ହାଇଦ୍ରାବାଦ: ଆର ବାଲ୍କିଙ୍କ କ୍ରୀଡା ଭିତ୍ତିକ ଫିଲ୍ମ ଘୁମର ରିଲିଜ ହୋଇଛି। ଏହି ଫିଲ୍ମଟି ପାରା ଆଥଲେଟ୍ କୈରୋଲି ଟାକଙ୍କ ଜୀବନ ଉପରେ ଆଧାରିତ ଫିଲ୍ମ। ତେବେ ଫିଲ୍ମରେ କୈରୋଲିଙ୍କ ଭୂମିକାରେ ଅଭିନୟ କରିଛନ୍ତି ଅଭିନେତ୍ରୀ ସାୟାମି ଖେର । ଏହି ଚଳଚ୍ଚିତ୍ରରେ ତାଙ୍କ ଅଭିନୟ ପାଇଁ ସେ ବେଶ ପ୍ରଶଂସା ସାଉଁଟିଛନ୍ତି । ବର୍ତ୍ତମାନ ଅଭିନେତ୍ରୀ ତାଙ୍କ ସୋସିଆଲ ମିଡିଆରେ ଏକ ହୃଦୟସ୍ପର୍ଶୀ ନୋଟ ସହ ଦୁଇଟି ଫଟୋ ସେୟାର କରିଛନ୍ତି । ଯେଉଁଥିରେ ମେଗାଷ୍ଟାର ଅମିତାଭ ବଚ୍ଚନଙ୍କଠାରୁ ପାଇଥିବା ହସ୍ତଲିଖନ ଚିଠିର ଫଟୋ ରହିଛି ।
ଇନ୍ଷ୍ଟାଗ୍ରାମ୍ରେ ପୋଷ୍ଟ କରାଯାଇଥିବା ଫଟୋଗୁଡ଼ିକରେ ସାୟାମି ପ୍ରଥମ ଫଟୋରେ ହାତରେ ଚିଠି ଧରି ବସିଥିବାବେଳେ ହସୁଥିବା ଦେଖିବାକୁ ମିଳିଛି । ତାଙ୍କ ପାଖରେ ଏକ ପୁଷ୍ପଗୁଚ୍ଛ ରହିଛି । ଅନ୍ୟଟିରେ ଅମିତାଭ ବଚ୍ଚନଙ୍କ ଅଗଷ୍ଟ 19, 2023 ର ଏକ ଚିଠିର ଥିବା ଦେଖିବାକୁ ମିଳିଛି । ଶେଷ ଫଟୋରେ, ସାୟାମି କୌନ ବନେଗା କ୍ରୋରେପାଟୀ 15 ସେଟ୍ରେ ଅମିତାଭଙ୍କ ପାଖରେ ଠିଆ ହୋଇଥିବା ଦେଖିବାକୁ ମିଳିଛି ।
ଫଟୋଗୁଡ଼ିକ ସେୟାର କରି ସାୟାମି କ୍ୟାପସନରେ ଲେଖିଛନ୍ତି, "ମୋର ମନେ ଅଛି, 'ଲୁକିଂ ଫର୍ ଅମିତାଭ' ନାମକ ଏକ କ୍ଷୁଦ୍ର ଚଳଚ୍ଚିତ୍ର ଦେଖିଥିଲି । ଯେଉଁଥିରେ ଦୃଷ୍ଟିହୀନ ଲୋକେ କିପରି ଏହାକୁ ଦେଖୁଛନ୍ତି ତାହା ଦର୍ଶା ଯାଇଥିଲା । ଆମେ ମିଷ୍ଟର ବଚ୍ଚନଙ୍କୁ ମଧ୍ୟ ଦେଖୁନାହୁଁ, କିନ୍ତୁ ଏହି ସୁପରଷ୍ଟାରଙ୍କ ପ୍ରଭାବକୁ ଆମେ ଅନୁଭବ କରିପାରୁ । ପିଲାବେଳେ କେବିସି ଟ୍ୟୁନ୍ ଅର୍ଥ ଏହା ଶୋଇବା ସମୟ ଥିଲା । ଏହି ଗୋଟିଏ ଶୋ' ତିନି ପିଢିକୁ ଏକାଠି କରିଥିଲା ।
