ହାଇଦ୍ରାବାଦ: ବଲିଉଡର ପ୍ରସିଦ୍ଧ ଚଳଚ୍ଚିତ୍ର ନିର୍ମାତା କରଣ ଜୋହରଙ୍କ ନିର୍ଦ୍ଦେଶିତ ଫିଲ୍ମ 'ରକି ଔର ରାନୀ କି ପ୍ରେମ କାହାନୀ' ଦୀର୍ଘ ଦିନ ଧରି ଚର୍ଚ୍ଚାରେ ରହିଆସିଛି । ଫିଲ୍ମରେ ପୁଣି ବଲିଉଡ ଅଭିନେତା ରଣଭୀର ସିଂ ଏବଂ ଅଭିନେତ୍ରୀ ଆଲିଆ ଭଟ୍ଟଙ୍କୁ ଏକାଠି ବଡ଼ ପରଦାରେ ନଜର ଆସିବେ । ପୂର୍ବରୁ ଫିଲ୍ମରୁ ରଣଭୀର ଏବଂ ଆଲିଆଙ୍କ ଲୁକ ରିଲିଜ ହୋଇଥିବା ବେଳେ ଆଜି ଫିଲ୍ମର ଟିଜର ରିଲିଜ ହୋଇଛି । ଟିଜରକୁ ସୋସିଆଲ ମିଡିଆରେ ବଲିଉଡ କିଙ୍ଗ୍ଖାନ ଶାହାରୁଖ ଖାନ ସେୟାର କରି କରଣଙ୍କୁ ଶୁଭେଚ୍ଛା ଜଣାଇଛନ୍ତି । ତେବେ ଟିଜର ରିଲିଜ ହେବାର ମାତ୍ର 1ଘଣ୍ଟା ମଧ୍ୟରେ 2 ଲକ୍ଷରୁ ଅଧିକ ଭିୟୁ ମିଳି ସାରିଲାଣି ।
- " class="align-text-top noRightClick twitterSection" data="">
ଗଲି ବୟ ପରେ ଆଲିଆ ଭଟ୍ଟ ଏବଂ ରଣଭୀର ସିଂ ଏହି ଫିଲ୍ମରେ ପୁଣି ଥରେ ଏକାଠୀ ନଜର ଆସିବେ । 1 ମିନିଟ 19 ସେକେଣ୍ଡର ଟିଜରରେ ଆଲିଆ ଭଟ୍ଟ ଏବଂ ରଣଭୀର ସିଂଙ୍କ ଯୋଡି ପରଦାରେ ପୁଣି ଧମାକା କରିବାକୁ ପ୍ରସ୍ତୁତ ହୋଇଛନ୍ତି । 'ରକି ଔର ରାନୀ କି ପ୍ରେମ କାହାନୀ' ଫିଲ୍ମରୁ ରଣଭୀର ସିଂ ଏବଂ ଆଲିଆ ଭଟ୍ଟଙ୍କ ପ୍ରଥମ ଲୁକ୍ କରନ ଜୋହରଙ୍କ ଜନ୍ମଦିନ ମେ' 25ରେ ରିଲିଜ ହୋଇଥିଲା । ଦୀର୍ଘ ସମୟ ପରେ କରଣ ଜୋହର ନିଜେ ଏକ ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି । ଏଭଳି ପରିସ୍ଥିତିରେ କରଣଙ୍କ ପ୍ରଶଂସକମାନେ ଏହି ଫିଲ୍ମ ରିଲିଜକୁ ଅପେକ୍ଷା କରିଛନ୍ତି । ଏହାପୂର୍ବରୁ ଜୁନ୍ 20ରେ ଫିଲ୍ମର ପ୍ରଥମ ଟିଜର ରିଲିଜ କରିଥିଲା ।
-
#RockyAurRaniKiiPremKahaani https://t.co/VYyanYybB1 pic.twitter.com/IbidsqUIKE
— Shah Rukh Khan (@iamsrk) June 20, 2023 " class="align-text-top noRightClick twitterSection" data="
">#RockyAurRaniKiiPremKahaani https://t.co/VYyanYybB1 pic.twitter.com/IbidsqUIKE
