ମୁମ୍ବାଇ: ଅଗଷ୍ଟରେ ମୁକ୍ତିଲାଭ କରିଥିବା ଚଳଚ୍ଚିତ୍ର ମଧ୍ୟରେ 3ଟି ବଡ ଚଳଚ୍ଚିତ୍ରକୁ ନେଇ ଅଧିକ ଚର୍ଚ୍ଚା ହେଉଛି । ଗୋଟିଏ ରଜନୀକାନ୍ତଙ୍କ 'ଜେଲର', ଦ୍ୱିତୀୟ ସନ୍ନି ଦେଓଲଙ୍କ 'ଗଦର ୨' ଏବଂ ତୃତୀୟ ଅକ୍ଷୟ କୁମାରଙ୍କ 'ଓଏମଜି ୨'। ଏହି ତିନୋଟି ଚଳଚ୍ଚିତ୍ର ଦର୍ଶକଙ୍କ ଠାରି ପ୍ରଶଂସା ସାଉଁଟିବାରେ ଲାଗିଛି । କେବଳ ସାଧାରଣ ଦର୍ଶକ ନୁହଁନ୍ତି ସେଲିବ୍ରିଟିମାନେ ମଧ୍ୟ ଏହି ଚଳଚ୍ଚିତ୍ର ଗୁଡ଼ିକର ମଜା ନେଉଛନ୍ତି । ଏହି ସମୟରେ, ଡିମ୍ପଲ୍ କପାଡିଆଙ୍କୁ ମଧ୍ୟ ପ୍ରେକ୍ଷାଳୟ ବାହାରେ ଦେଖିବାକୁ ମିଳିଛି । ସୋସିଆଲ ମିଡିଆରେ ଡିମ୍ପଲଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ସେ ଥିଏଟରରୁ ବାହାରକୁ ବାହାରିଛନ୍ତି । ଏଭଳି ପରିସ୍ଥିତିରେ ଲୋକଙ୍କ ମନରେ ପ୍ରଶ୍ନ ଉଙ୍କି ମାରୁଛି ଯେ ସେ କେଉଁ ଫିଲ୍ମ ଦେଖିଛନ୍ତି ?
ଡିମ୍ପଲ୍ କପାଡିଆଙ୍କ ଭିଡିଓରେ ସେ କଳା ଟୋପି ପିନ୍ଧିଥିବାର ନଜର ଆସିଛନ୍ତି । ଧଳା ବ୍ୟାଗୀ ସାର୍ଟ ପିନ୍ଧି ଡିମ୍ପଲ୍ ଜଲଦି ଜଲଦି ତାଙ୍କ କାର ଆଡକୁ ଯାଉଥିବାର ଦେଖାଯାଇଛି । ଏହି ସମୟରେ ସେ କ୍ୟାମେରାକୁ ଏଡାଇବା ପାଇଁ ତାଙ୍କ ମୁହଁ ଆଗରେ ଫୋନ୍ ଧରିଥିବାର ଦେଖାଯାଇଛି । ଡିମ୍ପଲଙ୍କ ଏହି ଭିଡିଓ ଦେଖି ପ୍ରଶଂସକମାନେ ବର୍ତ୍ତମାନ ଜାଣିବାକୁ ଚାହୁଁଛନ୍ତି ସେ 'ଗଦର 2' ଦେଖିଛନ୍ତି ନା 'ଓଏମ୍ଜି 2'।
ପୁରୁଣା ପ୍ରେମ କାହାଣୀକୁ ମନେ ପକାଇଲେ ଫ୍ୟାନ୍ସ
ଏକ ସମୟ ଥିଲା, ଯେତେବେଳେ ଡିମ୍ପଲ୍ ଏବଂ ସନ୍ନିଙ୍କ ଚଳଚ୍ଚିତ୍ର ବଡ଼ ପରଦାରେ ଧମାଲ ମଚାଉଥିଲା । ବିବାହ ସତ୍ତ୍ୱେ ସନ୍ନି ଡିମ୍ପଲଙ୍କୁ ଡେଟ କରୁଥିଲେ ବୋଲି ମଧ୍ୟ ଖବର ଆସିଥିଲା । ତେବେ ଆଜି ମଧ୍ୟ ଉଭୟଙ୍କ ପ୍ରେମ କାହାଣୀକୁ ନେଇ ଚର୍ଚ୍ଚା ହୁଏ । ଏଭଳି ସ୍ଥିତିରେ ଥିଏଟରରୁ ଡିମ୍ପଲ ବାହାରକୁ ଆସୁଥିବା ଭିଡିଓ ଇଣ୍ଟରନେଟରେ ଅଧିକ ଚର୍ଚ୍ଚା ସୃଷ୍ଟି କରିଛି । ଜଣେ ପ୍ରଶଂସକ ପଚାରିଛନ୍ତି, ତୁମେ କାହାର ଫିଲ୍ମ ଦେଖିଲ, ପ୍ରେମିକ କିମ୍ବା ଜ୍ୱାଇଁ ? ଏଥିସହିତ କିଛି ୟୁଜର୍ସ କହିଛନ୍ତି ଯେ ଡିମ୍ପଲ୍ ସନ୍ନି ପାଜିଙ୍କ ଟୋପି ପିନ୍ଧିଛନ୍ତି । ବାସ୍ତବରେ, ଗୋଟିଏ ପଟେ ସନ୍ନିଙ୍କ 'ଗଦର ୨' ଏବଂ ଅନ୍ୟ ପଟେ ଅକ୍ଷୟ କୁମାରଙ୍କ 'ଓଏମ୍ଜି 2' ପ୍ରେକ୍ଷାଳୟରେ ଧମାଲ ମଚାଉଛି ।
କଲେକ୍ସନ ଆକଳନକୁ ଦେଖିଲେ ହିନ୍ଦୀ ବେଲ୍ଟରେ ସନ୍ନିଙ୍କ ଫିଲ୍ମ 'ଗଦର ୨' ଧମାଲ ମଚାଉଛି । ସନିଙ୍କ ଫିଲ୍ମ 12 ଦିନରେ 500 କୋଟି ଛୁଇଁଛି । ଯେତେବେଳେ କି, ଅକ୍ଷୟଙ୍କ 'ଓଏମ୍ଜି 2' ଟିକିଏ ଧୀରେ ଗତି କରୁଛି । ଏହି ଫିଲ୍ମ ପାଖାପାଖି 120 କୋଟିରେ ପହଞ୍ଚିଛି ।
