ମୁମ୍ବାଇ: ଫିଲ୍ମ ‘କବୀର ସିଂ’ ପରେ ଅଭିନେତ୍ରୀ କିୟାରା ଆଡଭାନୀଙ୍କ ଲୋକପ୍ରିୟତା ବେଶ ବଢିଯାଇଛି । ଗୋଟିଏ ପରେ ଗୋଟିଏ ଫିଲ୍ମ ଅଫର ତାଙ୍କ ହାତରେ ଲାଗୁଛି । ଯାହାକୁ ନେଇ ତାଙ୍କ ଖୁସି ନକହିଲେ ସରେ । ଇତିମଧ୍ୟରେ ଫ୍ୟାନ୍ସଙ୍କ ପାଇଁ ସାମ୍ନାକୁ ଆସିଛି ଗୁଡନ୍ୟୁଜ । କାରଣ ଅଭିନେତ୍ରୀଙ୍କ ହାତରେ ଲାଗିଛି ବଡ ବ୍ୟାନରର ଫିଲ୍ମ ।
ରିପୋର୍ଟ ଅନୁଯାୟୀ ଏସ. ଶଙ୍କରଙ୍କ ସୁପରହିଟ୍ ଫିଲ୍ମ ‘ଅନ୍ନିୟାନ’ର ହିନ୍ଦୀ ରିମେକରେ ନଜର ଆସିବେ କିୟାରା । ଆଉ ତାଙ୍କ ସହ ରୋମାନ୍ସ କରିବେ ବଲିଉଡର ଏନର୍ଜେଟିକ ଆକ୍ଟର ରଣବୀର ସିଂ ।
କିୟାରାଙ୍କ ପୂର୍ବରୁ ରଣବୀର ଏହି ଫିଲ୍ମରେ ସାଇନ କରିସାରିଛନ୍ତି ବୋଲ ଚର୍ଚ୍ଚା ଜୋର ଧରିଛି । ଯାହାପରେ ଆକ୍ଟର ନିର୍ଦ୍ଦେଶକଙ୍କ ସହ ଇନଷ୍ଟାଗ୍ରାମରେ ଏକ ଫଟୋ ମଧ୍ୟ ସେୟାର କରି ଏହି ପ୍ରୋଜେକ୍ଟର ସୂଚନା ଦେଇଥିଲେ ।
ଅଭିନେତାଙ୍କ ପରେ ଫିଲ୍ମରେ ଲିଡ ଫିମେଲ ରୋଲକୁ ନେଇ ଅନେକ ଅଭିନେତ୍ରୀଙ୍କ ନାମ ସାମ୍ନାକୁ ଆସିଥିଲା । ଏବେ ମେକର୍ସ କିୟାରାଙ୍କୁ ଫାଇନାଲ କରିନେଇଛନ୍ତି ।
