ଗାନ୍ଧୀନଗର: ଗୁଜୁରାଟ ସଙ୍ଗୀତ ଜଗତରେ ଚାଞ୍ଚଲ୍ୟ । କାରରୁ ସନ୍ଦେହଜନକ ଭାବେ ମିଳିଲା ଗାୟିକା ବୈଶାଲୀ ବଲସାରାଙ୍କ(singer Vaishali Balsara) ମୃତଦେହ । ବଲସାଦ ଜିଲ୍ଲାର ପାରଦିନି ପାର ନଦୀ ନିକଟରୁ ଏକ କାର ଭିତରରୁ ତାଙ୍କ ମୃତଦେହ ଉଦ୍ଧାର କରିଛି ପୋଲିସ । ପାରିପାଶ୍ବିକ ସ୍ଥିତିରୁ ତାଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । କିନ୍ତୁ ଏ ପର୍ଯ୍ୟନ୍ତ ପୋଲିସ ତରଫରୁ କୌଣସି ସୂଚନା ପ୍ରଦାନ କରାଯାଇନାହିଁ । ଗତକାଲି ସେ ନିଖୋଜ ଥିବା ନେଇ ଥାନାରେ ଅଭିଯୋଗ କରିଥିଲେ ସ୍ବାମୀ ।
ମିଳିଥିବା ସୂଚନାନୁସାରେ, କାର୍ ନଂ GJ-15-CG-4224 ରେ ବଲସାଦର ଗାୟିକା ବୈଶାଲୀ ବଲସାରାଙ୍କ ମୃତଦେହ ମିଳିଛି । ସ୍ଥାନୀୟ ଲୋକ ଅଜଣା କାରକୁ ଦୀର୍ଘ ସମୟ ଧରି ଠିଆ ହୋଇଥିବାର ଦେଖି ପାରଡି ପୋଲିସକୁ ଘଟଣା ସମ୍ପର୍କରେ ଅବଗତ କରାଇଥିଲେ । ଯେତେବେଳେ ପାରଡି ପୋଲିସ ଯାଞ୍ଚ ଆରମ୍ଭ କରିଥିଲା, ସେତେବେଳେ ଜଣାପଡ଼ିଲା ଯେ ଏହି ମୃତଦେହ ବଲସାଦର ଗାୟିକା ବୈଶାଲୀ ବଲସାରାଙ୍କର । ଏନେଇ ତାଙ୍କ ସ୍ୱାମୀ କହିଛନ୍ତି ଯେ, ପୂର୍ବ ଦିନ ବୈଶାଲୀ ବଲସାରା ନିଖୋଜ ଥିଲେ । ମୃତଦେହକୁ ଜବତ କରି ପୋଲିସ ତଦନ୍ତ ଆରମ୍ଭ କରିଛି ।
ତେବେ ପୋଲିସ ମୃତଦେହ ଉଦ୍ଧାର କରି ଏଫ୍ଏସ୍ଏଲ୍ ଟିମର ସହାୟତା ଲୋଡିଥିଲା । ପରେ ଘଟଣାସ୍ଥଳରେ ଏଲସିବିର ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ କରିଛି । କଣ୍ଠଶିଳ୍ପୀଙ୍କ ମୃତଦେହ ଉଦ୍ଧାର ପରେ ନାନା ପ୍ରଶ୍ନବାଚୀ ଛିଡା କରିଛି । ତାଙ୍କୁ ହତ୍ୟା କରାଯାଇଛି ନା ସେ ଆତ୍ମହତ୍ୟା କରିଛନ୍ତି । ମୃତଦେହ ଏଠାକୁ କିପରି ଆସିଲା ବିଭିନ୍ନ କୋଣକୁ ଅନୁସନ୍ଧାନ ଆରମ୍ଭ କରିଛି ପୋଲିସ ।