— Shah Rukh Khan (@iamsrk) June 20, 2023#RockyAurRaniKiiPremKahaani https://t.co/VYyanYybB1 pic.twitter.com/IbidsqUIKE
— Shah Rukh Khan (@iamsrk) June 20, 2023
ଶାହାରୁଖ ଖାନ ଏବଂ କରଣ ଜୋହରଙ୍କ ମଧ୍ୟରେ ବହୁ ପୁରୁଣା ସମ୍ପର୍କ ରହିଛି । ଶାହାରୁଖ ଆଜି କରନଙ୍କ ବହୁ ପ୍ରତୀକ୍ଷିତ ଫିଲ୍ମ 'ରକି ଔର ରାନୀ କି ପ୍ରେମ କାହାନୀ' ର ଟିଜର କରିଛନ୍ତି। ଟ୍ୱିଟରରେ ଟିଜରର ଲିଙ୍କ୍ ସେୟାର କରି ଶାହାରୁଖ ଲେଖିଛନ୍ତି, "ୱାଃ କରନ, ତୁମେ ଚଳଚ୍ଚିତ୍ର ନିର୍ମାତା ଭାବରେ 25 ବର୍ଷ ପୂରଣ କରିଛ । ଏକ ଦୀର୍ଘ ରାସ୍ତା ଅତିକ୍ରମ କରିଛ । ତୁମର ଏହି ସଫଳତାକୁ ଦେଖି ତୁମର ବାପା ଏବଂ ମୋର ବନ୍ଧୁ ଟମ୍ ମାମୁଁ ଏହା ଜାଣି ଖୁସି ହେବା ସହ ତୁମ ପାଇଁ ଗର୍ବିତ ହେବେ । ମୁଁ ଆପଣଙ୍କୁ କେତେ ଥର ଅଧିକରୁ ଅଧିକ ଚଳଚ୍ଚିତ୍ର ନିର୍ମାଣ କରିବାକୁ କହିଛି, ଯାହା ଦ୍ବାରା ତୁମେ ଲୋକଙ୍କ ଜୀବନରେ ଭଲପାଇବା ସହ ଖୁସି ଆଣି ପାରିବ । ଯାହା ତୁମେ ହିଁ କରିପାରିବ । 'ରକି ଔର ରାନୀ କି ପ୍ରେମ କାହାନୀ'ର ଟିଜର ବହୁତ ସୁନ୍ଦର ହୋଇଛି । ମୋ ପକ୍ଷରୁ ପୁରା ଫିଲ୍ମର କାଷ୍ଟଙ୍କୁ ଶୁଭେଚ୍ଛା ।"
ସୂଚନା ଥାଉ କି, ଏହି ଫିଲ୍ମରେ ରଣଭୀର ସିଂ ଏକ ଜଟ ପଞ୍ଜାବୀ ପରିବାରର ହୋଇଥିବା ବେଳେ ଆଲିଆ ଜଣେ ବଙ୍ଗୀୟ ଝିଅ ଭୂମିକାରେ ଅଭିନୟ କରିବାକୁ ଯାଉଛନ୍ତି । ଉଭୟ ପରିବାରର ଭିନ୍ନ ରୀତିନୀତି ହେତୁ ସେମାନଙ୍କର ପ୍ରେମ କାହାଣୀ ଏତେ ସହଜ ହେବ ନାହିଁ । ଏହି ଚଳଚ୍ଚିତ୍ର ଜୁଲାଇ 28ରେ ସାରା ବିଶ୍ବରେ ରିଲିଜ କରିବ । ଏଥିସହ ଏହି ଫିଲ୍ମରେ ଧର୍ମେନ୍ଦ୍ର, ଜୟା ବଚ୍ଚନ ଏବଂ ଶବାନା ଆଜମିଙ୍କ ପରି ଭେଟେରାନ ଅଭିନେତାମାନେ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ରଣଭୀରଙ୍କ ଅତୀତ ଚଳଚ୍ଚିତ୍ର ଫ୍ଲପ୍ ହୋଇଥିବା ବେଳେ ଏହି ଫିଲ୍ମଟି ବେଶ ହିଟ କରିବ ବୋଲି ଆଶା କରାଯାଉଛି । ସେପଟେ ଆଲିଆ ବର୍ତ୍ତମାନ ଅଗଷ୍ଟ 11ରେ ରିଲିଜ ହେବାକୁ ଥିବା ହଲିଉଡର ଡେବ୍ୟୁ ଫିଲ୍ମ 'ହାର୍ଟ ଅଫ୍ ଷ୍ଟୋନ'କୁ ନେଇ ଚର୍ଚ୍ଚାରେ ରହିଛନ୍ତି ।
