ହାଇଦ୍ରାବାଦ: ନିକଟରେ ଭାରତୀ ମାଆ ହୋଇଛନ୍ତି । ତାଙ୍କର ଏକ ପୁଅ ହୋଇଛି ବୋଲି ସେ ଇନଷ୍ଟାଗ୍ରାମରେ ପୋଷ୍ଟରେ ସୂଚନା ଦେଇଛନ୍ତି। ଭାରତୀ ଓ ହର୍ଷ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରି ଜଣାଇଛନ୍ତି । ସୋସିଆଲ ମିଡିଆରେ ଏହି ଖୁସି ଖବର ଆସିବା ପରେ ତାଙ୍କ ପ୍ରଶଂସକମାନେ ତାଙ୍କୁ ଅଭିନନ୍ଦନ ଜଣାଇଥିଲେ। ବର୍ତ୍ତମାନ ଏହି ଦମ୍ପତି ସେମାନଙ୍କର ନବଜାତ ଶିଶୁକୁ ସମସ୍ତଙ୍କ ସାମ୍ନାକୁ ଆଣିଛନ୍ତି । ଯଦିଓ ଶିଶୁର ଚେହେରା ଦେଖାଯାଇନଥିଲା, କିନ୍ତୁ ଦମ୍ପତି ପାପାରାଜିଙ୍କ ଆଗରେ ଜୋରସୋର ପୋଜ୍ ଦେଇ ପ୍ରଶଂସକଙ୍କୁ ଧନ୍ୟବାଦ ଜଣାଇଛନ୍ତି।
- " class="align-text-top noRightClick twitterSection" data="
">
ଏହି ସମୟରେ ଭାରତୀ ସିଂ ଏବଂ ହର୍ଷଙ୍କ ମୁହଁରେ ପିତାମାତା ହେବାର ଝଲକ ସ୍ପଷ୍ଟ ଦେଖାଯାଉଥିଲା । ମାଆ ହୋଇଥିବା ଭାରତୀ ସିଂଙ୍କୁ ଏକ ଓ୍ବାଇନ ରଙ୍ଗର ପୋଷାକରେ ଦେଖିବାକୁ ମିଳିଥିଲା । ଏଥିସହିତ ହର୍ଷ ନୀଳ ରଙ୍ଗର ସାର୍ଟ ଏବଂ ନୀଳ ରଙ୍ଗର ଜିନ୍ସ ପିନ୍ଧିଥିଲେ। ଡାକ୍ତର ଏବଂ ନର୍ସମାନେ ସେମାନଙ୍କ ପଛରେ ଦେଖାଯାଉଥିବାରୁ ଏହି ଦୃଶ୍ୟ ହସ୍ପିଟାଲ ବାହାରର ବୋଲି କୁହାଯାଉଛି ।
ଭାରତୀ ନିକଟରେ ତାଙ୍କ ମାତୃତ୍ୱ ଫଟୋସୁଟରୁ ଏକ ଫଟୋ ସେୟାର କରିଛନ୍ତି, ଯାହାର କ୍ୟାପସନରେ ଲେଖିଛନ୍ତି 'ଇଟ୍ସ ଏ ବୟ', ଯେଉଁଥିରେ ହୃଦୟ ଇମୋଜି ମଧ୍ୟ ଦେଇଛନ୍ତି । ଏହି ଫଟୋରେ ହର୍ଷ ଓ ଭାରତୀ ଏକାସହ ନଜର ଆସିଛନ୍ତି ଓ ଭାରତୀ ହାତରେ ଏକ ଛୋଟ ଟୋକରି ଧରିଛନ୍ତି । ଶମିତା ଶେଟ୍ଟୀ ଦମ୍ପତିଙ୍କୁ ହୃଦୟ ଇମୋଜି ଦେଇ ଲେଖିଥିଲେ, 'ଅଭିନନ୍ଦନ' । ଦମ୍ପତିଙ୍କୁ ଶୁଭେଚ୍ଛା ଓ ଆଶୀର୍ବାଦ ପ୍ରଦାନ କରି ଗୌହର ଖାନ ଲେଖିଛନ୍ତି, ଅଭିନନ୍ଦନ। ଭଗବାନ ତୁମକୁ ଏବଂ ଶିଶୁକୁ ଆଶୀର୍ବାଦ କରନ୍ତୁ । ବର୍ତ୍ତମାନ ହର୍ଷ ଓ ଭାରତୀଙ୍କ ଏହି ଇନଷ୍ଟାଗ୍ରାମ ପୋଷ୍ଟ ବେଶ ଭାଇରାଲ ହେବାରେ ଲାଗିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
