ୱାସିଂଟନ: ବିଶ୍ବର ଶକ୍ତିଶାଳୀ ରାଷ୍ଟ୍ର ଆମେରିକାକୁ ସର୍ବାଧିକ ବିପଦ ସୃଷ୍ଟି କରିଛି ମାରାତ୍ମକ କୋରୋନା ଭାଇରସ । ଏହି ସଙ୍ମକଟ ସମୟରେ ନିଜ ଦେଶବାସୀଙ୍କ ଚାକିରୀକୁ ବଞ୍ଚାଇବା ପାଇଁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏକ ବଡ ପଦକ୍ଷେପ ନେଇଛନ୍ତି । ସ୍ଥାନୀୟ ଲୋକଙ୍କୁ ରୋଜଗାଜାର ଯୋଗାଇ ଦେବା ପାଇଁ ପ୍ରବାସୀଙ୍କ ଉପରେ ରୋକ ଲାଗିବ । ତେବେ ଏହା ସାମୟିକ ଏକା ସାମୟୀକ ବା ଅସ୍ଥାୟୀ କଟକଣା ହେବ ।
ପ୍ରବାସୀଙ୍କ ଉପରେ କଟକଣା ନେଇ ଖୁବଶିଘ୍ର ରାଷ୍ଟ୍ରପତି ଟ୍ରମ୍ପ ଏକ ସ୍ବତନ୍ତ୍ର ଆଦେଶ ସ୍ବାକ୍ଷର କରିବେ । ଏଥିରେ ଇମିଗ୍ରେସନ ଭିସାକୁ ସ୍ଥଗିତ ରଖିବାକୁ ନିଷ୍ପତ୍ତି ନିଆଯାଇଛି । ଆମେରିକାରେ କୋରୋନା ଯୋଗୁଁ ଆର୍ଥିକ ସଙ୍କଟ ଦେଖା ଦେଲାଣି । ଫଳରେ ସେଠାରେ ରେକର୍ଡ ସଂଖ୍ୟକ ଛଟେଇ ଆରମ୍ଭ ହୋଇଛି । ଅନ୍ୟପଟେ ଗତ ସପ୍ତାହରେ 22 ମିଲିୟନ ଆମେରିକୀୟ ନାଗରିକ ବେରୋଜଗାରୀ ସୁବିଧା ପାଇଁ ଆବେଦନ କରିଥିଲେ ।
ତେବେ ଏହା ଧ୍ୟାନ ଦେବା ଜରୁରୀ ଯେ, ଭାରତୀୟ ଆଇଟି ପ୍ରଫେସନାଲମାନଙ୍କ ମଧ୍ୟରେ ଲୋକପ୍ରିୟ H-1B ଭିସା ହେଉଛି ଏକ ଅଣ-ପ୍ରବାସୀ ଭିସା । ପ୍ରକାଶଥାଉକି, ୱେବସାଇଟ୍ ୱାର୍ଲ୍ଡମିଟର ଅନୁଯାୟୀ ଦେଶରେ ସଂକ୍ରମିତ ରୋଗୀଙ୍କ ସଂଖ୍ୟା 7 ଲକ୍ଷ 92 ହଜାର ପାର କରିଥିବା ବେଳେ 42 ହଜାର 514 ଜଣଙ୍କର ମୃତ୍ୟୁ ହୋଇଛି। ତେବେ 72 ହଜାର 389 ଲୋକ ଏହି ମହାମାରୀ ଯୁଦ୍ଧରେ ଜିତିଛନ୍ତି। ବର୍ତ୍ତମାନ 6 ଲକ୍ଷ 77 ହଜାର 856 ଲୋକ ଚିକିତ୍ସିତ ହେଉଛନ୍ତି।
