ୱାଶିଂଟନ: ଆଖି ବୁଜିଲା ବିଶ୍ବର ବୟସ୍କ କଳା ଗଣ୍ଡା। ମୃତ୍ୟୁ ବେଳକୁ ତାକୁ 57 ବର୍ଷ ବୟସ ହୋଇଥିଲା। ତାଞ୍ଜାନିଆରେ ସେ ଶେଷ ନିଶ୍ବାସ ତ୍ୟାଗ କରିଛି। ଏହି ଗଣ୍ଡାର ନାମ ଫୋଷ୍ଟା ।
ପାଖାପାଖି 54 ବର୍ଷ ପର୍ଯ୍ୟନ୍ତ ଖୋଲା ଆକାଶ ତଳେ ବିତିଛି ଏହି ଗଣ୍ଡାର ଜୀବନ । ସ୍ବାସ୍ଥ୍ୟଗତ ସମସ୍ୟା ଦେଖଦେବାରୁ ତାକୁ ପ୍ରାଣୀ ଉଦ୍ୟାନରେ ରଖାଯାଇଥିଲା । ଫୋଷ୍ଟା ଦୃଷ୍ଟିଶକ୍ତି ହରାଇଥିଲା । ତେଣୁ ତାକୁ ଭଲ ଭାବେ ଯତ୍ନ ନିଆଯାଉଥିଲା । କିନ୍ତୁ ଶେଷରେ ସେ 57 ବର୍ଷ ବୟସରେ ଆଖି ବୁଜିଛି।
ବୈଜ୍ଞାନିକ ଡ.ଫ୍ରେଡି ମାଙ୍ଗୋନିଙ୍କ କହିବା ଅନୁସାରେ, ସାଧାରଣତଃ ଗଣ୍ଡାଙ୍କ ଜୀବନକାଳ ଜଙ୍ଗଲରେ 37 ବର୍ଷରୁ 43 ରହିଥିବା ବେଳେ ପ୍ରାଣୀ ଉଦ୍ୟାନରେ 50 ପର୍ଯ୍ୟନ୍ତ ଥାଏ । ୱାର୍ଲ୍ଡ ୱାଇଲ୍ଡ ଲାଇଫ ଫଣ୍ଡ ଅନୁସାରେ, କଳା ଗଣ୍ଡା ବିଲୁପ୍ତ ପ୍ରାୟ ପ୍ରାଣୀ ବର୍ଗରେ ଗଣା ଯାଇଥାନ୍ତି।
