ମୁମ୍ବାଇ: ବଲିଉଡ ଅଭିନେତା ସୈଫ ଅଲି ଖାନଙ୍କ ବଡ଼ପୁଅ ଇବ୍ରାହିମ ଅଲି ଖାନଙ୍କ 22ତମ ଜନ୍ମଦିନ । ଏହି ଅବସରରେ ସୈଫଙ୍କ ଦ୍ବିତୀୟ ପତ୍ନୀ ତଥା ଅଭିନେତ୍ରୀ କରିନା କପୁର ଏକ ସୁନ୍ଦର ଫଟୋ ସେୟାର କରି ଇବ୍ରାହିମ ଅଲି ଖାନଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । କରିନାଙ୍କ ବ୍ୟତୀତ କପୁର ପରିବାରର ଅନ୍ୟ ସଦସ୍ୟମାନେ ମଧ୍ୟ ଇବ୍ରାହିମଙ୍କୁ ତାଙ୍କ ଜନ୍ମଦିନର ଅଭିନନ୍ଦନ ଜଣାଇଛନ୍ତି ।
କରିନା କପୁର ଇବ୍ରାହିମ ଅଲି ଖାନଙ୍କ ପୁରୁଣା ଫଟୋ ତାଙ୍କ ଅଫିସିଆଲ ଇନ୍ଷ୍ଟାଗ୍ରାମରେ ସେୟାର କରିଛନ୍ତି । ଏହି ଫଟୋରେ ଇବ୍ରାହିମ ତାଙ୍କ ପିତା ସୈଫ୍ ଅଲି ଖାନ ଏବଂ ଉଭୟ ସାନଭାଇ ତୈମୁର ଏବଂ ଜାହାଙ୍ଗୀରଙ୍କ ସହ ନଜର ଆସିଛନ୍ତି । ଏହି ପୁରୁଣା ଫଟୋକୁ ସେୟାର କରି କରିନା ଲେଖିଛନ୍ତି, 'ମଧୁର ଏବଂ ସୁନ୍ଦର ବୟକୁ ଜନ୍ମଦିନର ଶୁଭେଚ୍ଛା।' ଫଟୋଟି ଗତ ବର୍ଷ ସୈଫଙ୍କ ଘରେ ତାଙ୍କ ଜନ୍ମଦିନ ଉତ୍ସବ ପାଳନର ହୋଇଥିବା ଜଣାପଡିଛି । ତେବେ କରିନା, ସୈଫ ଏବଂ ପିଲାମାନଙ୍କ ସହ ଥିବା ସମ୍ପର୍କକୁ ନେଇ ପ୍ରଶଂସକଙ୍କ ମଧ୍ୟ ଭଲ ପ୍ରତିକ୍ରିୟା ମିଳିଛି ।
ସୈଫ ଅଲି ଖାନଙ୍କ ଭଉଣୀ ସବା ଅଲି ଖାନ ମଧ୍ୟ ଇବ୍ରାହିମଙ୍କୁ ରବିବାର ଜନ୍ମଦିନରେ ଶୁଭେଚ୍ଛା ଜଣାଇଛନ୍ତି । ସବା ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏକ କଳା ସୁଟରେ ଇବ୍ରାହିମଙ୍କର ଏକ ଫଟୋ ସେୟାର କରିଛନ୍ତି, ଯେଉଁଥିରେ ସେ କ୍ୟାପସନରେ ଲେଖିଛନ୍ତି, 'ମୋର ସୁନ୍ଦର ଭଣଜାଙ୍କୁ ଜନ୍ମଦିନର ଶୁଭେଚ୍ଛା । ଆଇ ଲଭ୍ ୟୁ । ୟୁ ଆର୍ ଏ ଟ୍ରୁ ଜେଣ୍ଟେଲ ମ୍ୟାନ୍ । ଆଇ ଆମ୍ ପ୍ରାଉଡ ଅଫ୍ ୟୁ ।
ଇବ୍ରାହିମ ଅଲି ଖାନଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, ଇବ୍ରାହିମ ବର୍ତ୍ତମାନ ଚଳଚ୍ଚିତ୍ର ନିର୍ମାଣର ନ୍ୟୁନେସ୍ ଶିଖୁଛନ୍ତି । ସେ କରଣ ଜୋହରଙ୍କ ଆଗାମୀ ଚଳଚ୍ଚିତ୍ର 'ରକି ଅର ରାନୀ କି ପ୍ରେମ କାହାନି'ରେ ସହକାରୀ ନିର୍ଦ୍ଦେଶକ ଭାବରେ କାର୍ଯ୍ୟ କରିଛନ୍ତି । ଏହି ଚଳଚ୍ଚିତ୍ରରେ ରଣଭୀର ସିଂ, ଆଲିଆ ଭଟ୍ଟ, ଜୟା ବଚ୍ଚନ, ଶବାନା ଆଜମୀ ଏବଂ ଧର୍ମେନ୍ଦ୍ର ମୁଖ୍ୟ ଭୂମିକାରେ ନଜର ଆସିବେ । ତେବେ ଏହି ଚଳଚ୍ଚିତ୍ର ଚଳିତ ବର୍ଷ 28 ଜୁଲାଇ 2023 ମସିହାରେ ସିନେମା ହଲରେ ରିଲିଜ ହେବ ।
ସୂଚନା ଥାଉ କି, ଇବ୍ରାହିମ ଅଲି ହେଉଛନ୍ତି ବଲିଉଡ ଅଭିନେତ୍ରୀ ସାରା ଅଲି ଖାନଙ୍କ ସାନ ଭାଇ ଏବଂ ଅଭିନେତା ସୈଫ ଅଲି ଖାନ ଏବଂ ପ୍ରଥମ ପତ୍ନୀ ଅମୃତା ସିଂଙ୍କ ବଡ ପୁଅ । ଅଭିନେତ୍ରୀ ସାରାଙ୍କ ସହ ଇବ୍ରାହିମଙ୍କୁ ଅନେକ ପାର୍ଟିରେ ଦେଖିବାକୁ ମିଳିଥାଏ । ତେବେ ପୁରା ଖାନ୍ ପରିବାରର ଏଭଳି ଭଲପାଇବାକୁ ଫ୍ୟାନ୍ସ ପସନ୍ଦ କରିଛନ୍ତି ।
