ହାଇଦ୍ରାବାଦ: ହାସ୍ୟ ଅଭିନେତ୍ରୀ ଭାରତୀ ସିଂଙ୍କ ଘରକୁ ଖୁବ୍ ଶୀଘ୍ର ନୂଆ ଅତିଥି ଆସିବେ। କୁହାଯାଉଛି କି ଦିନେ କି ଦୁଇ ଦିନ ଭିତରେ କୁନି ଅତିଥି ଭାରତୀ ସିଂଙ୍କ ଘରକୁ ଆସିଯାଇପାରନ୍ତି । ଏହି କଥାକୁ ନେଇ ବହୁତ ଖୁସି ଅଛନ୍ତି ଭାରତୀ ସିଂ। ନିକଟରେ ଭାରତୀ ସିଂ 'ହୁନରବାଜ'ର ସୁଟିଂ ଶେଷ କରୁଥିବା ଦେଖିବାକୁ ମିଳିଥିଲା। ଏହା ବ୍ୟତୀତ ତାଙ୍କର ଆଉ ଏକ ରିଆଲିଟି ସୋ "ଦ ଖତରା ଖାତାର ଶୋ" ଆସୁଛି, ଯେଉଁଥିରେ ଭାରତୀ ସିଂ ଏବଂ ହର୍ଷ ଲିମ୍ବାଚିୟା ଏକାଠି ହୋଷ୍ଟ ଭୂମିକାରେ ନଜର ଆସିଛନ୍ତି। ଏହି ଶୋ’ରେ ଉଭୟ ପରସ୍ପରକୁ ମଜାକ ଉଡାଉଥିବାର ନଜର ଆସିଛନ୍ତି ।
ଯାଆଁଳା ଶିଶୁକୁ ଜନ୍ମ ଦେଲେ ଭାରତୀ !
'ଦ ଖତରା ଖାତାର ଶୋ'ରେ କୋରିଓଗ୍ରାଫର ରେମୋ ଡି’ସୁଜା ଏବଂ ଫରାହ ଖାନଙ୍କ ନାମ ଅନ୍ତର୍ଭୁକ୍ତ ଅଛି । ଭାରତୀ ସିଂ ଏବଂ ହର୍ଷ ଲିମ୍ବାଚିୟା ଏକ ଟାକ୍ସ କରିବାକୁ ସେମାନଙ୍କୁ ଦେଉଛନ୍ତି । ଗୋଟିଏ ପଟେ ଫରାହ ଖାନ ଏବଂ ଅନ୍ୟ ପଟେ ରେମୋ ଅଛନ୍ତି । ସବୁଥର ପରି, ଭାରତୀ ସିଂ ଏଥର ବି ଏକ ପଞ୍ଚ୍ ମାରିଥିଲେ, ଯାହାକୁ ଶୁଣିବା ପରେ ହସି ହସି ସମସ୍ତେ ବେଦମ୍ ହୋଇଯାଇଥିଲେ। ହର୍ଷ ଭାରତୀ ସିଂଙ୍କୁ ପଚାରନ୍ତି ଯେ, ତୁମେ ମୋତେ କହିଲ ଯେ ଆମର ଯାଆଁଳା ଶିଶୁ ହେବ । ଏହା ଉପରେ ଭାରତୀ ସିଂ କହିଛନ୍ତି ଯେ ହଁ ତ.., ଆରେ ହେଲା ନା..। ରେମୋଙ୍କୁ ଦେଖାଇ କହିଲେ ଇଏ ଆମ ପୁଅ ଏବଂ ଫରାହ ଖାନଙ୍କୁ ଦେଖାଇ କହିଲେ ଇଏ ଆମ ବଡ ଝିଅ। ଏହା ଶୁଣି ହର୍ଷ କହିଛନ୍ତି ଯେ ଏମାନେ ଆମର ଜିନ୍ସ ନୁହଁନ୍ତି । ଏହା ଉପରେ ଭାରତୀ ସିଂ କହିଛନ୍ତି ଯେ, ତୁ ଜିନ୍ସ ବିଷୟରେ କହୁଛୁ...।
- " class="align-text-top noRightClick twitterSection" data="
">
ଶୋ’ର ପ୍ରୋମୋ ରିଲିଜ୍ କରିବାବେଳେ ନିର୍ମାତାମାନେ କ୍ୟାପସନରେ ଲେଖିଛନ୍ତି, "ଆପଣଙ୍କୁ ହସିବା ପାଇଁ ରେମୋ ସାର୍ ପୂରା ଜାନ୍ ଲଗାଇଦେଇଛନ୍ତି। ଆପଣ ଆଜିର ଏପିସୋଡ୍ ପାଇଁ ପ୍ରସ୍ତୁତ କି ?" ଭାରତୀ ସିଂ ଏବଂ ହର୍ଷ ଲିମ୍ବାଚିଆଙ୍କ ଏହି ସୋ ସୋମବାରରୁ ଶୁକ୍ରବାର ରାତିରେ ପ୍ରସାରଣ ହେବ । ଏଥିରେ, ଇଣ୍ଡଷ୍ଟ୍ରିର ବିଭିନ୍ନ ସେଲିବ୍ରିଟିମାନେ ଆସି ମଜା ମସ୍ତି କରିବେ ଏବଂ ମଜାଳିଆ ଖେଳ ଖେଳିବେ। ଏଥର କୋରିଓଗ୍ରାଫରମାନେ ମଞ୍ଚରେ ନଜର ଆସିବେ।
ବ୍ୟୁରୋ ରିପୋର୍ଟ, ଇଟିଭି ଭାରତ
