ହାଇଦ୍ରାବାଦ: ରଣବୀର କପୁର ଏବଂ ରଶ୍ମିକା ମନ୍ଦାନା ବହୁ ପ୍ରତିକ୍ଷୀତ ଫିଲ୍ମ 'ଆନିମଲ' ସହ ବଡ଼ ପରଦାରେ ଧମାକା କରିବାକୁ ପ୍ରସ୍ତୁତ ଅଛନ୍ତି । ନିକଟରେ ଫିଲ୍ମର ଟ୍ରେଲର୍ ରିଲିଜ ହୋଇଥିଲା । ଯାହାପରେ ଫ୍ୟାନ୍ସଙ୍କ ସମେତ ସେଲିବ୍ରିଟି ଫିଲ୍ମକୁ ନେଇ ଉତ୍ସାହ ବଢିଯାଇଛି । ଏହାରି ମଧ୍ୟରେ ଫିଲ୍ମ ରିଲିଜକୁ ଆଉ ମାତ୍ର କିଛି ଦିନ ବାକି ଥିବା ବେଳେ ବର୍ତ୍ତମାନ ଫିଲ୍ମର ଆଡଭାନ୍ସ ବୁକିଂ ଆରମ୍ଭ ହୋଇଛି । ମିଡିଆ ରିପୋର୍ଟ ଅନୁଯାୟୀ, ଆନିମଲ ପାଇଁ ପ୍ରତି ଘଣ୍ଟାରେ ୧୦ ହଜାର ଟିକେଟ୍ ବିକ୍ରି ହେଉଛି । ଏହାକୁ ଦେଖି ଅନୁମାନ କରାଯାଉଛି ଯେ ରଣବୀରଙ୍କ ଏହି ଫିଲ୍ମ ସବୁଠୁ ବଡ଼ ଓପନର୍ ବଲିଉଡ୍ ଫିଲ୍ମ ହେବାକୁ ଯାଉଛି ।
- " class="align-text-top noRightClick twitterSection" data="">
ଖବର ଅନୁଯାୟୀ, ଯଦି ଆମେ ଚଳଚ୍ଚିତ୍ର ଟିକେଟ୍ ବିଷୟରେ କଥା ହେଉ, ସେଗୁଡିକ ୨୦୦ ଟଙ୍କାରୁ ୨୨୦୦ଟଙ୍କାରେ ବିକ୍ରି ହେଉଛି, ଯାହା ବହୁତ ଅଧିକ । ଦିଲ୍ଲୀ-ମୁମ୍ବାଇରେ ରଣବୀରଙ୍କ ଆଗାମୀ ଚଳଚ୍ଚିତ୍ରର ଟିକେଟ ୧୫୦୦ ରୁ ୨୨୦୦ ଟଙ୍କା ମଧ୍ୟରେ ବିକ୍ରି ହେଉଛି । ଯେଉଁଠାରେ କି ଫିଲ୍ମର ସାଧାରଣ ଟିକେଟର ଦାମ ୨୫୦ରୁ ଆରମ୍ଭ ହୋଇଥାଏ । ସେପଟେ ସାକ୍ନିକ୍ଙ୍କ ରିପୋର୍ଟ ଅନୁସାରେ, ବର୍ତ୍ତମାନ ସୁଦ୍ଧା ୧୧ ଲକ୍ଷ ୧ ହଜାର ୩୧୭ ଟିକେଟ ବିକ୍ରି ହୋଇସାରିଲାଣି । ଫିଲ୍ମ ରିଲିଜ ପୂର୍ବରୁ ୩.୪ କୋଟି ଆୟ କରିସାରିଲାଣି ।
ଟ୍ରେଲର ଦେଖିବା ପରଠାରୁ ଦର୍ଶକଙ୍କ ମଧ୍ୟରେ ଭିନ୍ନ କ୍ରେଜ୍ ଦେଖିବାକୁ ମିଳିଛି । ତେବେ ଏହି ସବୁ ଦେଖି ଅନୁମାନ କରାଯାଉଛି ଯେ, 'ଆନିମଲ' ଅନେକ ଫିଲ୍ମର ରେକର୍ଡ ଭାଙ୍ଗିବା ସହ ପ୍ରଥମ ଦିନରେ ମଧ୍ୟ ଦମଦାର କଲେକ୍ସନ କରିବ ବୋଲି ଆଶା କରାଯାଉଛି । ଏଥିସହ ପ୍ରଥମ ଦିନର କଲେକ୍ସନ ରଣବୀରଙ୍କ ଫିଲ୍ମ ସଞ୍ଜୁ ଏବଂ ବ୍ରହ୍ମାସ୍ତ୍ରକୁ ଫଛରେ ପକାଇପାରେ ବୋଲି କୁହାଯାଉଛି । ତେବେ ପ୍ରଥମ ଦିନରେ ଫିଲ୍ମ କେତେ କମାଲ କରୁଛି । ତାହା ଏବେ ଦେଖିବାକୁ ବାକି ରହିଲା ।
