ହଂକଂ: ଚୀନ ଦ୍ବାରା ପ୍ରସ୍ତୁତ ତଥା ହଂକଂକରେ ଲାଗୁ ହେବାକୁ ଥିବା ନୂଆ ଜାତୀୟ ସୁରକ୍ଷା ଆଇନକୁ ନେଇ ସ୍ଥାନୀୟ ଏକ ମଲକେ ‘ଶପିଂ ବିକ୍ଷୋଭ’ ଜାରି ରହିଥିଲା । ଏହି ବିକ୍ଷୋଭରେ ହଂକଂର ଦରଜୀମାନେ ସାମିଲ ହୋଇଥିଲେ । ହେଲେ ଆୟୋଜିତ ଏହି ବିକ୍ଷୋଭରେ 14 ଜଣଙ୍କୁ ଗିରଫ କରାଯାଇଥିବା ଜଣା ପଡିଛି । ଏଥିରେ 9ଜଣ ପୁରୁଶ ଓ 14ରୁ 55 ବର୍ଷୀୟ 5 ଜଣ ମହିଳା ରହିଥିବା ସୂଚନା ରହିଛି । ଗୁରୁବାର ସନ୍ଧ୍ୟାରେ ଏମାନଙ୍କୁ ଗିରଫ କରାଯାଇଥିଲା ।
ଗିରଫ ପଛରେ ଅନ୍ୟାୟ ଭାବେ ଏକାଠି ହୋଇ ଆନ୍ଦୋଳନ କରିବା ମୁଖ୍ୟ କାରଣ ବୋଲି ପୋଲିସ ସୂଚନା ଦେଇଛି । ତେବେ ଆନ୍ଦୋଳନକାରୀମାନେ ନିକଟସ୍ଥ ୟୋହୋ ଶପିଂ ସେଣ୍ଟରରେ ଏକତ୍ରିତ ହୋଇ ଚୀନରେ ଏହି ନିଷ୍ପତ୍ତି ବିରୋଧରେ ନାରା ଦେବା ଆରମ୍ଭ କରିଥିଲେ । ଏହି ଆନ୍ଦୋଳନ ଏତ ତୀବ୍ର ଥିଲା କି ଏହାକୁ ଦେଖି ଶପିଂ ମଲ କିଛି ସମୟ ମଧ୍ୟରେ ଖାଲି ହୋଇଯାଇଥିଲା । ଦୋକାନୀମାନେ ନିଜ ଦୋକାନ ମଧ୍ୟ ବନ୍ଦ କରିଥିବା ଦେଖାଯାଇଥିଲା ।
ଏହାପରେ ବିଳମ୍ବତି ରାତିରେ ଦୁଇ ଜଣ ଆନ୍ଦୋଳନକାରୀ ଯେତେବେଳେ ଶପିଂ ମଲର ଖୋଲା ଜାଗାରେ ବସି ସ୍ଲୋଗାନ ଦେଇ ଦେଇ ଉପନିବେଶର ପତାକା ସିଲେଇ କରୁଥିଲେ, ସେହି ସମୟରେ ସାଧା ପୋଷାକରେ ଥିବା ପୋଲିସ ତାଙ୍କୁ କାବୁ କରିଥିଲେ । ଯାହା ନିକଟରେ ଥିବା ଆନ୍ଦୋଳନକାରୀ ଦଳକୁ ଉତ୍ତ୍ୟକ୍ତ କରିଥିଲା । ସୁରକ୍ଷା ପାଇଁ ପୋଲିସ ସେମାନଙ୍କ ଉପରେ ପେପର ସ୍ପ୍ରେ କରିଥିଲା ।
@IANS
