମଧ୍ୟ ବଡ ବଡ ଷ୍ଟାର୍ସଙ୍କ ଉପରେ କମେଣ୍ଟ କରି ଚର୍ଚ୍ଚାରେ ଆସିସାରିଛନ୍ତି ।