ସୂଚନା ଅନୁସାରେ, ଏହି ଚଳଚ୍ଚିତ୍ରଟି ପିତା-ପୁତ୍ର ସମ୍ପର୍କ ଉପରେ ଆଧାରିତ, ଯେଉଁଥିରେ ପ୍ରେମ, ଭାଲପାଇବା, ଆକ୍ସନ ଏବଂ ଆଙ୍ଗର୍(କ୍ରୋଧ) ସାମିଲ ହୋଇଛି । ଟ୍ରେଲରରେ ଫିଲ୍ମରେ ପୁଅ ଭୂମିକାରେ ଅଭିନୟ କରୁଥିବା ରଣବୀର କପୁର ଏକ ସିନ୍ରେ ଏକ ବଡ ମେସିନ୍ ଗନ୍ରୁ ଗୁଳି ଚଳାଇଥିବାର ନଜର ଆସିଛନ୍ତି । ତେବେ ରଣବୀର ଦମଦାର ଲୁକ୍ ସହ ଆକ୍ସନ ଦର୍ଶକଙ୍କୁ ବେଶ ଆକୃଷ୍ଟ କରିଛି । ଅନୀଲ କପୁର ଏଠାରେ ପିତାଙ୍କ ଭୂମିକାରେ ଅଭିନୟ କରୁଥିବାବେଳେ ରଶ୍ମିକାଙ୍କୁ ତାଙ୍କ ପତ୍ନୀ ଭାବରେ ଦେଖିବାକୁ ମିଳିବ ।
ଏହା ମଧ୍ୟ ପଢନ୍ତୁ: ବକ୍ସ ଅଫିସ କଲେକ୍ସନର ପ୍ରଥମ ଦିନରେ ରେକର୍ଡ ଭାଙ୍ଗିବ ଆନିମଲ !
ବବି ଦେଓଲ ମଧ୍ୟ ଏହି ଫିଲ୍ମରେ ନଜର ଆସିବେ । ସେ ଜଣେ ମୁକ ଖଳନାୟକ ଭାବେ ଏହି ଫିଲ୍ମରେ ନଜର ଆସିଛନ୍ତି । ରଣବୀରଙ୍କ ବ୍ୟତୀତ ବବିଙ୍କ ଦମଦାର ଲୁକ୍ ମଧ୍ୟ ବେଶ ସାନଦାର ରହିଛି । ଏହି ଆକ୍ସନ୍ ଡ୍ରାମା ଫିଲ୍ମଟି ଏକ ପ୍ୟାନ୍ ଇଣ୍ଡିଆ ଫିଲ୍ମ । ସନ୍ଦୀପ ଭଙ୍ଗା ରେଡ୍ଡୀଙ୍କ ନିର୍ଦ୍ଦେଶିତ ଏହି ଫିଲ୍ମରେ ରଣବୀରଙ୍କ ବିପକ୍ଷରେ ପ୍ରଥମ ଥର ପାଇଁ ସାଉଥ ସୁନ୍ଦରୀ ରଶ୍ମିକା ମନ୍ଦାନା ନଜର ଆସିବେ । ଏହି ଚଳଚ୍ଚିତ୍ର ୫ଟି ଭାଷାରେ ହିନ୍ଦୀ, ତେଲୁଗୁ, ତାମିଲ, କନ୍ନଡ଼ ଏବଂ ମାଲାୟାଲମରେ ମୁକ୍ତିଲାଭ କରିବ । ସେପଟେ ଏହି ଦିନ ବିକି କୌଶଲଙ୍କ ସାମ୍ ବାହାଦୂର ବି ରିଲିଜ ହେବ । ତେବେ ଉଭୟ ଫିଲ୍ମ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିବ ।
