ମୁମ୍ବାଇ: ସାହିଦ କପୁରଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର । ଅଭିନେତାଙ୍କୁ ଆଗାମୀ ଆକ୍ସନ୍ ଥ୍ରୀଲର ଫିଲ୍ମ ବ୍ଲଡି ଡାଡିରେ ଦେଖିବାକୁ ମିଳିବ । ଯାହା ଖୁବଶୀଘ୍ର OTTରେ ରିଲିଜ୍ ହେବାକୁ ଯାଉଛି। ଟିଜର ରିଲିଜ କରି ଏହି ସୂଚନା ଦେଇଛନ୍ତି ଫିଲ୍ମ ନିର୍ମାତା । ଟିଜରରେ ସାହିଦ କପୁରଙ୍କ କିଲର ଲୁକ୍ ଦେଖିବାକୁ ମିଳିଛି ।
- " class="align-text-top noRightClick twitterSection" data="
">
ବୁଧବାର ଦିନ ମୁମ୍ବାଇରେ ଜିଓ ଷ୍ଟୁଡିଓର ଏକ ଗ୍ରାଣ୍ଡ ଇଭେଣ୍ଟ୍ରେ ବ୍ଲଡି ଡାଡି ଫିଲ୍ମ ଟିଜର ରିଲିଜ ସହ ଖୁବଶୀଘ୍ର ଏକ ନୂଆ ୱେବ୍ ସିରିଜ୍ ରିଲିଜ ନେଇ ଘୋଷଣା ହୋଇଛି । ସାହିଦ କପୁରଙ୍କ ଅଭିନୀତ ଆଗାମୀ ଆକ୍ସନ୍ ଥ୍ରୀଲର ଫିଲ୍ମ ବ୍ଲଡି ଡାଡି ସିଧାସଳଖ OTTରେ ରିଲିଜ୍ ହେବା ନେଇ ସୂଚନା ମିଳିଛି । ଟିଜରରେ ସାହିଦଙ୍କ ଲୁକ୍ ଦେଖିବାକୁ ମିଳିଛି । ଯେଉଁଥିରେ ସେ ଜଣେ କିଲର ଭୁମିକାରେ ନଜର ଆସିଛନ୍ତି ।
ଏହି ଅବସରରେ ଆରଆଇଏଲ ମିଡିଆ ଏଣ୍ଡ କଣ୍ଟେଣ୍ଟ ବିଜନେସ ମୁଖ୍ୟ ଜ୍ୟୋତି ଦେଶପାଣ୍ଡେ ଫିଲ୍ମକୁ ନେଇ କହିଛନ୍ତି, "ଆମେ ଏକ ସ୍ୱତନ୍ତ୍ର ଫିଲ୍ମ ପ୍ରସ୍ତୁତ କରିଛୁ । ବହୁ ବଡବଡ ଅଭିନେତାଙ୍କୁ ନେଇ ବଡ଼ ବଜେଟରେ ଏହି ଫିଲ୍ମ ନିର୍ମିତ ହୋଇଛି । ଫିଲ୍ମକୁ ଏକ OTTରେ ରିଲିଜ୍ କରିବାକୁ ଯାଉଛୁ । ଅଲି ଅବ୍ବାସ ଜାଫରଙ୍କ ନିର୍ଦ୍ଦେଶିତ ଏହି ଫିଲ୍ମରେ ସାହିଦ କପୁର, ସଞ୍ଜୟ କପୁର ଏବଂ ରୋନିତ ରୟ ପ୍ରମୁଖ ମୁଖ୍ୟ ଭୂମିକାରେ ଅଭିନୟ କରିଛନ୍ତି ।
ଅନ୍ୟପକ୍ଷରେ ସାହିଦ ଟାଇଗର ଜିନ୍ଦା ହେ ନିର୍ଦ୍ଦେଶକଙ୍କ ସହ କାମ କରି ନିଜ ଅନୁଭୂତି ବାଣ୍ଟିଛନ୍ତି । ସେ କହିଛନ୍ତି, "ଏହି ଫିଲ୍ମରେ କାମ କରିବା ଉତ୍ସାହଜନକ ଥିଲା । ମୁଁ ଅଲିଙ୍କ ସହ ଏହି ଆକ୍ସନ୍ ଫିଲ୍ମ କରି ବହୁତ ଖୁସି ଅନୁଭବ କରୁଛି । ସେ ପ୍ରତ୍ୟେକ ଧାରାକୁ ବୁଝାଇଥାନ୍ତି । ଆମେ ବହୁ ପରିଶ୍ରମ କରିଛୁ । ଏହି ଫିଲ୍ମଟି OTTରେ ଧମାକା କରିବ ବୋଲି ଆମେ ଆଶାବାଦୀ ।" ଅଭିନେତା ଏହା ମଧ୍ୟ କହିଥିଲେ ଯେ ତାଙ୍କର ନୃତ୍ୟ କଳା ତାଙ୍କୁ ଆକ୍ସନ୍ କୋରିଓଗ୍ରାଫି ଶୀଘ୍ର ବୁଝିବାରେ ସାହାଯ୍ୟ କରିଛି ।
ଏଥିସହ ସାହିଦ କପୁର ଇନଷ୍ଟାଗ୍ରାମରେ ନିଜ ଲୁକର ଫଟୋ ସେୟାର କରିଛନ୍ତି । ଫଟୋ ସେୟାର କରିବା ସହ କ୍ୟାପସନରେ ଲେଖିଛନ୍ତି, "teaser dropping BLOODY soon''। ପୋଷ୍ଟ ସେୟାର ହେବା ପରେ ଫ୍ୟାନ୍ସ ଏହାକୁ ଲାଇକ କରିବା ସହ କମେଣ୍ଟ ଦେଇଛନ୍ତି । ଫିଲ୍ମକୁ ନେଇ ଉତ୍ସାହିତ ଅଛନ୍ତି ଫ୍ୟାନ୍ସ । ରିପୋର୍ଟ ଅନୁଯାୟୀ, ଫିଲ୍ମଟି ଚଳିତ ବର୍ଷ ଜୁନ୍ 9ରେ ଷ୍ଟ୍ରିମିଂ ହେବ ।
