ୱାଶିଂଟନ: ୟୋକୋସୁକାସ୍ଥିତ ବିମାନ ବାହକ ୟୁଏସଏସ ରୋନାଲ୍ଡ ରେଗନ ରବିବାର ଅଧିକାରୀକ ଭାବେ ଭାରତ-ପ୍ରଶାନ୍ତ ମହାସାଗରୀୟ ତଟରେ ସେନା ମୁତୟନ ଆରମ୍ଭ କରିଛି । ଏନେଇ ଆମେରିକୀୟ ନେଭି ସୂଚନା ଦେଇଛି । ପ୍ରାୟ 1000 ଟନରୁ ଉର୍ଦ୍ଧ୍ବ ଅର୍ଡନାନ୍ସ, 5000 କ୍ରିୟୁ ଓ 60ରୁ ଅଧିକ ବିମାନକୁ ବିଦେଶ ନିଆଯାଇ ସେଠାରେ ସୁରକ୍ଷା କାର୍ଯ୍ୟରେ ନିୟୋଜିତ କରାଯାଇଥିବା ଜଣା ପଡିଛି ।
ସମୂଦ୍ରରେ ଏବେ ବି ଅନେକ କୋରୋନା ପଜିଟିଭ ନାବିକ ଥିବା ବେଳେ ସେମାନଙ୍କୁ ଉଦ୍ଧାର ସମୟକୁ ହ୍ରାସ କରିବା ପାଇଁ କେତେକ ଜାହାଜ ମୁତୟନ କରାଯାଇଛି । ଏହି ଜାହାଜର ଚାଳକମାନେ ଏହି କାର୍ଯ୍ୟ ପାଇଁ ଯିବା ପୂର୍ବରୁ ପର୍ଯ୍ୟାୟକ୍ରମେ ସମସ୍ତ ଆଇନଗତ କାର୍ଯ୍ୟ ଶେଷ କରିଛନ୍ତି । ତେବେ ଲକଡାଉନ କଟକଣା ସମୟରେ ମୁତୟନ ଫୋର୍ସର କାର୍ଯ୍ୟ ହେଉଛି ସ୍ବାସ୍ଥ୍ୟଗତ ହାଲଚାଲ ଜାଣିବା ଓ ସମସ୍ତ ପରିସ୍ଥିତି ଉପରେ କଡା ନଜର ରଖିବା । ସମୂଦ୍ରରେ ନିୟୋଜିତ ଥାଇ ଦେଶ ଉପରେ ନଜର ରଖିବା ହେଉଛି ଏହାର ମୂଳ ଲକ୍ଷ୍ୟ ।
ବ୍ଲୁ ରିଜ ପରି ୟୁଏସଏସ ରୋନାଲ୍ଡ ରେଗନ ମଧ୍ୟ ଖୁବ ଶୀଘ୍ର ନିଜର ବନ୍ଦର ପ୍ରସ୍ତୁତ କରିବା ପାଇଁ ଯୋଜନାରେ ରହିଛି । ତେବେ 22 ଏପ୍ରିଲର ରିପୋର୍ଟ ମୁତାବକ କୋରୋନା ସଂକ୍ରମଣର ପ୍ରଭାବ ଯୋଗୁଁ ପାଖା ପାଖି ଦୁଇ ମାସ ପର୍ଯ୍ୟନ୍ତ ୟୁଏସଏସ ଥିଓଡୋର ରୁଜଭେଲ୍ଟର ଉଡାଣ ବାତିଲ କରାଯାଇଥିଲା ।
@IANS
