କିଏଭ: ୟୁକ୍ରେନର ପଶ୍ଚିମାଞ୍ଚଳରେ ଥିବା ଲୁଟସ୍କ ସହରରେ ଏକ ଯାତ୍ରାବାହୀ ବସ ଉପରେ ଆକ୍ରମଣ କରିଛି ଏକ ବନ୍ଧୁକଧାରୀ ବୁର୍ବୃତ୍ତ । ବନ୍ଧୁକ ସମେତ ଅନେତ ମାରଣାସ୍ତ୍ର ଧରି ଏହି ଦୁର୍ବୃତ୍ତ ମଙ୍ଗଳବାର ସକାଳେ ସମ୍ପୃକ୍ତ ବସ୍କୁ ପ୍ରଥମେ ଅଟକାଇଥିଲେ । ଏହାପରେ ବସରେ ଥିବା 20 ଯାତ୍ରୀଙ୍କୁ ଅଟକ ରଖିଥିଲା । ଏନେଇ ଭୋଲିନ ପ୍ରାନ୍ତରେ ଥିବା ୟୁକ୍ରେନ ଡାଇରେକ୍ଟୋରେଟର ସୁରକ୍ଷାବଳ ପାଇଁ କାର୍ଯ୍ୟରତ ପ୍ରେସ ସେବା ସୂଚନା ଦେଇଛି ।
ବସ୍ଟି ବେରେଷ୍ଟେସସ୍କୋରୁ କ୍ରାସିଲୋଭକାକୁ ଯାତ୍ରା କରୁଥିବା ବେଳେ ଏହି ଆକ୍ରମଣ ହୋଇଥିବା ଜଣା ପଡିଛି । ସେପଟେ ଆକ୍ରମଣକାରୀ କିଏ ଓ ତାହାର ଉଦ୍ଦେଶ୍ୟ କ’ଣ ତାହା ଏଯାଏଁ ସ୍ପଷ୍ଟ ହୋଇପାରିନାହିଁ । ଦୁର୍ବୃତ୍ତ ଜଣଙ୍କ କୌଣସି ଯାତ୍ରୀ ସହ କଥାବାର୍ତ୍ତା ହୋଇ ନଥିବା ବେଳେ ସେ କିଛି ଦୂରତାରୁ ବାରମ୍ବାର ଗୁଳି ଚାଳନା କରିଥିବା ଦେଖାଯାଇଥିଲା । କେବଳ ସେତିକି ନୁହେଁ ଦୁର୍ବୃତ୍ତ ଜଣଙ୍କ ବସ୍ରେ କିଛି ବିସ୍ଫୋରକ ସାମଗ୍ରୀ ଖଞ୍ଜିଥିବା ସନ୍ଦେହ କରାଯାଉଛି ।
ସମ୍ପୃକ୍ତ ଘଟଣାରେ ବନ୍ଧକ ଥିବା ଯାତ୍ରୀମାନଙ୍କ ସୁରକ୍ଷା ପାଇଁ ରାଜ୍ୟ ପୋଲିସ ବନ୍ଧକ ରଖାଯାଇଥିବା ଅଞ୍ଚଳକୁ ସିଲ କରିବା ସହ ସେଠାକୁ ସମସ୍ତ ପ୍ରକାର ଯାତାୟତ ବନ୍ଦ କରିଛି । ଦୁର୍ବୃତ୍ତ ଯାତ୍ରୀମାନଙ୍କୁ ରାଜଧାନୀ କିଏଭଠାରୁ 250 ଦୂରରେ ସ୍ଥିତ ସହରର ମଧ୍ୟଭାଗରେ ବନ୍ଧକ ରଖିଥିବା ଜଣା ପଡିଛି । ସେପଟେ ଦେଶର ଅପରାଧୀକ ଯାଞ୍ଚ ବିଭାଗ ସ୍ପଷ୍ଟ କରିଛି ଦୁର୍ବୃତ୍ତ ପାଖତରେ ଏକାଧିକ ମାରଣାସ୍ତ୍ର ମହଜୁଦ ରହିଛି । ଏଥିରେ ଗ୍ରେନେଡ ସମେତ ଆହୁରି ଅନେକ ଅଟୋମେଟିକ ମାରଣାସ୍ତ୍ର ରହିଥିବା ଜଣା ପଡିଛି । ଅନ୍ୟପଟେ ଦୁର୍ବୃତ୍ତ ସହରର ଅନ୍ୟ ଏକ ସ୍ଥାନରେ ମଧ୍ୟ ବୋମା ଖଞ୍ଜିଥିବା ଜଣା ପଡିଛି ।
ଇତି ମଧ୍ୟରେ ରାଷ୍ଟ୍ରପତି ଭୋଲୋଦିମିର ଜେଲେନସ୍କାଏ ଏହି ଘଟଣାକୁ ସ୍ବୀକାର କରିବା ସହ ଗୁଳି ଚାଳନା ଓ ଯାତ୍ରୀଙ୍କ ବନ୍ଧକ କଥାକୁ ମଧ୍ୟ ସ୍ବୀକାର କରିଛନ୍ତି । ଏଥିସହ ସୁରକ୍ଷା ଦୃଷ୍ଟିରୁ ଅନେକ ପଦକ୍ଷେପ ଗ୍ରହଣ କରାଯାଇଥିବା ସେ ସୂଚନା ଦେଇଛନ୍ତି । ଏନେଇ ସେ ଫେସବୁକରେ ଦେଇଥିବା ଏକ ମତରୁ ଜଣା ପଡିଛି କି ଗୁଳିଚାଳନାରେ ବସଟି କ୍ଷତିଗ୍ରସ୍ତ ହୋଇଥିବା ଦେଖାଯାଇଛି । ସେପଟେ ଅନ୍ତରୀଣ ଡେପୁଟି ମନ୍ତ୍ରୀ ଆଣ୍ଟନ ହେରାସ୍କେଙ୍କୋଙ୍କ ସୂଚନା ମୁତାବକ ଦୁର୍ବୃତ୍ତ ଜଣଙ୍କ ନିଜେ ପୋଲିସକୁ ଫୋନ କରି ଏବିଷୟରେ ସୂଚନା ଦେଇଥିଲା । ଅନ୍ୟପଟେ ପ୍ରତିକ୍ରିୟାରେ ଅନ୍ତରୀଣ ମନ୍ତ୍ରୀ ଆର୍ସେନ ଆଭାକୋଭ ଘଟଣାସ୍ଥଳକୁ ଯାତ୍ରା ଆରମ୍ଭ କରିଛନ୍ତି ।
@IANS