ସେ ଆହୁରି ମଧ୍ୟ ଲେଖିଛନ୍ତି, "ମୁଁ ଅଭିନୟ ଆରମ୍ଭ କରିବା ଦିନଠାରୁ ଅନେକ ଉତ୍ଥାନ-ପତନ ଘଟିଛି । ସେଠାରେ ବହୁତ ଲୋକ ଥିଲେ ଯେଉଁମାନେ ମୋତେ 'ନିରାଶ' କରିଥିଲେ । ତାପରେ ବି ମୁଁ ମୋର ଚେଷ୍ଟା ଜାରି ରଖିଥିଲି । ପ୍ରତ୍ୟେକ ପ୍ରତ୍ୟାଖ୍ୟାନରେ ମୋତେ ଆଘାତ ଲାଗିଥିଲା । କିନ୍ତୁ ଏହା ହିଁ ମୋତେ ମୋତେ ଆହୁରି କଠିନ ପରିଶ୍ରମ କରିବାକୁ ବାଧ୍ୟ କରିଥିଲା । ମେଲବୋର୍ଣ୍ଣରେ ଫିଲ୍ମର ପ୍ରିମିୟର ପରେ ଏବି ଠିଆ ହୋଇ ସ୍ବାଗତ କରିବା ସହ ହଗ୍ କରିଥିଲେ । କହିଥିଲେ,"ଖେର୍ ସାହାବ, କିଛି ଫିଲିଂ ଦେଖାନ୍ତୁ ।" କିଛି ନଭାବି କିଛି ସମୟ ସେପରି ଠିଆ ହୋଇଥିଲି । ରିଲ୍ ଜୀବନରେ ମୁଁ ବହୁତ କାନ୍ଦିପାରେ, ବାସ୍ତବ ଜୀବନରେ, ମୁଁ କିପରି ଅନୁଭବ କରୁଛି ଆପଣ କେବେ ଜାଣିବେ ନାହିଁ ।"
ସେ ଆହୁରି କହିଛନ୍ତି ଯେ "ଗତକାଲି ମୁଁ ଯେତେବେଳେ ମୋ ଭାଗ୍ୟ ବିଷୟରେ ଚିନ୍ତା କରି ଘରେ ବସିଥିଲି, କେହି ଜଣେ ଡାକିଥିଲେ । ବାହାରେ ଗୋଟିଏ ପୁଷ୍ପଗୁଚ୍ଛ ଏବଂ ହାତଲେଖା ନୋଟ୍ ଥିଲା । ଏହା ଏକ ଅନୁମୋଦନ ପତ୍ର ଥିଲା ଯାହାକୁ ଦେଶର ପ୍ରତ୍ୟେକ ଅଭିନେତା ସ୍ୱପ୍ନ ଦେଖନ୍ତି ? ମୁଁ ଆକାଶକୁ ଚାହିଁ ଶେଷରେ ଚିତ୍କାର କଲି, 'ଦେଖ ଏହା କ’ଣ?' ଆଶା । ଧନ୍ୟବାଦ ଅମିତାଭ ବଚ୍ଚନ ସାର୍ ।"
ଏହା ମଧ୍ୟ ପଢନ୍ତୁ: ପରଦାରେ କୈରୋଲିଙ୍କ ସଂଘର୍ଷ କାହାଣୀ, ପ୍ରଶଂସା କଲେ କ୍ରିକେଟର୍ସ
ଗୁମର ନିର୍ଦ୍ଦେଶକ ଆର ବାଲ୍କିଙ୍କ ଦ୍ୱାରା ନିର୍ଦ୍ଦେଶିତ ଏବଂ କୈରୋଲି ଟାକାଙ୍କ କାହାଣୀ ଦ୍ୱାରା ଅନୁପ୍ରାଣିତ ଏହି ଫିଲ୍ମ । ଏହି ଚଳଚ୍ଚିତ୍ରରେ ଅଭିଷେକ ବଚ୍ଚନ, ଶବାନା ଆଜମୀ ଏବଂ ଅଙ୍ଗଦ ବେଦୀ ପ୍ରମୁଖ ଭୂମିକାରେ ଅଭିନୟ କରିଛନ୍ତି । ସାୟାମି କୈରୋଲିଙ୍କ ଭୂମିକାରେ ନଜର ଆସିଥିବା ବେଳେ ଅଭିଷେକ ବଚ୍ଚନ ତାଙ୍କ ପ୍ରଶିକ୍ଷକଙ୍କ ଭୂମିକାରେ ନଜର ଆସିଛନ୍ତି । ଏହି ଫିଲ୍ମରେ ସମସ୍ତଙ୍କ ଅଭିନୟକୁ ପ୍ରଶଂସା କରାଯାଉଛି । ଏହି ଫିଲ୍ମ 3ଦିନରେ ମୋଟ 3.45 କୋଟି ଆୟ କରିଛି । ପ୍ରଥମ ଦିନରେ 85 ଲକ୍ଷ ଆୟ କରିଥିବା ବେଳେ 2ୟ ଦିନରେ 1.1 କୋଟି ଏବଂ 3ୟ ଦିନରେ 1.5କୋଟି ଆୟ କରିଛି ।
