ମୁମ୍ବାଇ: ଫ୍ୟାନ୍ସଙ୍କ ପାଇଁ ଖୁସି ଖବର। ଫିଲ୍ମ 'ରକି ଔର ରାନୀ କି ପ୍ରେମ କାହାନୀ' ସହ ଧମାକା କରୁଥିବା ଅଭିନେତା ରଣଭୀର ସିଂ ଖୁବଶୀଘ୍ର ଡନ୍-3ରେ ନଜର ଆସିବାକୁ ଯାଉଛନ୍ତି । ଡନ-3କୁ ନେଇ ଏକ ବଡ଼ ଅପଡେଟ୍ ସାମ୍ନାକୁ ଆସିଛି । ଶାହାରୁଖଙ୍କ ବଦଳରେ ଏହି ଫିଲ୍ମରେ ରଣବୀର ସିଂ ନଜର ଆସିବେ ବୋଲି କୁହାଯାଉଛି । ଡନ୍-2 ନିର୍ଦ୍ଦେଶକ ଫରହାନ ଅଖତର ସୋସିଆଲ ମିଡିଆରେ ଏକ ଛୋଟିଆ କ୍ଲିପ୍ ସେୟାର କରିଛନ୍ତି ଯାହା ବର୍ତ୍ତମାନ ଡନ-3 ସହ ଯୋଡ଼ା ଯାଉଛି ।
ଇନ୍ଷ୍ଟାଗ୍ରାମରେ ଫରହାନ୍ ଅଖତର ଛୋଟିଆ କ୍ଲିପ୍ ସେୟାର କରିଛନ୍ତି । ଯାହା ବର୍ତ୍ତମାନ ଡନ୍-3 ସହ ଯୋଡ଼ା ଯାଉଛି । ତେବେ କୁହାଯାଉଛି ଯେ ଡନ୍-3 ଫିଲ୍ମ ଶାହାରୁଖ ଖାନଙ୍କ ସହ ନୁହେଁ ବରଂ ରଣଭୀର ସିଂଙ୍କ ସହ ନିର୍ମିତ ହେବ । ସୋସିଆଲ ମିଡିଆରେ ଏହି କ୍ଲିପ ସେୟାର ହେବା ମାତ୍ରେ ଫ୍ୟାନ୍ସଙ୍କ ମଧ୍ୟରେ ଭିନ୍ନ କ୍ରେଜ୍ ଦେଖିବାକୁ ମିଳିଛି । ଏହାକୁ ଫ୍ୟାନ୍ସ ଲାଇକ କରିବା ସହ ସେମାନଙ୍କ ମଧ୍ୟରେ ଉତ୍ସାହ ବଢିଯାଇଥିବା ଦେଖିବାକୁ ମିଳିଛି । ଏହାକୁ ନେଇ ଫ୍ୟାନ୍ସ ପ୍ରତିକ୍ରିୟା ମଧ୍ୟ ଦେଇଛନ୍ତି । ତେବେ ଭିଡିଓ ଉପରେ ପ୍ରତିକ୍ରିୟା ଦେଇ ଜଣେ ଫ୍ୟାନ୍ସ ଲେଖିଛନ୍ତି, ନୋ ଶାହାରୁଖ ନୋ ଜନ୍ । ଆଉ ଜଣେ ଲେଖିଛନ୍ତି, ଶାହାରୁଖଙ୍କ ବିନା ଡନ୍ କଳ୍ପନା କରିହେଉ ନାହିଁ । ଅନ୍ୟ ଜଣେ କହିଛନ୍ତି, 'ଡନ୍ ଶାହାରୁଖଙ୍କ ସ୍ବାଗ୍ ସହ ମେଳ ଖାଉଥିବା ପରି ଆଉ କେଉଁ ଅଭିନେତା ଥିଲା ଭଳି ମୋର ମନେ ହେଉନି।'
ଏହା ମଧ୍ୟ ପଢନ୍ତୁ: ଫିଲ୍ମ ଛାଡ଼ିଲେ ପ୍ରିୟଙ୍କା ଏବଂ କ୍ୟାଟ୍ରିନା ! ଏହା କହିଲେ ଜୋୟା ଅଖତର
ତେବେ ସନ୍ନି ଦେଓଲ୍ ଏବଂ ଅମୀଷା ପଟେଲଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଗଦର ୨' ସହ ଫିଲ୍ମ ସହ ଡନ୍-3ର ଟିଜର ରିଲିଜ କରିବ। ଏଥିସହିତ ଏହା ମଧ୍ୟ କୁହାଯାଉଛି ଯେ ଫିଲ୍ମ 'ଡନ୍'ର ଟିଜର ସହ ଅକ୍ଷୟ କୁମାରଙ୍କ ଆଗାମୀ ଚଳଚ୍ଚିତ୍ର OMG 2 ଏବଂ ରଣଭୀର ସିଂ - ଆଲିଆ ଭଟ୍ଟଙ୍କ ଅଭିନୀତ ଚଳଚ୍ଚିତ୍ର ରକି ଔର ରାନୀକି ପ୍ରେମ କାହାଣୀ ସହ ଯୋଡ଼ା ଯିବ । ତେବେ ଡନ୍-3 2025 ମସିହାରେ ରିଲିଜ କରିବ ବୋଲି ଆଶା କରାଯାଉଛି । ସେପଟେ ଫରହାନଙ୍କ ଆଗାମୀ ଫିଲ୍ମ 'ଜି ଲେ ଜରା' ମଧ୍ୟ ରହିଛି । ଏହି ଫିଲ୍ମରେ ଅଭିନେତ୍ରୀ ପ୍ରିୟଙ୍କା ଚୋପ୍ରା, ଆଲିଆ ଭଟ୍ଟ ଏବଂ କ୍ୟାଟ୍ରିନା କୈଫ ନଜର ଆସିବେ ।
