ୱାସିଂଟନ୍: ଆମେରିକାରେ ମୃତ୍ୟୁର ବିଭୀଷିକା ଖେଳାଉଛି କୋରୋନା। ମହାମାରୀର ମହାଦଶାରେ ଛଟପଟ ହେଉଛି ଏହି ଶକ୍ତିଶାଳୀ ଦେଶ। ଔଷଧ ବାହାରି ନଥିବା ବେଳେ ବଞ୍ଚିବା ପାଇଁ ରାହା ଖୋଜୁଛନ୍ତି ବାସିନ୍ଦା। ଆରମ୍ଭ ହେବା ଦିନଠୁ ଶାନ୍ତିରେ ନିଶ୍ବାସ ମାରିପାରୁନାହାଁନ୍ତି ଏଠାକାର ପ୍ରଶାସନଠୁ ଆରମ୍ଭ କରି ଜନସାଧାରଣ।
ବେକାରୀ ଓ ସମସ୍ୟାର ଜାଲରେ ଛନ୍ଦି ହୋଇଯାଇଛି ସମ୍ପୂର୍ଣ୍ଣ ଦେଶ। ମହାମାରୀ ଯୁଦ୍ଧରେ ଫେଲ ମାରିଯାଇଛି ଶକ୍ତିଶାଳୀ ରାଷ୍ଟ୍ରର ସବୁ ଟେକ୍ନୋଲୋଜି। ତେବେ ଗତ କିଛି ମାସ ହେବ ଦେଶରେ ମୃତ୍ୟୁସଂଖ୍ୟା କମିଥିବା ଏବେ ଭାଇରସ ତାର ପୂର୍ବ ସ୍ଥିତି ଜାହିର କରିବାକୁ ବସିଲାଣି।
ଅଢେଇ ମାସ ଭିତରେ ଦେଶ ସର୍ବାଧିକ 1600 ମୃତ୍ୟୁ ରେକର୍ଡ କରିଛି। ଏନେଇ ଜନ ହକପିନ୍ସ ବିଶ୍ବବିଦ୍ୟାଳୟ ପକ୍ଷରୁ ସୂଚନା ମିଳିଛି। ଏହାସହ ଯୁକ୍ତରାଷ୍ଟ୍ରର ହଟ୍ ସ୍ପଟ୍ ଗୁଡିକ ଆକାଶଛୁଆଁ କୋରୋନାଭାଇରସ୍ କେସ୍ ଗଣନାରୁ ଏକ ଅବସର ଗ୍ରହଣ କରୁଥିବା ପରି ଦେଖାଯାଇଛି। ଦେଶରେ ନିଶ୍ଚିତ ହୋଇଥିବା ସଂକ୍ରମଣ ସଂଖ୍ୟା କ୍ରମାଗତ ଦ୍ୱିତୀୟ ଦିନ ପାଇଁ 60,000 ତଳକୁ ଖସିଯାଇଛି।
କିନ୍ତୁ କେତେକ ରାଜ୍ୟ ପାଇଁ, ନୂତନ ମାମଲାଗୁଡ଼ିକର ହ୍ରାସ ଗତ ସପ୍ତାହରେ ପରୀକ୍ଷା ହ୍ରାସ ସହିତ ସମକକ୍ଷ ହୋଇଥିଲା, ଯେପରିକି ଜାତୀୟ ସ୍ତରରେ କରାଯାଇଥିବା ପରୀକ୍ଷା ସଂଖ୍ୟା ବଢିଛି।
ଏହି ବିସ୍ତାରରେ ଆମେରିକାର ମୃତ୍ୟୁ ସଂଖ୍ୟା 1,50,000 ମାଇଲଖୁଣ୍ଟକୁ ଅତିକ୍ରମ କରିଛି। ଯୁକ୍ତରାଷ୍ଟ୍ର ଆମେରିକାରେ ୪୪ ଲକ୍ଷ ୯୮ ହଜାର ୨୫୬ ଜଣ ଲୋକ ସଂକ୍ରମିତ ହୋଇଥିବା ବେଳେ ୧ ଲକ୍ଷ ୫୨ ହଜାର ୩୧୯ ଜଣ ଲୋକଙ୍କର ମୃତ୍ୟୁ ହୋଇଛି । ଏଠାରେ ୨୧ ଲକ୍ଷ ୮୫ ହଜାର ୫୨ ଜଣ ସୁସ୍ଥ ହୋଇଥିବା ବେଳେ ୨୧ ଲକ୍ଷ ୬୦ ହଜାର ୮୮୫ ଜଣ ସକ୍ରିୟ ଆକ୍ରାନ୍ତ ଅଛନ୍ତି । କିନ୍ତୁ ୧୮ ହଜାର ୯୬୬ ଜଣଙ୍କର ଅବସ୍ଥା ଗୁରୁତର ଅଛି ।
