ଟୋକିୟୋ: ଜାପାନରେ ଧିରେ ଧିରେ କୋହଳ ହେଉଛି ଲକଡାଉନ କଟକଣା । ଦେଶର 47ଟି ପ୍ରାନ୍ତରେ କୋରୋନା ପ୍ରକୋପ କମ ରହିଥିବା ବେଳେ ଏଥିମଧ୍ୟରୁ 39 ପ୍ରାନ୍ତରେ ଆଗାମୀ କିଛି ଦିନ ଭିତରେ କୋହଳ ହେବ ଲକଡାଉନ କଟକଣା । ସେପଟେ ଦେଶବ୍ୟାପୀ ଲାଗୁ ହୋଇଥିବା ଲକଡାଉନ ଆଗାମୀ ମେ 31ରେ ଶେଷ ହେବ ବୋଲି ସୂଚନା ରହିଛି ।
ଏନେଇ ଗୁରୁବାର ବିଧିବଦ୍ଧ ଭାବେ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ସିଞ୍ଜୋ ଆବେ । ସେ କହିଛନ୍ତି କି କିଛି ଦିନ ମଧ୍ୟରେ ଦେଶରେ କୋରୋନାର ପ୍ରକୋପ କମ ଥିବା 39 ପ୍ରାନ୍ତରେ ଲାଗୁ ହୋଇଥିବା ଲକଡାଉନ କଟକଣା କୋହଳ ହେବ । ଏଥିସହ ମାସ ଶେଷ ସୁଦ୍ଧା ଦେଶବ୍ୟାପୀ ଲକଡାଉନ କଟକଣା କୋହଳ ହେବ । ଏଥିପାଇଁ ଏହି ସମସ୍ତ ଅଞ୍ଚଳଗୁଡିକରେ କୋରୋନା ସଂକ୍ରମଣ ପ୍ରତି ବିଶେଷ ଧ୍ୟାନ ଦିଆଯାଇଛି । ଏହାକୁ ରୋକିବା ଦିଗରେ ମଧ୍ୟ କଡାକଡି ପଦକ୍ଷେପ ଗ୍ରହଣ କରାଯାଉଛି ।
ସେପଟେ ଆପାତକାଳୀନ ପରିସ୍ଥିତି ବା ଲକଡାଉନ ଘୋଷଣା ହୋଇଥିବା ମୁଖ୍ୟ ସହରଗୁଡିକ ମଧ୍ୟରେ ଟୋକିୟୋ ଓ ଓସାକା ଭଳି ପ୍ରାନ୍ତ ରହିଛି । ଯେଉଁଠାରେ କୋରୋନା ଭୟଙ୍କର ବିତ୍ପାତ ସୃଷ୍ଟି କରିଥିବା ଦେଖିବାକୁ ମିଳିଛି । ଏନେଇ ଟୋକିୟୋ ଓ 6ଟି ଅନ୍ୟ ପ୍ରାନ୍ତରେ ଏପ୍ରିଲ 7ରୁ ଆପାତକାଳୀନ ସ୍ଥିତି ଘୋଷଣା ହୋଇଥିଲା । ହେଲେ ପରବର୍ତ୍ତୀ ସମୟରେ ସଂକ୍ରମଣର ମାତ୍ରା ବଢିବାରୁ ଏପ୍ରିଲ 16ରେ ଦେଶବ୍ୟାପୀ ଆପାତକାଳୀନ ପରିସ୍ଥିତି ଘୋଷଣା ହୋଇଥିଲା ।
ଜାପାନରେ ଆପାତକାଳୀନ ପରିସ୍ଥିତି ପ୍ରଥମେ ମେ 6ରେ ସରିବା ନେଇ ଘୋଷଣା ହୋଇଥିଲା ମାତ୍ରା ପରିସ୍ଥିତିକୁ ନଜରରେ ରଖି ଏହାକୁ ମେ 31 ଯାଏଁ ବଢାଯାଇଥିଲା । ବର୍ତ୍ତମାନ ସୁଦ୍ଧା ଦେଶରେ 16,049 ଜଣ ଆକ୍ରାନ୍ତ ରହିଥିବା ବେଳେ ମୃତ୍ୟୁ ସଂଖ୍ୟା 687ରେ ପହଞ୍ଚିଥିବା ଜଣାଯାଇଛି ।
@IANS
