ୱାଶିଂଟନ: କୋରୋନା ଦ୍ବାରା ସର୍ବାଧିକ କ୍ଷତିଗ୍ରସ୍ତ ଆମେରିକା । ଏହି ମହାମାରୀ ପାଇଁ ଏଯାବତ କୌଣସି ଭ୍ୟାକ୍ସିନ କିମ୍ବା ଔଷଧ ବାହାରି ପାରିନାହିଁ । ଏପରି ସ୍ଥିତିରେ ଭାରତୀୟ ମୂଳ ଆମେରିକୀୟ ଫିଜିସିଆନ(AAPI) କୋରୋନାର ଚିକିତ୍ସା ପାଇଁ ପ୍ଲାଜମା ଡ୍ରାଇଭ ଆପଣାଇବାକୁ କହିଛନ୍ତି । ଆମେରିକା ରାଷ୍ଟ୍ରପତି ଡୋଲାନ୍ଡ ଟ୍ରମ୍ପ, ରାଜ୍ୟପାଳ ଓ ବିଧାୟକଙ୍କୁ ଏନେଇ ସେ ଚିଠି ଲେଖି ଜଣାଇଛନ୍ତି ।
ତାଙ୍କ କହିବାନୁସାରେ, କନଭାଲେସେଣ୍ଟ ପ୍ଲାଜମା କୋଭିଡ-19 ରୋଗୀଙ୍କୁ ମରଣମୁହଁରୁ ଫେରାଇ ଆଣିବ । ଏହା ସହ ସେ ନିଜସ୍ବ ଏକ ପ୍ଲାଜମା ଡ୍ରାଇଭ ଲଞ୍ଚ କରିଛନ୍ତି । କୋରୋନାରୁ ସୁସ୍ଥ ହୋଇଥିବା ବ୍ୟକ୍ତିଙ୍କ ଠାରୁ ପ୍ଲାଜମା ନିଆଯାଇଥାଏ । ଆମେରିକାର ବୃହତ୍ତ ଜାତିଗତ ଚିକିତ୍ସା ସଙ୍ଗଠନ (AAPI) ର ସଭାପତି ସୁରେଶ ରେଡ୍ଡୀ କହିଛନ୍ତି ଏହି ମହାମାରୀକୁ ନେଇ ଲୋକଙ୍କ ମଧ୍ୟରେ ଅନେକ ପ୍ରଶ୍ନ ରହିଛି । କନଭାଲେସେଣ୍ଟ ପ୍ଲାଜମା ଚିକିତ୍ସା ଉପରେ AAPI ତିନୋଟି ଅଲଗା କମିଟି ଗଠନ କରିଛି ।
AAPI ର ରାଷ୍ଟ୍ରପତି-ନିର୍ବାଚିତ ସୁଧାକର ଜୋନାଲାଗଡା କହିଛନ୍ତି, AAPIକୁ କନଭାଲେସେଣ୍ଟ ପ୍ଲାଜମା ଥେରାପି ଆରମ୍ଭ କରିବା ପୂର୍ବରୁ ଏକ ସରକାରୀ ସୁପାରିଶ ପତ୍ର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ, ରାଜ୍ୟପାଳ ତଥା ଆମେରିକାର କଂଗ୍ରେସର ସମସ୍ତ ସଦସ୍ୟ ତଥା ସିନେଟରଙ୍କ ନିକଟକୁ ପଠାଯାଇଛି। ମାସ୍କ ଓ ଅନ୍ୟାନ୍ୟ ବ୍ୟକ୍ତିଗତ ପ୍ରତିରକ୍ଷା ଉପକରଣର ଜାତୀୟ ସହ AAPI ପାଣ୍ଠି ସଂଗ୍ରହ କରିଛି । ଆମେରିକାର ବିଭିନ୍ନ ମେଡିକାଲରେ ମାସ୍କ କ୍ରୟ କରି ଦାନ କରିଛି ବୋଲି ଆମେରିକୀୟ ବଜାର ରିପୋର୍ଟ କରିଛି।
@IANS
