ବେଜିଂ: ସ୍ମାର୍ଟଫୋନ କହିଲେ ଏବେ ପ୍ରଥମେ ମନକୁ ଆସେ ସେଲଫି କଥା । ଗ୍ରାହକଙ୍କ ଏହି ଚାହିଦାକୁ ଧ୍ୟାନରେ ରଖି ସ୍ମାର୍ଟଫୋନ କମ୍ପାନୀମାନେ ମଧ୍ୟ ଆଣୁଛନ୍ତି ଆକର୍ଷଣୀୟ ଫିଚର । ଏମିତି ଏକ ଆକର୍ଷଣୀୟ ଫିଚର ନେଇ ଅଗଷ୍ଟରେ ସ୍ମାର୍ଟଫୋନ ବଜାରରେ ଏଣ୍ଟ୍ରି ନେବାକୁ ଯାଉଛି ଭିଭୋର S7 ସ୍ମାର୍ଟଫୋନ । ଏହି ସ୍ମାର୍ଟଫୋନଟି ସେଲଫି ସେଣ୍ଟ୍ରିକ ହୋଇଥିବା କମ୍ପାନୀ ସ୍ପଷ୍ଟ କରିଛି ।
ଆସନ୍ତା ଅଗଷ୍ଟ 3ରେ ଚୀନ ବଜାରରେ ଏହି ସ୍ମାର୍ଟଫୋନ ପ୍ରବେସ କରିବାକୁ ଯାଉଛି । ଏନେଇ ଅଫିସିଆଲ ୱେବୋ ହ୍ୟାଣ୍ଡେଲରେ କମ୍ପାନୀ ଏକ ଟିଜର ପୋଷ୍ଟ କରିଥିଲା । ଯେଉଁଥିରେ ଦେଖାଯାଇଥିଲା କି ସ୍ମାର୍ଟଫୋନଟି ଅଲଟ୍ରା ଥିନ ବା ଖୁବ ପତଳା ହୋଇଥିବା ବେଳେ ଏଥିରେ କ୍ୟାମେରା ବମ୍ପ ରହିନାହିଁ । ତେବେ ଗ୍ଲୋବାଲ ମାର୍କେଟର ଏହାର ରିଲିଜ ନେଇ ଏଯାବତ୍ କମ୍ପାନୀ କୌଣସି ସ୍ପଷ୍ଟ ସୂଚନା ଦେଇନାହିଁ ।
ସେପଟେ ରିପୋର୍ଟ ମୁତାବକ ଏହି ସ୍ମାର୍ଟଫୋନଟିରେ ଡୁଆଲ ଫ୍ରଣ୍ଟ କ୍ୟାମେରା ସେଟଅପ୍ ରହିବ । ଏଥିସହ ଫୋନଟିରେ 44ଏମପି ପ୍ରାଇମେରି ସେନ୍ସର ଓ 8 ଏମପି ସେକେଣ୍ଡାରି ସେନ୍ସର ସହ ସୁପର ୱାଇଡ ଆଙ୍ଗଲ ଲେନ୍ସ ରହିବା ନେଇ କମ୍ପାନୀ ଟିଜର ପୋଷ୍ଟରେ ସୂଚନା ଦେଇଛି । ସେହିପରି ରିଅର ପ୍ୟାନେଲରେ 64 ଏମପି ସାମସଙ୍ଗ GW1 ସେନ୍ସର, 8ଏମପି ସୁପର ୱାଇଡ ଆଙ୍ଗଲ ସେନ୍ସର ଓ 13ଏମପି ସାମସଙ୍ଗ ପୋର୍ଟ୍ରେଟ ସେନ୍ସର ରହିବା ନେଇ ଜଣା ପଡିଛି ।
ଏଥିରେ 765G SoCର ସପୋର୍ଟ ରହିବ । ଅନ୍ୟ ସ୍ପେଶିଫିକେଶନ ମଧ୍ୟରେ ରହିଛି 6.4 ଇଞ୍ଚ ଫୁଲ ଏଚଡି+ ଆମୋଲେଡ ଡିସପ୍ଲେ ରହିଛି । ଯାହା ଇନ-ଡିସପ୍ଲେ ଫିଙ୍ଗରପ୍ରିଣ୍ଟ ସେନ୍ସର ମଧ୍ୟ ସପୋର୍ଟ କରିପାରେ ।
@IANS
