ହାଇଦ୍ରାବାଦ: ଚୀନରେ କାୟା ବିସ୍ତାରେ କରିଛି କୋରୋନା ଭାଇରସ । ସଂକ୍ରମିତ ହେଉଛନ୍ତି ଅନେକ ଲୋକ । ଆଉ ବର୍ତ୍ତମାନ ସୁଦ୍ଧା ଏଥିରେ ଗଲାଣି 106 ଜୀବନ । ଆଉ ଚୀନରେ ଆହୁରି 1300 ରୋଗୀଙ୍କୁ ଚିହ୍ନଟ କରାଯାଇଛି । ଚୀନରେ ସମସ୍ତ ସ୍କୁଲ ଓ କଲେଜକୁ ବନ୍ଦ କରାଯାଇଛି । ବର୍ତ୍ତମାନ କୌଣସି ଶିକ୍ଷାନୁଷ୍ଠାନ ଖୋଲିବ ନାହିଁ ବୋଲି ଘୋଷଣା କରାଯାଇଛି ।
ଚୀନ ପରେ ଭାରତର ବିଭିନ୍ନ ରାଜ୍ୟ ପାଇଁ ମରଣଯନ୍ତା ସାଜିଲାଣି କୋରୋନା । ଗତକାଲି ଚୀନରୁ ତେଲେଙ୍ଗାନା ଆସିଥିବା ଗୋଟିଏ ପରିବାରର 3 ଜଣ ବ୍ୟକ୍ତି ଓ ଅନ୍ୟଜଣେ ଯାତ୍ରୀ ଏହି ଭାଇରସ ଦ୍ବାରା ସଂକ୍ରମିତ ହୋଇଥିବା ସୂଚନା ମିଳିଛି। ସମସ୍ତଙ୍କୁ ହାଇଦ୍ରାବାଦର ଏକ ହସ୍ପିଟାଲରେ ଚିକିତ୍ସା କରାଯାଉଛି ।
ଅଧିକ ଥଣ୍ଡା, କାଶ ଲାଗି ରହିଲେ ଡାକ୍ତରଙ୍କର ସହ ପରାମର୍ଶ କରନ୍ତୁ। କାରଣ ଅତ୍ୟଧିକ ଥଣ୍ଡା,କାଶ କୋରୋନାର ଲକ୍ଷଣ ।
