ପୁରୀ: ସହରରେ ଏକ ଡକାୟତି ଉଦ୍ୟମକୁ ପଣ୍ଡ କରିଛି ପୋଲିସ । ସମୁଦ୍ରକୂଳରେ ନିକାଞ୍ଚନରେ ବସି ଡକାୟତି ପାଇଁ ଯୋଜନା କରୁଥିବା 5 ଅଭିଯୁକ୍ତଙ୍କୁ ପୋଲିସ ଗରିଫ କରିଛି ।
ପୁରୀ ସି ବିଚ୍ ଥାନା ତାଳବଣିଆ ଝାଉଁଜଙ୍ଗଲରେ ବସି ଅଭିଯୁକ୍ତ ମାନେ ଡକାୟତି ଯୋଜନା କରୁଥିଲେ । କୌଣସି ସୂତ୍ରରୁ ଖବର ପାଇ ସି ବିଚ୍ ଥାନା ଅଧିକାରୀ ସେଠାରେ ଚଢାଉ ପାଇଁ ନିର୍ଦ୍ଦେଶ ଦେବା ପରେ 5 ଅଭିଯୁକ୍ତକୁ କାବୁ କରାଯାଇଥିଲା । ପରେ ସେମାନଙ୍କୁ କୋର୍ଟ ଚାଲାଣ କରାଯାଇଛି ।
ଗିରଫ ଅଭିଯୁକ୍ତ ମାନେ ହେଲେ ପୁରୀ ରେଳବାଇ କଲୋନୀର ଜଗନ ବେହେରା ଓ ତାଙ୍କର ସାଥୀ କରଣ ଖଉଡିଆ, ସୁକାନ୍ତ କୁମାର ନାୟକ, ସୋମନାଥ ସାହୁ, ସୁବାସ ମହାନ୍ତି । ସେମାନଙ୍କ ଠାରୁ ଗୋଟିଏ ବନ୍ଧୁକ, ଗୋଟିଏ ଚାପଡ, ଜିଆଇ ପାଇପ, ଗୋଟିଏ ଖଣ୍ଡା, ଲୁହା ରଡ ଜବତ କରାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
