କାବୁଲୁ: ଆଫାଗାନିସ୍ତାନର ନାଙ୍ଗହାର ପ୍ରଦେଶରେ ମସଜିଦରେ ବିସ୍ଫୋରଣ । ଏହି ବିସ୍ଫୋରଣରେ ୩ ଜଣଙ୍କ ମୃତ୍ୟୁ ହୋଇଥିବାବେଳେ ୧୨ ରୁ ଅଧିକ ଆହତ ହୋଇଥିବା ସୂଚନା । ଏନେଇ ଆନ୍ତର୍ଜାତୀୟ ଗଣମାଧ୍ୟମ ସଂସ୍ଥା ରଏଟର୍ସ ପକ୍ଷରୁ ସୂଚନା ଦିଆଯାଇଛି ।
ଆଫଗାନିସ୍ତାନରେ ତାଲିବାନ ଦଖଲ କରିବା ପରେ ଚାରିଆଡେ ଅରାଜକତା ଲାଗିରହିଛି। ପ୍ରତିଦିନ କୌଣସି ନା କୌଣସି ଅଞ୍ଚଳରେ ବିସ୍ଫୋରଣ ଘଟି ସାଧାରଣ ଲୋକଙ୍କ ପ୍ରାଣହାନୀ ଘଟୁଛି । ଶୁକ୍ରବାର ଆଫଗାନିସ୍ତାନର ନାଙ୍ଗହାର ପ୍ରଦେଶର ସ୍ପିନ ଘୋର ଅଞ୍ଚଳରେ ଭୟଙ୍କର ବିସ୍ଫୋରଣ ହୋଇଛି । ମସଜିଦରେ ସମୁହ ନମାଜ ପାଇଁ ପ୍ରସ୍ତୁତ ହେଉଥିବାବେଳେ ବିସ୍ଫୋରଣ ଘଟିଛି । ବିସ୍ଫୋରଣରେ ପ୍ରାୟ ୩ ଜଣଙ୍କ ମୃତ୍ୟୁ ହୋଇଥିବାବେଳେ ୧୨ ରୁ ଅଧିକ ଆହତ ହୋଇଥିବା ସୂଚନା ରହିଛି । ଏଥିରେ ମସଜିଦର ମୁହ୍ଲା ସମେତ ସ୍ଥାନୀୟ ଲୋକେ ମୃତାହତ ହୋଇଛନ୍ତି ବୋଲି ଜଣାପଡିଛି ।
@ANI
