ହାଇଦ୍ରାବାଦ: ଦୁର୍ଘଟଣାର ଶିକାର ହୋଇଛନ୍ତି ବଲିଉଡ ଅଭିନେତ୍ରୀ ତନୁଶ୍ରୀ ଦତ୍ତା । ମନ୍ଦିର ଯିବା ସମୟରେ ଗାଡିର ବ୍ରେକ୍ ଫେଲ୍ ହୋଇଯିବାରୁ ଏହି ଦୁର୍ଘଟଣା ଘଟିଛି । ଅଭିନେତ୍ରୀ ସୋସିଆଲ ମିଡିଆରେ ଦୁର୍ଘଟଣା ସମ୍ପର୍କରେ ସୂଚନା ପ୍ରଦାନ କରିଛନ୍ତି ।
- " class="align-text-top noRightClick twitterSection" data="
">
ତନୁଶ୍ରୀ ଦତ୍ତା ଇନଷ୍ଟାଗ୍ରାମରେ ମନ୍ଦିର ଦର୍ଶନର ଫଟୋ ସେୟାର କରି ଦୁର୍ଘଟଣାର କାରଣ ମଧ୍ୟ ସେୟାର କରିଛନ୍ତି । ସେ କହିଛନ୍ତି ଯେ, ଗାଡିର ବ୍ରେକ୍ ଫେଲ୍ ହେବା ଯୋଗୁଁ ସେ ଦୁର୍ଘଟଣାର ଶିକାର ହୋଇଛନ୍ତି । ଏହା ସହିତ ଫଟୋ ସେୟାର କରି କ୍ୟାପସନ୍ରେ ଲେଖିଛନ୍ତି, ''ଆଜିର ଦିନ ଆଡଭେଚର୍ସ ରହିଲା । ଶେଷରେ ମହାକାଳଙ୍କ ଦର୍ଶନ ପାଇଁ ପହଞ୍ଚିଲି । ମନ୍ଦିର ଯିବା ରାସ୍ତାରେ ଏକ ଦୁର୍ଘଟଣା ଘଟିଲା । ବ୍ରେକ୍ ଫେଲ୍ ହେବା ଯୋଗୁଁ ଗାଡି ଦୁର୍ଘଟଣାଗ୍ରସ୍ତ ହୋଇଥିଲା । କେବଳ କିଛି ଷ୍ଟିଜ୍ ପଡିଛି । ଜୟ ଶ୍ରୀ ମହାକାଳ ।'' ତନୁଶ୍ରୀଙ୍କ ଗୋଡରେ ମଧ୍ୟ ଗଭୀର ଆଘାତ ଲାଗିଛି । ଯାହାର ଫଟୋ ମଧ୍ୟ ସେ ସେୟାର କରିଛନ୍ତି ।
ନିଜ ସୌନ୍ଦର୍ଯ୍ୟ ପାଇଁ ଦିନେ ବଲିଉଡ୍ରେ ଚର୍ଚ୍ଚାରେ ଥିବା ଅଭିନେତ୍ରୀ ତନୁଶ୍ରୀ ଦତ୍ତା ବଲିଉଡ୍ରୁ ଦୂରେଇ ଯାଇଛନ୍ତି । କିନ୍ତୁ ସେ ଏବେବି ସୋସିଆଲ ମିଡିଆରେ ବେଶ୍ ସକ୍ରିୟ । ତନୁଶ୍ରୀ ଦତ୍ତା ୨୦୦୫ରେ ବଲିଉଡରେ ଡେବ୍ୟୁ କରିଥିଲେ । ତନୁଶ୍ରୀ ପ୍ରଥମେ 'ଆଶିକ୍ ବନାୟା ଆପନେ' ଫିଲ୍ମରେ କାମ କରିଥିଲେ । ତାଙ୍କୁ ଶେଷ ଥର ପାଇଁ ୨୦୧୦ରେ ରିଲିଜ୍ ହୋଇଥିବା ଫିଲ୍ମ 'ଆପାର୍ଟମେଣ୍ଟ ରେଣ୍ଟ ଆଟ୍ ୟୁ'ରେ ଦେଖିବାକୁ ମିଳିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
