ମୁମ୍ବାଇ: ଅଭିନେତା ଅନୁପମ ଖେରଙ୍କୁ ଆଉ ଏକ ସମ୍ମାନରେ ସମ୍ମାନିତ କରାଯାଇଛି । ଯାହାକୁ ନେଇ ଖୁସି ତାଙ୍କ ଫ୍ୟାନ୍ସ । ତାଙ୍କୁ ବିଶ୍ବସ୍ତରୀୟ ସମ୍ମାନ ତଥା ନ୍ୟୁୟର୍କ ସିଟି ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ‘ହାପି ବର୍ଥଡେ’ ନାମକ କ୍ଷୁଦ୍ର ଚଳଚ୍ଚିତ୍ର ପାଇଁ ଶ୍ରେଷ୍ଠ ଅଭିନେତା ପୁରସ୍କାର ମିଳିଛି । ସେହିପରି ଶ୍ରେଷ୍ଠ ଚଳଚ୍ଚିତ୍ର ପୁରସ୍କାର ଜିତିଛି ‘ହାପି ବର୍ଥଡେ’।
- " class="align-text-top noRightClick twitterSection" data="
">
ଏହି ଚଳଚ୍ଚିତ୍ରରେ ତାଙ୍କ ସହ ନଜର ଆସିଛନ୍ତି ଅଭିନେତ୍ରୀ ଅହନା କୁମାର । ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ ପ୍ରସାଦ କଦମ ସମ୍ଭାଳିଥିବା ବେଳେ ଏହାର ପ୍ରଯୋଜନା କରିଛି ଏଫଏନପି ମିଡିଆ ।
ସେପଟେ ପୁରସ୍କାର ଜିତିବା ଅବସରରେ ଅନୁପମ ସୋସିଆଲ ମିଡିଆରେ ଖୁସି ପ୍ରକାଶ କରି ଲେଖିଛନ୍ତି, ‘ଏହି ପୁରସ୍କାର ଜିତି ଗର୍ବିତ ଅନୁଭବ ହେବା ସହ ଖୁସି ମଧ୍ୟ ଲାଗୁଛି । ବେଷ୍ଟ ଆକ୍ଟର ଆୱାର୍ଡ ନ୍ୟୁୟର୍କ ସିଟି ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ମୁଁ ମୋ କ୍ଷୁଦ୍ର ଚଳଚ୍ଚିତ୍ର ହାପି ବର୍ଥଡେ ପାଇଁ ପାଇଛି । ଏହାସହ ଶ୍ରେଷ୍ଠ ଚଳଚ୍ଚିତ୍ର ପୁରସ୍କାର ପାଇବା ମଧ୍ୟ ଆମକୁ ଆନନ୍ଦିତ କରିଛି । ପୁରା ଟିମର ଦକ୍ଷତା ପାଇଁ ଧନ୍ୟବାଦ । ଆଜି ଏହି ପୁରସ୍କାର ଜିତିବାରେ ସାହାଯ୍ୟ କରିଛି ଅହନା କୁମାରଙ୍କ ଦକ୍ଷତା ।’
ଅନୁପମଙ୍କ ବ୍ୟତୀତ ଅହନା ମଧ୍ୟ ଏହି ପୋଷ୍ଟରେ କମେଣ୍ଟ କରି ପୁରା ଟିମ ସହ ତାଙ୍କୁ ଧନ୍ୟବାଦ ଜଣାଇଛନ୍ତି । ପ୍ରକାଶ ଥାଉକି ଏହି ଫିଲ୍ମ ନିକଟରେ ପ୍ୟାରିସ ପ୍ଲେ ଫିଲ୍ମ ଫେଷ୍ଟିଭାଲର ଫାଇନାଲରେ ପ୍ରବେଶ କରିଥିଲା ।
