ୱାଶିଂଟନ: ଚୀନ ଆପ୍ଷ୍ଟୋରରୁ ପୋଡକାଷ୍ଟ ଆପ୍କୁ ହଟାଇଛି ଆପଲ । ଉଭୟ ଆଇଓଏସ ଓ ଆଣ୍ଡ୍ରେଏଡ କ୍ଲାଏଣ୍ଟଙ୍କ ପାଇଁ ପୋଡକାଷ୍ଟ ଆପ୍ ପକେଟ କାଷ୍ଟକୁ ଆପ୍ ଷ୍ଟୋରରୁ ହଟାଇଛି କମ୍ପାନୀ । ସରକାରୀ ଚାପ ଯୋଗୁଁ କମ୍ପାନୀ ଏହି ନିଷ୍ପତ୍ତି ନେଇଥିବା ସ୍ପଷ୍ଟ କରିଛି ।
ଚୀନର ସାଇବର ସ୍ପେସ ପ୍ରଶାସନର ସୂଚନା ମୁତାବକ ଏହି ଆପ୍ର ବ୍ୟବହାରରେ ଦେଶରେ ବେଆଇନ ଘୋଷିତ ହୋଇଥିବା ଅନେକ ତଥ୍ୟକୁ ଆକ୍ସେସ କରିହେବ । ତେଣୁ ଏହି ଆପ୍କୁ ଆପ୍ ଷ୍ଟୋରରୁ ତୁରନ୍ତ ହଟାଇବା ପାଇଁ କମ୍ପାନୀକୁ ସରକାର ନିର୍ଦ୍ଦେଶ ଦେଇଥିଲେ । ତେବେ ଚଳିତ ମାସ ଚୀନ ଆପ୍ ଷ୍ଟୋରରୁ ହଟିଥିବା ଏହେଉଛି ଦ୍ବିତୀୟ ବୃହତ୍ତମ ପୋଡକାଷ୍ଟ ଆପ୍ ।
ସେପଟେ ଏନେଇ ପୋଡକାଷ୍ଟ ଆପ୍ ପକେଟ କାଷ୍ଟର ଅଧିକାରୀଙ୍କ ସୂଚନା ମୁତାବକ ପୋଡକାଷ୍ଟ ଏକ ଖୋଲା ମାଧ୍ୟମ ବୋଲି କମ୍ପାନୀ ବିଶ୍ବାସ କରେ । ତେବେ ସରକାରଙ୍କ ଦାବି ମୁତାବକ କମ୍ପାନୀ ସେପରି କୌଣସି କାର୍ଯ୍ୟକଳାପ ଆଜି ଯାଏଁ ଲକ୍ଷ୍ୟ କରିନାହିଁ । କିନ୍ତୁ ସରକାରଙ୍କ ଏହି ନିଷ୍ପତ୍ତିକୁ କମ୍ପାନୀ ସମ୍ମାନ ଜଣାଉଛି ।
@ANI
