ହାଇଦ୍ରାବାଦ: ଖୁବ୍ ଶୀଘ୍ର କପୁର ପରିବାରରେ ଜୁନିଅର କପୁରଙ୍କ ଏଣ୍ଟ୍ରି ହେବାକୁ ଯାଉଛି । ହଁ, ରଣବୀର କପୁରଙ୍କ ପତ୍ନୀ ତଥା ଅଭିନେତ୍ରୀ ଆଲିଆ ଭଟ୍ଟ ତାଙ୍କ ମାଆ ହେବା ନେଇ ସୋସିଆଲ ମିଡିଆରେ ଗୁଡ ନ୍ୟୁଜ ଦେଇଛନ୍ତି । ଆଜି ଅର୍ଥାତ୍ ଜୁନ୍ 27 ତାରିଖ ସକାଳେ ଆଲିଆ ଭଟ୍ଟ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଡାକ୍ତରଖାନାରୁ ଦୁଇଟି ଫଟୋ ସେୟାର କରିଥିଲେ ଏବଂ ନିଜେ ଗର୍ଭବତୀ ଥିବା ପ୍ରଶଂସକଙ୍କୁ କହିଛନ୍ତି । ଏହି ପୋଷ୍ଟରେ ଆଲିଆ ଭଟ୍ଟଙ୍କ ନଣନ୍ଦ ରିଦ୍ଧିମା କପୁର ତାଙ୍କ ଭାଉଜଙ୍କୁ ଅଭିନନ୍ଦନ ଜଣାଇଛନ୍ତି ଏବଂ ବର୍ତ୍ତମାନ ଆଲିଆ ଭଟ୍ଟଙ୍କ ଶାଶୂ ତଥା ରଣବୀର କପୁରଙ୍କ ମାଆଙ୍କ ପ୍ରତିକ୍ରିୟା ସାମ୍ନାକୁ ଆସିଛି ।
- " class="align-text-top noRightClick twitterSection" data="
">
ସୋସିଆଲ ମିଡିଆରେ ଏକ ଭିଡିଓରେ, ପାପାରାଜି ପ୍ରଥମେ ନୀତୁ କପୁରଙ୍କୁ ଅଭିନନ୍ଦନ ଜଣାଇଥିଲେ, ପରେ ନୀତୁ କପୁର ଏହାର କାରଣ ପଚାରିଥିଲେ । ଏହାପରେ ପାପାରାଜି କହିଛନ୍ତି ଯେ, ଆପଣ ଜେଜେମାଆ ହେବାକୁ ଯାଉଛନ୍ତି । ଏହାକୁ ଶୁଣି ନୀତୁ କପୁର ହସିଥିଲେ ଏବଂ ସଙ୍ଗେ ସଙ୍ଗେ ପାପାରାଜିଙ୍କୁ ଧନ୍ୟବାଦ ଜଣାଇଥିଲେ ।
ଏହା ପରେ ପାପାରାଜି ନୀତୁଙ୍କୁ ତାଙ୍କ ଫିଲ୍ମ 'ଜୁଗ୍ ଜୁଗ୍ ଜିଓ' ପାଇଁ ଅଭିନନ୍ଦନ ଜଣାଇଛନ୍ତି । ଏଥିସହିତ ନୀତୁ କପୁର ଏହା ମଧ୍ୟ କହିଛନ୍ତି ଯେ, ପ୍ରଥମେ ହେଉଛି 'ଶମଶେରା' ଏବଂ 'ବ୍ରହ୍ମାସ୍ତ୍ର' । ପୁଣି ଚାଲି ଚାଲି ଯିବା ସମୟରେ ନୀତୁ କପୁର କହୁଛନ୍ତି ଯେ, ସାରା ଦୁନିଆ ଜାଣିସାରିଲାଣି ? ଏହା ଉପରେ ପପ୍ସ ନୀତୁଙ୍କୁ କହିଛନ୍ତି ଯେ, ଆପଣଙ୍କ ବୋହୂ ଆଲିଆ ଭଟ୍ଟ ଇନଷ୍ଟାଗ୍ରାମରେ ଗର୍ଭଧାରଣ ଘୋଷଣା କରିଛନ୍ତି ।
ଏହା ବି ପଢନ୍ତୁ: ଗୁଡ୍ ନ୍ୟୁଜ ସେୟାର କଲେ ଆଲିଆ, ଘରକୁ ଆସିବେ କୁନି ଅତିଥି
ତେବେ ଏହି ଗୁଡ ନ୍ୟୁଜ୍ ପରେ ଆଲିଆ ଭଟ୍ଟ ଏବଂ ରଣବୀର କପୁରଙ୍କ ପ୍ରଶଂସକଙ୍କ ଖୁସି କହିଲେ ନସରେ । ସମସ୍ତେ ସୋସିଆଲ ମିଡିଆରେ ଏହି ଦମ୍ପତିଙ୍କୁ ଅଭିନନ୍ଦନ ଜଣାଉଛନ୍ତି । ଏଥି ସହିତ, ବଲିଉଡର ଅନେକ ସେଲିବ୍ରିଟିମାନେ ମଧ୍ୟ ଏହି ଖୁସି ଖବର ପାଇଁ ରଣବୀର-ଆଲିଆଙ୍କୁ ଶୁଭେଚ୍ଛା ଜଣାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
